கருவறையில் இருந்து...

hi

2010-02-03T11:03:00.001+05:30

சொற்றொடரால் நினைவுபெரும் தருணம்

2009-11-03T16:26:00.001+05:30

சொல்லின் வலிமை மிக பெரியது.

பாராட்டு சொல்லை பெறும்போதும்,இகழ்ச்சி சொல்லை பெரும் போதும் உள்ள மனநிலைகளை நாம் அறிவோம்.

நாம் யாரும் கடந்துவராத தருணங்கள் அல்ல அவை.

அப்படிப்பட்ட சொல்லை கொண்டு அமையப்பெற்ற சொற்றடரால் நினைவுகூரப்படும் மூன்று தருணங்களின் தொகுப்பே இது.

நீங்கள் உங்கள் நண்பர்களை கலாய்த்து(மொக்கை இடுதல்) உள்ளீர்களா?

நான் கல்லூரி படித்து கொடு இருந்த சமயம் அது...ஒரு முறை மதிய சாப்பாட்டிற்காக நாங்கள் பத்துபேர் நடந்து கொண்டு இருந்தோம் ..

அருண் வெங்கடேஷ் தான் அன்று யாரையோ கலாய்த்து கொண்டு இருந்தான்

அப்பொழுது அவன் உதிர்த்த ஒரு பழமொழி தான் இன்றுவரை அந்த தருணத்தை நினைவில் வைத்து இருக்க செய்கிறது ..

அது ..

இது என்ன "தெருவை இழுத்து தேர்ல விட்ட கதையாய் இருக்கு"

இன்னொரு தருணம் எனக்கும் வினோஜ் க்கும் இடையில் நடந்தது...காதலனோ காதலியை காண VVV பெண்கள் கல்லூரி வாசலில் காத்து இருக்கிறார் ..காதலன் நான் இல்லை ..

அப்போது ஏதோ ஒரு விளையாட்டு வாக்குவாதம் பெரிதாகிவிட நான் கோபத்தில் சொன்னா சொற்றொடர் நிலைமையை மாற்றியது ..

அது ..

"நீயெல்லாம் உப்புல சோத்த போட்டு தானே திங்குற"

மூன்றாவது சம்பவம் நேற்று நடந்தது ..இந்த பதிவை எழுத தோன்றியதே அந்த சம்பவத்தின் பின்னர்தான்...

அன்பேவா நாடகத்திற்கு பின்னரான அரட்டையின் போது முனீஸ் சொன்ன வார்த்தை நேற்று இரவு பதினோரு மணிவரை சிரிப்பில் ஆழ்த்திய வாக்கியம்..

"தங்கசிடோட Wife"

இதன் போன்று நீங்களும் பல சொற்றொடர்களை கடந்து இருப்பீர்கள் ..பகிர்ந்து கொள்ளுங்கள் .தருணங்கள் எப்போதும் நினைவில் இருக்கட்டும்.

ஆண்களுக்கு எதிரான ஆண்களின் "பெண்கள் சார்பான ஆணாதிக்கம்"

2009-10-26T17:18:00.000+05:30

வாங்க வாங்க உங்கள் வருகைக்கு நன்றி ..இப்பவே சொல்லிடுறேன் பின்னூட்டம் முக்கியம்.

இப்ப நான் உங்களுக்கு ஒரு குட்டி கதை சொல்ல போறேன்.சரியா ?(வந்தது வந்துடீங்க வாசிச்சிடுங்க)

A,B,C,D ஆகிய நாலு பேரும் நண்பர்கள்.தெருவுலயே இருக்குற டாணா திருப்ப பாலத்துல அவுங்களை எப்போதும் பாக்கலாம்.

அந்த தெருவுல Y அப்படின்னு ஒரு அழகான,வனப்பான,வாளிப்பான ஒரு பொண்ணு.(All males please avoid jollu)

Z ட்டு Z ட்டு அப்படினு அந்த ஊருக்கு நம்ம வால்பையன் மாதிரி ஒரு அழகான,கட்டுமஸ்தான,கட்டிளம் காளை வர்றாரு.

Z இடம் இருப்பது ஒரு Pulsar பைக்கு...

நம்ம Y இடம் இருப்பதோ ஒரு ஸ்கூட்டி பைக்கு.

ஒ A,B,C,D ஆ அவங்க ரெண்டு யமகா RX1250 cc பைக்கு வச்சு இருகாங்க.ரொம்ப யோசிக்க வேணாம் A,C அவங்க அப்பா காலத்து சைக்கிள் வச்சு இருக்காங்க .B,D ரெண்டு பேரும் பயணிகள் அந்த சைக்கிளுக்கு.

நம்ம Y,Z போறதும் வர்றதும் ஒரே பாதை..

நாம கதையோட இறுதி கட்டத்துக்கு வந்துட்டோம் அதனால இருக்கை முனையில் வந்து வாசிக்கவும்..

அன்னைக்கு சாயந்திரம் சாயந்தரம் மாதிரி தான் இருந்துச்ச்சு..

Z தன்னோட பைக்குல சும்மா கதாநாயகன் மாதிரி வர்றாரு

கேமரா எப்படி போது தெரியுமா?

Z வண்டி டயர் ,பின்ன அவரு,அப்பாலிக்கு அவரு முதுகு..அப்படியே Y யோட முதுகு ,காதுப்பக்கம் அலைபாயுற முடி,அவங்களோட புன்னகை அப்பறம் அவங்க வண்டி டயர்..

டபக்குனு ஒரு எருமை மாடு frame க்கு உள்ள வந்துட்டு உடனே ஓடுது..

கீசுன்னு ஒரு சத்தம் ,பின்னாடியே டமால் நு ஒரு சத்தம் ..

நடந்து விபத்து நடந்த இடம் "டாணா" பாலம்...

இப்ப frame la மாடு தெரியாது,இல்லேன்னா out of focus ல தெரியும் .

கீச்சு Z ஓட பைக்கு பிரேக்..

Y வந்து Z பைக்குல முட்டுச்சே அது தான் "டமால்"...

இப்ப Y,Z ஐ காட்டுறோம் அப்படியே A,B,C,D ஐ கட்டுறோம் .

அப்படியா கேமராவை எங்கயாச்சும் focus பண்ணி குலுக்குறோம்..(விவேக் காமடில அடிவாங்குரப்ப காட்டுவாங்களே அப்படி..)

இது தாங்க 'ஆண்களுக்கு எதிரான ஆண்களின் "பெண்கள் சார்பான ஆணாதிக்கம்"...'

புரிஞ்சுதா??!!

டிஸ்கி:

கொஞ்சம் ஊக்கம் குடுக்கவும்.அப்பா தான் இப்படி தொல்லை எல்லாம் கொடுக்க மாட்டேன்.

உடைபட்ட இந்தியா எண் 7 -திரை விமர்சனம்

2009-10-24T16:56:00.001+05:30

திகதி : 23 -ஏப்ரல்-2050

2025 வருடம் இந்தியா மேலும் உடை பட்டு அதனிடம் இருந்து தமிழகம் தன்னை ஏழாவது தனி நாடாக பிரித்த போது அப்பொழுது அங்கே ஊடக வியலாளராக இருந்த "மார்கன் மாளிபார்"(Margan Maliphar) என்ற ஸ்பெயின் எழுத்தாளரின் "Broken India" என்ற நூலை தழுவி எடுக்க பட்ட படம்.

கொஞ்சம் நழுவினாலும் கையை சுட்டுக்கொள்ள கூடிய வாய்ப்பு இருக்கும் படம்.

ஸ்ரீனிவாசன் எனும் தெலுங்கு நாட்டு இயக்குனரால் இயக்கப்பட்டு 2047 இல் வெளி வந்து இருக்கும் இப்படம் உலக சினிமா வரலாற்றில் ஒரு தவிர்க்க இயலாத படம்.

இயக்குனர் 1947 ஆம் ஆண்டுக்கு பின்னர் இந்தியா என்னும் போலி ஜனநாயக நாடு அணிந்து இருந்த முகமுடியை கிழித்து தொங்க விட்டு இருக்கிறார்.

கதையின் அடித்தளம் மூன்றாம் உலகப்போருக்கான சூழல் உருவாகும் வண்ணம் சீனா தனது கப்பல் படைகளையும்,இதர படைகளும் இந்து மகா சமுத்திரத்தில் கொண்டு வந்து நிறுத்துகிறது.

இந்திய ராணுவம் போர் விதிமுறைகளை மீறி தமிழக மக்களை தனது கேடயமாக பயன்படுத்த முனைகிறது.இதனை அடுத்து தமிழக மக்களுக்கும் , இந்திய ராணுவத்திற்கும் இடையே நடை பெரும் கிளர்ச்சி தான் படம்.

கதையை மட்டுமே மையமாக வைத்து நகரும் இப்படத்தில் பாத்திரங்களும் தங்களது பங்கை உணர்ந்து செய்து உள்ளனர்.

கிளர்ச்சியாளர் தாமிராவிற்கும்,கார்கிக்கும் நடைபெரும் உரையாடல்கள் புரிதலுக்குரியவை.

கிளர்ச்சியின் போது வெட்டப்படும் தலை,வெடிக்கும் வெடி குண்டு என பெரும்பாலும் காட்டாமல் வழிந்தோடும் இரத்தம் மூலம் காட்டுவது அருமை.

இறுதி கட்டத்தில் நிகார் எனும் கிளர்ச்சியால் ஊனம் உற்ற அன்பர், தனது மகனுக்கு பெட்ரோல் வெடிகுண்டு செய்து வீசும் முறையை கற்றுகொடுத்து,அது தவறுதலாக வீசப்பட்டு மகன் உயிரை இழக்கும் போது "இதை நான் வேண்டியா செய்தேன்" என்று சொல்லும் பொழுது இந்தியா திணித்த அடக்குமுறையை உணர முடிகிறது.

இந்திய படைபிரிவு 23 ஐ 15 பெண் கிளர்ச்சியாளர்கள் வீழ்த்தும் ஒரே காட்சியில் தமிழகம் போற்றும் பெண்ணின் வீரத்தை காட்டி விடுகிறார் இயக்குனர்.

கண்டிப்பாய் ஒவ்வொரு தமிழ் குடிமகனும் பார்க்க வேண்டிய படம்.

"எந்த ஒரு திணிப்பும் இன்றி இன்று நாம் தமிழ்நாட்டில் சுதந்திரமாய் வாழ்கிறோம்,இதற்காக நம் முன்னோர் கொடுத்துள்ள விலை பெரிது"

இந்திய சுதந்திரத்திற்கு பிறகு நூறு ஆண்டு கால இடைவெளிக்கு பின்னர் வந்து இந்தியா ஒரு மாற்று காலனி நாடே என்று சொன்ன இந்த தெலுங்கு மொழி படம் "பெரியார் விருது" ,"அம்பேத்கர் விருது" உட்பட பல்வேறு விருதுகளை வாங்கி குவித்தது.

பின் குறிப்பு:

இது முற்றிலும் எனது கற்பனையே.உலக சினிமா "செழியன்" அவர்களின் தாக்கம் இருக்க கூடும் எனது எழுத்து நடையில்.தயை கூர்ந்து லாஜிக் பார்க்க வேண்டாம்.

எண்திசை பதிவுக்கான குறிப்பு:

எதிர்காலத்தில் வரப்போகும் படத்திற்கான திரை விமர்சனம் எழுவது.

டிஸ்கி:

பின்னோட்டம் முக்கியம்.

மீண்டும் மீண்டும் நான்...

2009-10-24T16:12:00.000+05:30

ரொம்ப விரைவாக மட மட வென்று 41 பதிவு எழுதி ஆகிற்று எல்லாத்தயும் திரும்பி பார்க்கும் பொழுது பெரிதாய் ஒன்றும் சாதித்தாய் தோன்றவில்லை.

எதோ என்னை ஈர்க்கும் ஒன்று இரண்டு பதிவுகள் வாசிப்பாளர் யாரையும் ஈர்த்ததற்கான அறிகுறி தெரியவில்லை.

கலாச்சாரம் என்றால் என்ன?,கலாச்சாரம் ஏன் வேண்டும் ஆகிய பதிவுகளை மீண்டும் ஒருமுறை வாசிக்கும் பொழுது கொஞ்சம் இப்பொழுது அதன் மீதான கருத்து மாறி இருப்பது தோன்றுகிறது.

மாதவாஜ் அண்ணனின் "நடிகர்கள்" குறித்த பதிவை வாசித்து விட்டு அந்த தாக்கதிலயே எழுதிய "நடிகர்கள் அறிவற்றவர்களே" என்ற பதிவு என்மீதான சலிப்பை தருகிறது.

எனது கிறுக்கல் கோழிகள் ஒருபோதும் வாசிக்கபடுவதே இல்லை (அல்லது) வாசிப்பவருக்கு புரிவதே இல்லை.

ஒருமுறை என் கல்லூரி நண்பன் என்னை பார்த்து கூறியது "You are a peculiar person" என்று.அந்த Peculiarity க்கான அடையாளம் எனது பதிவுகளில் நானே காணவில்லை.

ஆக எழுதுவது ஒரு பதிவோ இரண்டு பதிவோ அது எனது எழுத்து படி எனது தனித்தன்மையின் படி இருக்க வேண்டும் என்று முடிவு செய்து தான் அத்தகைய பதிவை வெளி இடும் முன்னர் எண்திசை பதிவு என எனது பதிவுக்கான ஒரு ஒட்டு பதிவை வெளியிட்டேன்.

ஆனாலும் நேரம் என்னை எனது பதிவை எழுத அனுமதி தரவில்லை.சரி இப்பொழுது உள்ள நேரத்தில் விரைவில் எனது பதிவு தயாராகிறது.

நீங்கள் அனைவரும் என்னை ஆதரிப்பீர்கள் என்ற நம்பிக்கையில் பதிவை இடுகிறேன்.

மற்றும் ஒரு வேண்டுகோள் ..வாசிக்கும் நீங்கள் பினூட்டம் இடுவது என்னை மேலும் நல்ல முறையில் எழுத தூண்டும் என்பதை மறக்க வேண்டாம்.

வலைப்பதிவர்களே -எண்திசை பதிவு!!

2009-10-21T16:56:00.002+05:30

ஒரு புதிய பதிவு வகையை எனது சிந்தனை கொண்டு அறிமுகபடுத்துவதில் பெருமிதம் அடைகிறேன்.

ஏற்கனவே தொடர்பதிவு என்று ஒன்று இருக்கிறது.இதன் படி ஒருவர் ஒரு பதிவை பதிய, அவர் அழைத்து அவரை தொடர்ந்து மற்றவர் பதிய வேண்டும். பின்பு அவர் அழைப்பில் மற்றொருவர் என தொடர்கிறது ..இது தான் நான் புரிந்து கொண்டு உள்ளது.

இதில் எனக்கு பெரும் குறையாக தோன்றியது அதை போன்ற பதிவை பதிய விரும்பும் ஒருவர் யாரேனும் அழைக்க வேண்டும் என காத்து இருக்க வேண்டி இருக்கிறது(அழைக்காமலும் பதியலாம் என்பது உண்மையே.அழைப்பின் கீழ் பதிகையில் பெரும்பான்மை வாசகர்களை கவர முடிகிறது)

மேலும் சில நேரம் நாம் தொடர்பதிவுக்கு அழைத்து யாரும் பதியாமல் போவதும் நடக்கிறது.

இதுபோக தொடர்பதிவுகள் ஓரளவு பிரபலாமாகி விட்டவர்களிடயே மட்டும் நடக்கிறது.

ஆக இந்த குறையை தீர்க்க யோசித்த போது எனக்கு இரண்டு வகை பதிவுகள் தோன்றின.

ஒன்று குறையை தீர்க்கும் வண்ணமும்,மற்றொன்று குறைகளுடனே ஆனால் புதிய தொரு வாய்ப்பை தரும் வண்ணமும் தோன்றின.

வட்டப்பதிவு: இது அப்படியே தொடர்பதிவை போலவே ..அழைப்பின் பேரிலேயே பதியப்பட வேண்டும்.ஏற்க்கனவே பதிந்தவரை மீண்டும் பதிய அழைக்கலாம்.

எண்திசைப்பதிவு: இதன் படி யாரும் அழைக்கப்பட வேண்டாம்.முதலில் பதிபவர் தனது பதிவில் எண்திசைப்பதிவு என்று "tags" இல் குறிப்பிட்டு இருந்தால் போதும்.யாரேனும் அதை தொடர்ந்து பதியலாம்.

தொடர்ந்து பதிபவர் யாரை தொடரகின்றாரோ அவரது வலையின் சுட்டியை தனது பதிவில் இடுவதுடன்,அவரை போலவே "tags" இல் எண்திசைப்பதிவு எனவும்,மேற்கொண்டு தொடர்ந்தவரின் வலைப்பூவின் தலைப்பையும் கொடுத்து விடல் வேண்டும்.

இதில் உள்ள நன்மைகள்

புதியவர்கள் பழையவர் என்ற பேதம் குறையும் என நம்புகிறேன்.

இன்னும் புதிய புதிய வலைபூக்களை படிக்கும் வாய்ப்பு அதிகருக்கும் .

இது குறித்த உங்கள் மேலான கருத்துகளை எதிர் நோக்குகிறேன்.

இன்று இரவு எனது முதல் எண்திசைப்பதிவு ஆரம்பம் ஆகும்.

புதிதாய் பழையதாய்

2009-10-14T15:30:00.002+05:30

நேர் வளை பாதையில்,

நீ நெருங்கி தொலைவில்,

பார் உருண்டை சதுரமாய்,

பார்வை தெரிய குருடாய்,

என் உயிர்ப்பும் மரணமாய்,

நீ காதல்ச்சொல்லி விலக.

என்னவள்,செருப்பு,காதல்-மீள் பதிவு

2009-10-07T10:53:00.001+05:30

இது ஒரு காதல் கதை....இல்லை இல்லை காதல் நிஜம்.

என்னவளோ பட்டணத்தில் படித்தவள்.

வைகை ஆற்றின் பாசனம் பெரும் ஒருவயலின் வரப்பில் அவள் தவறி விழுந்ததால் தவறாமல் நிகழ்ந்தது எங்கள் சந்திப்பு.

"செருப்பிட்டு வரவேணாம் வயலில்" என உதிர்த்தேன் அறிவுரையை.அதுவே வினை ஆகுமா?ஆனதே ...

அதே வரப்பில் தேவதை போல பட்டுடுத்தி..இல்லாத இடுப்பில் குடத்துடனும்,வலக்கையில் செருப்புடனும் அவள் ...

பளீர் என ஒரு அரை வாங்கினேன் காதலை சொல்லி....

அதன் பிறகு ஆத்தங்கரை ஓரம்,பெரு வரப்பு, சிறு வரப்பு என மாறாத பருவகாலம் போல மாறாமல் விழுந்தது செருப்படி.கடைசியாக செருப்பும் பிய்ந்தது,காதலும் கனிந்தது....செருப்படி பட்ட இடம் எல்லாம் செவ்விதழ் பதிந்தது பின்பொரு காலம் ...

அப்படி ஒரு காலத்தில் தான் ..காதல் கனிய சொன்னேன்."கழிவுகளில் பட்ட உன் செருப்பு படும் இடம் அவ்வளவு சுவையோ,இதழ்கள் இதமாய்

மேய்கின்றனவே"

..........

"பளார்...."என் கடவாய் பல்லு....."

..........

அன்றும் அப்படித்தான்...

நானும் அவளும் காலாட நடந்து ஆத்தங்கரை செல்லலாம் என உரைத்தேன்..

சரி என்றாள் அவளும்,என்றும் நான் கொண்ட காதலோடு ...அவளின் விரல் பற்றி ஒருவர் நடக்கும் வரப்பில் இருவர் நடந்தோம்..

வந்தது அவள் முதல் முறை இடறிய இடம்..காதல் கனிய நான் உரைத்தேன் "இங்கு தான் இறக்கை இல்லா ஒருதேவதை சேற்றில் குளித்தால் என்று"

பளார் ....சொத்...இனி நான் குளிக்கவேண்டும்.

...............

பிறிதொருநாள் நடந்தது இது ..நேற்று இரவு வாங்கிய பளாரில் பிய்ந்தே போய்விட்டது செருப்பு ..

கொண்டகாதலில் கொஞ்சமும் இடறாமல் வாங்கி வந்து இருந்தேன் அவளுக்கென அழகாய் ஒரு உயரமான குதிங்கால் செருப்பு .

செருப்பை நன்றாய் பார்த்துவிட்டு கேட்டாள் என்னவள் "எனக்கு ஏன் இவளவு உயரமான செருப்பு"

முகத்தை சோகமாய் வைத்துக் கொண்டு நான் சொன்னேன் "நீ உயரம் பத்தாமல் என்னை அடிக்க கஷ்ட படுகையில்..மனது கஷ்டமாய் இருக்குறது" என்று ..

முன்னால் நகர்ந்து வந்து வந்து கட்டி அனைத்து ...

"அய்யய்யோ கடிக்கிறா ..."

"புது செருப்பு பிஞ்சா மனசு கஷ்டமா இருக்கும்" பிற்சேர்க்கையாக சேர்த்துக்கொண்டாள்.

குறிப்பு:என்னவோ எனக்கு இந்த பதிவை மீள் பதிவு பண்ண தோன்றியது.

ஓராயிரமாய் எழுவோம்(காணொளி பாடல் வரிகளுடன்)

2009-10-01T17:45:00.007+05:30

விழ விழ எழுவோம்,
விழ விழ எழுவோம்,
விழ விழ எழுவோம்,
ஒன்று விழ நாங்கள் ஒன்பதாய் எழுவோம்!

விழ விழ எழுவோம்,
விழ விழ எழுவோம்,
விழ விழ எழுவோம்,
ஒன்று விழ நாங்கள் ஒன்பதாய் எழுவோம்!

விழ விழ எழுவோம்,
விழ விழ எழுவோம்,
விழ விழ எழுவோம்,
ஒன்று விழ நாங்கள் ஒன்பதாய் எழுவோம்!

தமிழ் ஈழ தாகம் தணியாது,
எங்கள் தாயகம் யார்க்கும் பணியாது.

தமிழ் ஈழ தாகம் தணியாது,
எங்கள் தாயகம் யார்க்கும் பணியாது.

விழ விழ எழுவோம்,
விழ விழ எழுவோம்,
விழ விழ எழுவோம்,
ஒன்று விழ நாங்கள் ஒன்பதாய் எழுவோம்!

தமிழ் ஈழ தாகம் தணியாது,
எங்கள் தாயகம் யார்க்கும் பணியாது.

குருதியால் ஒரு தமிழீழம் கொண்டுவா மகளே-உன்னை
தூண்டில் இட்டவன் பிணக்கோலம் கண்டு வா மகளே.

கருவினால் நீ புலியடி கொதித்துவா மகளே-என்
கண்களில் நீர் வைத்தவனை மிதித்து வா மகளே.

செந்தமிழ் உடைதறித்து வா மகளே-?????
செருக்கு நெஞ்சர் வெறிப்படை நெரித்து வா மகளே.

"சாவே என்னை உன்கையில் தருவேன்,
தமிழர் கையில் விடுதலை தா.
சாவே நின்னை இன் உயிர் என்பேன்,
தமிழீழம் உயிர் பெற நீ வா"

கொடியவர் சிறையை கொளுத்து,
கொளுத்து கொளுத்து கொளுத்து டா.

பகைவர் மடிய தலைகள் விடுத்து,
நாளை விடியும்பார் காலம் வெளுத்து.

பண்டை தமிழனாய் மாறடா,
மடை(?) உறைதீயில் வாழ் பாய்ச்சடா பாய்ச்சு.

சண்டை களம் நோக்கி ஏறுடா,
சாதிவாள் எதிரினில் பாய்ச்சடா பாய்ச்சு.

தமிழ் ஈழ தாகம் தணியாது,
எங்கள் தாயகம் யார்க்கும் பணியாது.

தமிழ் ஈழ தாகம் தணியாது,
எங்கள் தாயகம் யார்க்கும் பணியாது.

விழ விழ எழுவோம்,
விழ விழ எழுவோம்,
விழ விழ எழுவோம்,
ஒன்று விழ நாங்கள் ஒன்பதாய் எழுவோம்!

வந்து பாயும் குண்டிடை நடந்துவா மகனே-உன்னை
வளைத்து நின்ற கொடுந்தடையை கடந்துவா மகனே.

தோளிரண்டில் வெம்புயல் நீ தூக்கிவா மகனே-உன்னை
துடிக்க வைத்த சிங்களத்தை தாக்கிவா மகனே.

????? விடுதலை பறித்து வா மகனே-உந்தன்,
நலம் கெடுப்பார் எலும்பினை முறித்துவா மகனே.

"விலங்கு பூட்டிய அடிமை மண்ணில்,
வீடும் வாழ்கையும் ஒரு கேடா?

உள்ளம் கலங்கி நடுங்கும்,
உள்ளம் உடையார் நாடென் தாய் நாடா?

ஏ! சிங்களர் என்ன கொங்கோ?(?)
கொங்கோ?கொங்கோ?

மண்ணில் எங்கள் தமிழருங்கோர்,
தமிழா பொங்கி எழுந்து களம் போ.

நீ யாது கலக்கில் நீ யாது
என் ????? பலமென்று சாதலும் சாது.

தொட்டு கிடந்தவன் மண்ணில் கிடந்த,
பாழ் வரலாறு இருக்கடா இருக்கு.

விழ விழ எழுவோம்,
விழ விழ எழுவோம்,
விழ விழ எழுவோம்,
ஒன்று விழ நாங்கள் ஒன்பதாய் எழுவோம்!

தமிழ் ஈழ தாகம் தணியாது,
எங்கள் தாயகம் யார்க்கும் பணியாது.

எரிமலை வெடிக்கும்!
புயல் வீசி அடிக்கும்!
எண்திசை புலிக்கொடி பறக்கும்!

வருவான் புலிப்படை தலைவன்,
வரும்நாள் பிறக்கும்,
தமிழீழம் பிறக்கும்.

குறிப்பு:

செவியால் கேட்ட போது அறிந்து கொள்ள முடியாத வார்த்தைகளை "?????" ஆலும் சந்தேகப்படும் வார்த்தைகளை "?" ஆலும் குறித்து உள்ளேன்..யாருக்கேனும் தெரிந்தால் பின்னூட்டத்தில் சொல்லவும்.மேற்கொண்டு பிழைகளையும் சுட்டி காட்டவும்.

எங்கே தவறினேன்?மீண்டும் உயிர் பெறுவது சாத்தியமா?

2009-05-31T12:41:00.002+05:30

காலமும்,கால தாமதமும் எனது இனத்தை ஒரு முட்டுத்தெருவின் சந்தில் வைத்து எருமை மாடுகளை கொண்டு ஏய்துவுடும் அளவுக்கு கொண்டு வந்து விட்டேன்.என் இனம் நொறுக்கப்படும் போது எல்லாம் எந்த ஒரு முனங்கலும் அன்றி எந்த ஒரு போதையில் தவறி இருந்தேன் நான்??உணர்வற்று இருந்தவன் நான் அல்ல.அப்படி இருந்திருந்தால் இப்படி எழுதி இருக்கவே மாட்டேன்.

ஆயினும் நான் போதையில் தவறி விட்டேன் என்பது உண்மையே..

பிழைப்பு வாத கூட்டத்தில் எனக்கான பாதையை தேடி எந்த ஒரு பிடிமானமும் இல்லாது பயணிக்க வேண்டிய கட்டத்தில் நான் இருந்தேன்...இருப்பினும் என்னால் இயன்ற அளவு முனங்கல் செய்யவே செய்தேன்..ஒருவேளை பிடிமானம் இருந்து இருப்பின் கத்தி இருப்பேன்.

பிடிமானம் இல்லாத போதும் நான் கத்தி இருக்க கூடும்..நான் நாமாக இருந்து இருந்தால்..நாமாக இருந்த கூட்டம் சற்று பெரிதாய் இருந்து இருந்தால்...இயலாமையின் போது அடுத்தவர் மீது பழிபோடுவது தவறே..ஆனால் அதுவே உண்மை என இருக்கும் போது?

நான் என்னை நியாய படுத்தி கொள்ள விரும்பவே இல்லை ..நான் குற்றவாளியே...ஆனால் நீங்கள் அனைவரும் நிறுபராதி என்று எண்ணிவிடல் வேண்டாம் ...மாபெரும் தவறுகள் செய்தோமோ என்று எண்ண தோன்றுகிறது ..

பிரபகாரன் மாபெரும் வீரனே ...அண்ணனை இன்றும் நம்புபவன் நான்...ஆனால் எல்லாம் பிரபாகரன் பார்த்துக்கொள்வான் என்று நாம் இருந்து விட்டோமோ?அண்ணன் என்ன சினிமா கதாநாயகனா? நிகழ்வில் நாம் அண்ணனுக்கு என்ன பங்கு செய்தோம்?வெற்றி பெற்றால் ஆர்பரிக்கவும்..தோற்றால் அழுது புரளவும் மட்டுமே செய்தோம்..

நாம் ஒன்றும் சர்வதேச சமூகத்திடம் நிலைமையை பெரிதாய் ஒன்றும் எடுத்து செல்லவில்லையே...கூட்டமாய் கூடத்தயங்கினோமே...கட்சி,தலைவர்கள் நடத்திய கூட்டம் தவிர்த்து மாபெரும் எழுச்சி கூட்டம் நாம் எத்துனை நடத்தினோம்?என்னை போல மற்றவர் கூடினால் நாமும் சேரலாம் என்று தானே பலரும் நின்றோம்?தலைவர்களை நம்பி தலை இன்றி முண்டமாய் போனோமே...

முத்துகுமார் கொடுத்த பாதையை தொடர தலைவர்கள் தடைகள் இட்டபோது ..அடித்து நொறுக்கவும் குதித்து தாண்டவும் தவறினோமே..ஒற்றை விரல் மை எல்லாம் செய்து விடுமோ?அநியாயம் இன்று ஐநா வரை நிறைவேறி விட்டது..

இறந்து பிணமாகி போகிறவர்களை பார்த்து உச்சுக்கொட்டும் உயிருள்ள பிணமாய் இன்று இருக்கிறோமே...தவறிய நாம் ..நான்..பிழைப்பது சாத்தியமா?

பிரபல பதிவராக ..சில பதிவு தலைப்புகள்.

2009-04-04T14:51:00.002+05:30

பிரபலமிலாத பதிவராக x வழிகள்;X=real integer
சும்மா இஸ்டத்துக்கு ஒரு பத்து யோசனையை சொல்லுங்கள் ...

பிரபல பதிவரிடம் வாங்கிய அடி

பிரபல பதிவரும்,பிரபல நடிகையும்

இவரெல்லாம் பிரபல பதிவர்?

பிரபல பதிவரின் பித்தலாட்டம்

பிரபல பதிவர் யார் பின்னால் சுற்றுகிறார்?

பிரபல பதிவர் சுட்ட கவிதை.

பிரபல பதிவர் தேர்தலில் .....
உள்ளே அவர் வாக்களித்ததை குறித்து பதிவு இடலாம் ..

இப்படி உங்களுக்கு பிரபலம் என்று உங்களுக்கு என்னவெலாம் தோன்றுகிறதோ அதை கொண்டு பதிவிடலாம் ...
அப்பறம் யார் சொன்னாலும் சொல்லாவிட்டாலும் நீங்கள் "பிரபல" பதிவர் தான்.

இந்திய மரபும்,மகாத்மாவின் மலமும் -பெரியார்தாசன் உரையில் இருந்து.

2009-04-04T13:47:00.003+05:30

இந்துமதம் ,அது இல்லாத இடமே இல்லை.ராமகோபாலன் ஐயாவுடைய கோமணதிற்கு கீழேயும் அதுதான் இருக்கிறது.சங்கராசாரியரிக்கு சொறி பிடிக்கிற இடுப்பிலேயும் அதுதான் இருக்கிறது.உங்க வாழ்கையில என்ன கஷ்டம்னாலும் என்கிட்டே சொல்லு.லெட்டர் போடு.ஜோசியபடி கணிச்சு உன் வாசப்படியில வந்து சொருவுரேங்குறான்.

வாஸ்த்து சாஸ்திரம் என்கிறான்.எந்த நாட்டில் வாஸ்த்து சாஸ்திரம்?தமிழ்நாட்டில்,மராத்தியில்,குஜராத்தில்,வாழ்வதற்கே வசதியிலாமல் பிளாட்பாரத்தில் படுத்திருக்கும் ஜனங்ககிட்ட வாஸ்த்து மயிறு எனாத்துக்கு?

ஆயுர்வேதம் இவன் சாஸ்திரம்,வாஸ்த்து இவன் சாஸ்திரம்,ஜோசியம்,காலகணிதம்,நியுமராலாஜி அவனோட ஆயாலாஜி ..எலாத்தையும் சேத்து உழைக்குற நம்மள ஒரு அங்குலம் கூட விழிப்பு அடைந்து விடாமல் தடுக்கிற இந்த சக்திகளுக்கு பெயர் இந்துமதம்.

1932 இல் காந்திக்கே இந்த மேட்டரு புரியாம போய் வட்ட மேசை மாநாடுல நீயும் நானும் இந்துன்னு பாபாசாகேப் அம்பேத்கரை பார்த்து சொன்னாராம்.யாரு?மகாத்மா காந்தி.நாமெலாம் வெறும் ஆத்மா.அவங்க மட்டும் தான் மகாத்மா.

ஆத்மாவே இல்லைன்னு சொன்னார் புத்தர்.இதுல மகாத்மா இந்த தேசத்திற்கு பிதா!அந்த மகாத்மாவை பார்த்து "ஹெலோ மிஸ்டர் வாயை மூடுங்க" என்று சொல்லிவிட்டு "நீ எப்படி என்னை இந்துன்னு சொல்லுற?நீ சொல்லிக்கோ நீ இந்துன்னு..என்ன எப்படி சொல்லுற?" என்று கேட்டாராம்.அதற்க்கு "நீயும் இந்து நானும் இந்து" என்று காந்தி மீண்டும் சொன்னாராம்.

"நான் இந்து இல்லை,நீ மலத்தை தொட்டு இருக்கியா" என்று அம்பேத்கர் கேட்டாராம்.

கழுவிதான ஆகணும்.அவரு மகாத்மாங்கரதால 'எவாபரெட்' ஆகிடுமா என்ன?

மனிதனாய் பிறந்த என்னை தீண்டபடாதவன் என்று சொல்லி தொட்ட குளிக்கனும்னு சொல்லுற நீயும் இந்து,நானும் இந்துவா?யாருடா இந்துனா ..இந்திய மரபில் வந்த எல்லோரும் இந்துன்குறான்?

நாங்க சுடலைமாடனுக்கு காவு குடுத்து கட்டாந்தரையில் கடா வெட்டி அங்க உடுக்க சிலம்புல பாட்டுபாடி ,"சுடலை மாடன் வந்து ....நின்றான் நின்றான் அங்கே" நின்றான்,நின்றான்னு அறை மணிநேரமா நிக்குறோமே,நானும் இந்து.சேரிக்குள்ளே சாமி வரக்கூடாதுன்னு அடம்புடிக்கிற நீயும் இந்துவா?என்னுடயமரபும் உன்னுடைய மரபும் ஒண்ணா?
இந்த கேள்வியை தான் இங்கே எழுப்புகிறோம்.இந்திய தத்துவமரபுக்கும் இந்து மதத்துக்கும் என்ன சம்பந்தம்?

இந்திய தத்துவ மரபு மிக பெரியது.அகலமானது.ஆழமானது.அது சாங்கியர் என்று சொல்லபடுகிற கபிலரிலே ஆரம்பித்து புத்தரிலே தொடர்ந்து வள்ளலார்வரை வந்து இன்றைக்கும் பாமர மக்கள் என்று சொல்லப்படுகின்ற உழைக்கும் வர்கதினரிடயே வாழ்ந்து கொண்டிருக்கிற ஒரு மரபு இந்திய தத்துவ மரபு.

ஒரு முயற்சியும் தோல்வியும்

2009-04-02T11:57:00.003+05:30

ரெண்டு நாளைக்கு முன்னால் சாதம் பொங்கி விட்டு ..சரி மோர் குழம்பு வைத்து சாப்பிடலாம் என யோசித்து ..அம்மாவை தொலைபேசியில் அழைத்து மோர் குழம்பு வைக்கும் முறையை கேட்டு(?!) தெரிந்து கொண்டேன் ...நான் மோர் குழம்பு வைத்த முறையை கீழே சொல்கிறேன் ..அப்பறம் எப்படி வந்து இருக்கும் என்று நீங்களே யூகித்து கொள்ளுங்கள்.

இரண்டு தயிர் பாக்கெட் ஐ மோராக மாற்றி கொண்டேன்.பிறகு அதனுடன் கொஞ்சம் சீரகம்,தேங்காய் ஆகியன சேர்த்து மிக்சியில் அரைத்தேன்(?!)
அதை தனியாக எடுத்து வைத்து விட்டு அடுப்பில் பாத்திரத்தை வைத்து கொஞ்சம் எண்ணெய் விட்டு கடுகு,கருவேப்பில்லை போட்டு தாளித்தேன் .
பின்னர் மோர் கரைசலை இதனுடன் சேர்த்தேன்.கொஞ்சம் கொதிக்கும் நிலைக்கு முன்னர் மஞ்சள் தூள்,உப்பு மற்றும் பெருங்காயம் சேர்த்து இறக்கினேன்.

உங்களுக்கே தெரிஞ்சு இருக்குமே எப்படி மோர் குழம்பு இருந்து இருக்கும் நு.
எங்க அம்மா சொன்னது ஒன்னு ..நான் செஞ்சது ஒன்னு ..என்ன அதை ஒளிப்படம் எடுக்காமல் விட்டு விட்டேன் ..இன்னைக்கு கூட சாம்பார் வைக்கலாம் நு யோசிச்சு இருந்தேன் ..ஆனால் மத்தியானத்துக்கு தேவையானது ஏற்கனவே இருக்கு ...

இன்றோடு இருபத்து நான்கு...நன்றி சொல்கிறேன்.(பதிவர்களுக்கும்)

2009-04-02T10:46:00.005+05:30

(என்ன பண்ண வேற படம் இல்லையே)

பிறந்து வளர்ந்து இன்றோடு இருபத்தி நான்கு வருடங்கள் (0௨-0௪-௨00௯)முடிகிறது.உடற்கூறு பார்க்கும் போது அதிசயமாய் இருக்கிறது..அட வளந்துட்டேன்.

இத்தனை வருடங்களில் எத்தனை நாட்கள்,எத்தனை மனிதர்கள்?சந்தித்த ஒவ்வொரு மனிதரும் ஏதோ ஒரு தாக்கத்தை உண்டு பண்ணியே உள்ளனர்.என் தந்தைக்கும்,தாய்க்கும்,தங்கைக்கும் மிகவும் கடமை பட்டவனாய் இருக்கிறேன்.எந்த சந்தர்ப்பத்திலும் என் மீதான பாசம் மட்டும் அவர்களுக்கு குறைந்ததே இல்லை.

இவர்கள் தவிர நன்றி சொல்ல அநேகர் உள்ளனர் ..கொஞ்சம் பேரை இங்கே பட்டியல் இட்டு விடுகிறேன்.

பள்ளி மற்றும் கல்லூரி காலம்

மகாராஜன்
சுரேஷ் சுந்தர் ராஜ்
சக்தி மைந்தன்
செந்தில் ஆறுமுகம்
மது(எ) தெய்வ நாயகம்
வசந்தி
லவ்லின் லிடிசியா
புஷ்பவள்ளி
இந்து ப்ரியா
பூர்ணிமா
சரோஜ் குமார்
பாலா
கணேஷ் குமார்
கேசவன்
வினோத்
நடராஜ்
அருண் வெங்கடேஷ்
சக்தி விக்னேஷ் குமார்
சக்தி வேல் ராஜன்

மற்றும் பலர்

நன்றிக்குரிய உலக தமிழ் மக்கள் அரங்க நண்பர்கள்

சசி
ஸ்ரீதர்(தமிழ்)
ரமணன்
நிதி
அருண்ஷோரி
பிரேமா(குட்டி)
ஆறுமுகம் அவர்கள்
தோழர் செந்தில்
பிரின்ஸ் பெரியார் எனாராஸ்
வெங்கடேஷ்
தமிழன்பன்
கை.அறிவழகன்
பெடரிக்
இரணியன்
சதீஷ்
சுரேஷ்
ஜாய்
ஜானு
ஷ்யாம்

இந்த நண்பர்கள் மூலம் அறிமுகமான

ம.க.இ.க தோழர் பாண்டியன்
இளம்பருதி
வே.மதிமாறன் மற்றும் பலர்.

பதிவுலக வலையில்

ரொம்பகாலம் பதிவுலகில் இருக்கவில்லை ..இருந்தாலும் சிலருடைய பதிவுகளால் அவர்களுக்கு நான் நன்றி கடன் பட்டு உள்ளேன்

தாமிரா
பரிசல்காரன்
வெட்டிப்பயல்
அதிஷா
தமிழ்நதி(இளவேனில்)
மாதவராஜ்
தூயா
டாக்டர் ஷாலினி
டாக்டர் முருகானந்தம்
முரளி கண்ணன்
ஆ.முத்துராமலிங்கம்
லோஷன்
பழமைபேசி
நரசிம்
கோவி.கண்ணன்(எழுத்து பிழைகளை விரைவில் திருத்துகிறேன் அண்ணா)
வால்பையன்

எதுக்கு இந்த நன்றி எல்லாம்?கண்டிப்பாய் என்னை வடிவமைத்ததில் இவர்களின் பங்கு அதிகமாய் உள்ளது.

அப்பறம் இன்னொன்னு நிறையா பதிவுகளை படிக்க ஆரம்பித்த பிறகு ..கொஞ்சம் வாசிப்பு அனுபவத்தோடு எழுதுதல் நலம் அப்படின்னு தோனுச்சு ..அதான் கொஞ்சம் நாட்கள் பதிவுகள் இடவில்லை.
வாங்கி வைத்துள்ள புத்தகத்தை படிகிறதே இல்லை..

கீழ பட்டியல் இட்டு உள்ள புத்தகம் எல்லாம் படிக்க படாமல் உறங்குகிறது.(எல்லாம் ஒரு சுய விளம்பரம் தான்)

வாழ்வின் அலைகள்
தாய்
வால்காவில் இருந்து கங்கை வரை
மனித இனம்
இந்த புத்தகத்தை வாங்காதீங்க ப்ளீஸ்

ம்ம்ம்ம்ம்ம் ..கவலைய விடுங்க ..அப்ப அப்ப பதிவு இடுவேன்.
புத்தகங்களை படித்து முடித்து விட்டு வாசிப்பனுபவம் கொண்டு ஒரு அலசலை போட்டு ஒரு ஹிட் கொடுத்துறலாம் ...

நடிகர்கள் அறிவற்றவர்களே..

2009-03-25T13:52:00.007+05:30

முரண் தொடை அவர்களின் பதிவுக்கு பதில் பதிவு.
அறிவை எதை கொண்டு அளப்பது?உங்கள் சிந்தனைகள்,சிந்தித்ததன் விளைவாக வரும் வார்த்தைகள் ஆகியவை கொண்டு அளக்கலாம்.ஒருவேளை அது தவறு என நினைத்தீர்கள் எனில் நீங்கள் தயவு செய்து "அறிவாளி","முட்டாள்" என்ற சொற்களின் பயன்பாடு குறித்து ஒரு பதிவு இடலாம்.

முந்தய தலைமுறையில் மக்களுக்கும் சமூக பார்வை இருந்தே இருக்கிறது.நடிகர்களுக்கு பெரும்பாலும் சமூக பார்வை இல்லை .அவர்களின் தாக்கமே இன்றைய மக்களின் மனநிலை.

"சமூகபார்வைக்கும் அறிவுக்கும் என்ன தொடர்பு?" என நீங்கள் கேட்டு இருப்பது உங்கள் பின்னூட்டத்தில் வந்து இருப்பது போல நகைப்புக்கு உரியதாய் இருக்கறது.

அறிவு முதிர்ச்சி பெறாத குழந்தையின் சமூக பார்வையும்,வளர்ந்தவர்களின் சமூக பார்வையும் வேறுபடும் என்பதை நீங்கள் ஏற்று கொள்வீர்கள் என நம்புகிறேன்.

சினிமா என்பது கலை,கலை கலையே...நீங்கள் வியாபாரம் என கொள்வதானால் "கலை சேவை வரி" என்ற ஒன்று எதற்கு?சரி அப்படியே வியாபாரம் எனில் சினிமா படங்கள் குறித்து விமர்சனம் எழுதுபவர்களிடம்..இன்று கோயம்பேடு மார்கெட்டில் வியாபாரம் குறித்தும் விமர்சனம் எழுத சொல்லலாமே.ஏன் இந்த ஓரவஞ்சனை பதிவர்களுக்கு?(உங்கள் கருத்தின் படி)

அட இவர்கள் பொய் சொல்வதை கண்டு அவர் வருத்த படுவதில் என்ன தவறு இருக்கிறது?இன்று விஜயோ,சிம்புவோ இளைஞர் வட்டத்தில் பிரதிபலிப்பது இல்லை என்று நீங்கள் கூறி விட முடியுமா?
ஒவ்வொருத்தருக்கும் ஒவ்வொரு ஆதங்கம்.ஒரு நல்ல கருத்தை சொல்வதால்(அவர்கள்) பெரும்பான்மையானவர்களை போய் சேருமே.அதை விடுத்து ..வாழ்கை ஒரு வட்டம்,சதுரம் என்று சொல்லிக்கொண்டு இருப்பது அடுக்குமா?

பெரியார் சொன்ன கருத்துக்களால் தான் இன்று சமூகம் கொஞ்சமேனும் மாறி இருக்கிறது என்பது குறிப்பிடத்தக்கது.குஷ்பு சொன்ன கருத்தை ஏற்றுக்கொள்ள கூடிய வகையில் சமூகம் மாறவிடாமல் செய்ததே இந்த நடிகர்களின் வேலை தானே.

சீமான் மட்டும் உள்ளே இல்லை..சரி இன்று அவர் சொன்னதால் ஈழம் பற்றி அநேகர் அறிந்து உள்ளனர் தெரியுமா?ஈழம் பற்றி நான் நோக்க ஆரம்பித்ததே அண்ணன் சீமானின் பேச்சுக்கு பின்னர்தான்.

நடிகர்கள் மோர் பந்தல் அமைக்க சொன்னால்,புத்தகம் விநோகிக்க சொன்னால் செய்ய மக்கள் கூட்டம் இருக்கும் போது அவர்கள் சொன்னால் இதை செய்யவும் கூட்டம் இருக்கும்.

இரண்டு படம் வெற்றி பெற்றுவிட்டால் அரசியலுக்கு வரநினைப்பது தவறு என சொல்வதும் ஆதங்கமே..மக்கள் பிரச்சனை என்ன என்று தெரியாமல் ஒருவன் அரசியலுக்கு வருவது தவறு என்று சொல்வதில் என்ன தவறு இருக்கிறது?அதற்குரிய எந்த ஒரு தகுதியும் இல்லாமல் இருப்பது அறிவிலாமல் இருப்பது தானே?

ஒருவர் தான் சார்ந்து உள்ள தொழிலோ,வேறு தொழிலிலோ அடுத்த கட்டத்திற்கு நகர நினைப்பதில் தவறே இல்லை ..ஆனால் ஒரேடியாக தாவ நினைப்பது?

அவர் ஒன்று மக்களை அவமான படுத்தி கூறவில்லை.நீங்களே கொஞ்சம் யோசிக்கவும்..அவர் கூறி இருப்பதன் பொருட்டு நடிகர்கள் மக்களை இழி பிறவிகளாக எண்ணுகிறார்கள் என்பதே.

விஜய்,சிம்பு இன்ன பிற நடிகர்களின் படங்கள் குறித்த படங்கள் தரும் மனநிலை தாக்கம் குறித்து நாம் தெளிவாய் ஆராய்ந்தால் இழிபிறவியாய் யார் யாரை எண்ணுகிறார்கள் என்று தெரிந்துவிடும் தெளிவாய்.

நாங்கள் நாசமாய் போவதற்கு யாரும் காரணமாய் இல்லை.ஒருவேளை அவர்(மாதவராஜ்) நாசம் போய் இருப்பார் எனில் இப்படி ஒரு பதிவை அவர் எழுதி இருக்க மாட்டார்.பலர் நாசமாய் போய் கொண்டு இருப்பதற்கு இவர்கள் காரணமாய் உள்ளனர் என்பதற்கு எந்த மாற்று கருத்தும் இல்லை.

கலை துறையை பொறுத்த அளவில் ரசனை என்பதை சமூக நலன் சார்ந்த கண்ணோட்டம் என கொள்ளலாம்.வினவு பதிந்த "பள்ளி மாணவர்களிடம் கொலைவெறி" வாசித்தால் கொஞ்சம் உங்களுக்கு புரியும் என நினைகிறேன்.

பனிரண்டு மணிநேரம் மில்லில் வேலை பார்ப்பவன் எத்தகைய படம் பார்பான் என்பது நீங்களோ,நானோ,நடிகனோ முடிவு செய்ய வேண்டிய விஷயம் அல்ல...ரசனைக்குரிய படங்கள் வந்தாலே போதும்.

குழந்தைகளுக்கென எத்துனை படங்கள் வந்து இருக்கும் தமிழில் இதுவரை?

படங்கள் குற்த்து விமர்சனங்கள் எழுதும் போது..இத்தகைய படங்கள் தரவேண்டும் என்று விமர்சிப்பதற்கும் உரிமை உண்டு அல்லவா?சனநாயக நாடு என்று கூறப்படும் நாடுதானே இது?

வெள்ளத்தில் கரையாதது நினைவுகள் -4(இறுதி)

2009-03-24T11:12:00.004+05:30

வாசிக்க

நினைவுகள் -1

நினைவுகள் -2

நினைவுகள் -3

அதன் பிறகு வீடு முழுவதும் சேறுகளும் சகதிகளும் நிறைந்து இருந்த காரணத்தால் என்னை அருகில் உள்ள ஊரான சிவந்திபுரம் அனுப்பிவிட்டு ..(அங்கு என் அத்தான் வீட்டில் தங்கி இருந்தேன்) வீட்டை சீரமைக்கும் பணியில் என் ஈடுபட்டனர்.

என் தங்கை,தாய்,தந்தை எங்கு இருந்தார்கள் என நினைவில் இல்லை ..
அதன் பின்னர் மீண்டும் பள்ளிவந்த பிறகு பல்வேறு வெள்ளம் குறித்த கதைகள் அரங்கேறின ..

கட்டிகொண்டே இறந்து போன ஜோடி ,பிள்ளைகளை பரண் மீது ஏற்றிவைத்து இருந்த பெற்றோர் என அது நீண்டு கொண்டே சென்றது.

அன்று இவைகள் ஒன்றும் பெரிதாய் தெரியவில்லை .இன்று நினைவுகளில் கொண்டு வரும் போது ஒரு சொல்லனா துயரத்தையும் கூடவே கொணர்கிறது.

இறக்கும் போது ஒரு மனிதனின் மனநிலை எப்படி இருக்கும் என்பதை காட்டிலும் ..இயற்கை அணுவணுவாய் உங்கள் மரணத்தை கூறிகொண்டே கொலை செய்யும் போது எப்படித்தான் இருந்து இருக்கும் ?

ஐயப்பனுக்கும் அவன் அப்பாவுக்கும் இடையில் என்ன பேச்சு இருந்து இருக்கும்?

இல்லை கண்ணீர்களும் கதறல்களும் தான் இருந்து இருக்குமோ?

அவைகளுக்கு என்ன அர்த்தங்கள் இருக்கும்?

இது போல ஆயிரம் ஆயிரம் கேள்விகள் வெள்ளத்தின் நினைவுகளோடு எனில் கரையாமல் இருக்கின்றன.

வேறேதும் சொல்வதற்கு இல்லாமல் சிறு கண்ணீர் துளிகளுடன் என் அனுபவ பகிர்தலை முடிக்கிறேன்.

டாக்டர் ஷாலினி,பிரபல பதிவர்களுக்கு வேண்டுகோள்

2009-03-19T17:49:00.003+05:30

பனிரெண்டாம் வகுப்பு தேர்வுகள் முடிந்தாகிவிட்டன.இன்று மதியம் தேர்வு முடிந்து மகிழ்ச்சியாக செல்லும் மாணவ,மாணவிகளை பார்க்கும் போது மிகவும் சந்தோசமாக உள்ளது ..நானும் கடந்து வந்த நிமிடங்கள் தானே இவை.பத்தாம் வகுப்பு தேர்வும் முடிவுறும் விரைவில்..

இந்த மகிழ்ச்சியில் செல்லும் இவர்களில் சிலர்தான் தேர்வு முடிவுகளுக்கு பின்னர் தற்கொலை முடிவுக்கு செல்கின்றனர்.

இத்தகைய நிகழ்வுக்கு அடிப்படை காரணம் என்ன?தேர்வு முடிவுகளில் போது இவர்கள் எப்படி கையாள படவேண்டும்?தங்களை தேர்வு முடிவுகளுக்கு தயார் படுத்தி கொள்வது எவ்வாறு என்கிற ரீதியில் ஒரு பதிவை இடுமாறு அழைப்பு விடுக்கிறேன்.

டாக்டர் ஷாலினி அவர்களே உங்களிடம் இருந்து இது குறித்து ஒரு உளவியல் ரீதியான பதிவை எதிர்நோக்குகிறேன்.நீங்கள் பதிவு செய்து இருப்பின் "மீள் பதிவு" செய்ய கேட்டு கொள்கிறேன்.

என்னாலும் எழுத இயலும் ஆகினும் முழுவதுமாக பயனுள்ள பதிவாய் சென்றடைய வேண்டும் என்பதால் உங்களுக்கு அழைப்பு விடுக்கிறேன்.

தாமிரா,மாதவராஜ் மற்றும் கார்க்கி அவர்களே உங்களை குறிப்பிட்டு அழைக்கிறேன்.

****(பிற்சேர்க்கை)****

இதில் ச்சின்னப்பையன்,வால்பையன்,அப்பாவி,வெட்டிப்பயல்,செந்தழல் ரவி,பழமைபேசி,பரிசல்காரன்,ஆளவந்தான்,ஆதவா என பலரும் அடக்கம் ....உங்களில் ஒருவரேனும் ஏற்பீர்கள் என்ற நம்பிகயிலயே இந்த பதிவு இடப்பட்டு உள்ளது(இந்த பினூட்டத்தை பதிவிலும் சேர்த்து விடுகிறேன் விரைவில்)

என்னுடன் பேசியது பேயா?-நேர்ந்த நிகழ்வும் சந்தேகமும்.

2009-03-19T14:43:00.003+05:30

சரியாக திங்கள் கிழமை(16/03/2009) காலை 4.30 மணி அளவில் அறைக்கு வந்து சேர்ந்தேன்.(ஒரு சிறு வேலையாக வெளியில் போய் இருந்தேனுங்க)

வந்தது அதிகபடியான அலுப்பு இருக்கவும் படுத்துகொண்டேன்.ஒரு பத்து நிமிடங்கள் தான் இருக்கும்..

தெளிவாக எனது இரண்டு புறமும் ..காலில் கொலுசுகள் அணிந்த படி யாரோ ஓடுவதுபோல உணர்ந்தேன்.ஆனால் என்னால் சற்றும் அசையமுடியவில்லை .மிகுந்த கஷ்டத்திற்கு பிறகு அசைய இயன்றது.

முழித்து பார்த்தல் யாரும் இல்லை.எனக்கோ பயம் தொற்றிகொண்டது.இப்பொழு நான் தங்கி இருக்கும் வீடானது 7 வருடங்கள் புழக்கத்தில் இல்லாமல் இருந்தது.

காரணம் ,ஏழுவருடங்களுக்கு முன்னர் இந்த வீட்டில் வரதட்சணை கொடுமை காரணமாக ஒரு பெண் அடித்து கொலை செய்யப்பட்டு இருந்தாளாம்.

அந்த நினைவு வரவே பயம் இன்னும் தொற்றிகொண்டது..ஆக என் அருகில் இருந்த "பாலாவின்" பக்கம் திரும்பி படுத்து கொண்டு அவனது கையின் மிக அருகில் என் கையை வைத்துக்கொண்டு தூங்கலானான்.

மீண்டும் அதே சப்தம் ..அதே போல யாரோ ஓடுகின்ற சப்தம்...சரி பாலாவை எழுப்பலாம் என என் கையை அசைத்துபார்த்தால் இயலவில்லை.இத்தனைக்கும் அவனது கை மிக அருகில்...சில நேர போராட்டத்திற்கு பின்னர் சற்று அசைக்க முடிந்தது ..ஆனால் இப்போது சப்தங்கள் இல்லை.

பயம் மேலும் அதிகரிக்கவே பாலாவை எழுப்பவா என யோசித்து பின்னர் வேண்டாம் என முடிவு செய்தேன்.சரி இம்முறை சிறிது நேரம் கண்ணை திறந்து கொண்டு இருப்போம் என முடிவு செய்து படுத்தேன்.

இந்தமுறை கண்ணை திறந்து கொண்டு இருக்கும் போது ஒரு பெண் என் காதில் வந்து ஏதோ பேசுவது போல உணர்ந்தேன் ...நிச்சயமாக நான் உணர்ந்தேன்.ஆனால் என்ன பேசினாள் எனபது எனக்கு தெளிவாய் இல்லை.

அதற்க்கு பின்னர் தூங்க வேண்டாம் என்று முடிவு செய்து சிறிது நேரம் எழுந்து அமர்ந்து விட்டு ..காலை ராஜேஷ் முழித்த பிறகு நான் தூங்கலாநேன்.

யாரேனும் இப்படி அனுபவ பட்டது உண்டா?

இது நடந்ததுங்கோ..மேற்படி உங்கள் தகவலுக்கு ..எனக்கு பேய்,கடவுள் இரண்டு நம்பிக்கையும் கிடையாது ..ஆனால் இப்படி நிகழ்ந்ததுக்கு என்ன காரணம்??????

வெள்ளத்தில் கரையாதது நினைவுகள் -3

2009-03-19T13:58:00.003+05:30

படிக்க:

பகுதி ஒன்று

பகுதி இரண்டு

தெம்பளிக்கும் சில வார்த்தைகளுக்கு பின்னர் என்னை பாலத்தின்(?!) மீது அமர்த்தினார் என் அப்பா..உயிரை பணயம் வைத்து செய்யவேண்டிய பயணத்திற்கு என்னை அனுப்பும் முன்னர் எப்படித்தான் இருந்து இருக்கும் அவரின் மனநிலை?

முதல் முறை,இரண்டாம் முறை என இரண்டு முறை இடறல்கள்,முன்றாம் முறை ஏறக்குறைய விழுந்தே விட்டேன் என்றுதான் நினைதேன் ..ஏதோ அனிச்சை செயலாய் சவுக்கு கம்பை கட்டிகொண்டேன்.

முழுவதும் கடக்கும் முன்னர் மாமா என்னை முன்வந்து தூக்கி கொண்டார்.என்னை அடுத்து அம்மா,தங்கையோடு அப்பா என கடந்து வந்தனர்.ஆச்சியும்,தாத்தாவும் வந்ததாக நினைவில் இல்லை.

பின்னர் மாமாவீட்டின் தண்ணீர் தொட்டி தண்ணீர் முழுவதுமாக இறக்கப்பட்டு,எல்லோரும் தற்காலிகமாய் அதில் குடியேறினோம்.

தண்ணீர் அளவோ குறைந்தாபாடு இல்லை...

வேளாங்கண்ணி மாதாவிடம் வேண்டுதல்கள் ஆரம்பமாகின..நானும் அவர்களோடு வேண்டிகொண்டேன்.

அப்பாவும்,மாமாவும் நீர் மட்டத்தை கண்காணித்து வந்தனர்.

சில மணித்துளிகளுக்கு பிறகு தூரத்தில் இருந்து குரல்மட்டும் ஒலித்தது .."காப்பாத்துங்கள்..காப்பாத்துங்கள்" என்று...

அப்பாவும் மாமாவும் சொல்லிகொண்டனர் "பரமசிவம் ஆசிரியர் என்று.என் அப்பாவுடனும் ,மாமாவுடனும் பள்ளியில் பணிபுரியும் ஆசிரியர் அவர்.

அவரை காப்பாற்ற எந்த வித வழியும் இல்லாமால் அவரின் மரண ஓலத்தை கேட்டுக்கொண்டு இருந்த அப்பா,மாமா மற்றும் அவரை அறிந்த எங்கள் பகுதியை சேர்ந்த மற்றவர்களின் மனநிலை தான் எப்படி இருந்து இருக்கும்?

கடைசிவரை உயிரை காக்க கத்தி கத்தி கதறி,விரும்பாதவன்னம் தானும் தன்னோடு தன் குடும்பத்தையும் சேர்ந்து மரணம் அரவணைத்துக்கொண்ட கடைசி நிமிடங்கள் தான் எப்படி இருந்திருக்கும்?

என் நண்பன் "ஐயப்பனும்" அவர்களுள் ஒருவனாய் இருந்தானே..ஐயப்பன் பரமசிவம் ஆசிரியரின் மகன்.அன்று மாலையில் எனக்கு பேய்கதை சொன்ன ஐயப்பன்.

ஒரு இரவில் எல்லாம் முடிந்தது...காலையில் தண்ணீர் இடுப்பளவு என்ற அளவில் வடிந்தது.

மாரி அண்ணன் வீட்டில் வெள்ளத்தில் அடித்துவரப்பட்ட "மலைபாம்புகள்" இரண்டு சன்னலோடு தங்களை பிணைத்து இருந்தன.

யாருக்கும் இல்லாமல் தோசைகளும்,சப்பாத்திகளும்,மர பொருட்களும் மிதந்து கொண்டு இருந்தன.அப்பா என்னை முதுகில் அமர்த்தி மேடான சாலைக்கு என்னை கடத்தி கொண்டுவந்து சேர்த்தார்.

என் மீன் படம் போட்ட நோட்டு சகதியோடு ஐக்கியம் ஆகி இருந்தது..

குறிப்பு : வெள்ளத்திற்கு பின்பான சிறிய நினைவுகளுடன் அடுத்த பகுதியில் நிறைவு செய்கிறேன் கட்டுரையை.

அவளால் வாழ்ந்தவன் - அவள் யார்?

2009-03-18T20:03:00.004+05:30

ஏதும் செய்ய விரும்பாமல் நடுமுற்றத்தில் அமர்ந்து,
நாட்காட்டியில் நாட்களை அசைபோடுகிறேன்,
எனக்கு அவள்மேலே விருப்பொன்றும் இல்லை,
அவ்வண்ணமே வெறுப்பும் இருந்ததில்லை,
ஏதோ அவளால் நான் வாழ்ந்துவந்தேன்,
இல்லை இல்லை நானும் வாழ்ந்தேன்.

இன்று அவளால் விரும்பப்படுபவனாய் நானில்லை,
என்னவோ உடம்பு சரிஇல்லையாம் அவளுக்கு.
அவளால் "பெரிதும் வாழ்பவனுக்கு" பாதிப்பாம்,
என்னை தள்ளி வைத்துவிட்டாள் வேண்டாமென.

அவ்வாறே நாட்காட்டிகளை முன்னோக்குகிறேன்,
அவ்வண்ணமே வேறேவளுக்கும் என்னை பிடிக்குமா?

உங்களைத்தான் அழைக்கிறார் நமீதா..

2009-03-18T18:23:00.003+05:30

ஒரு முறையும் பதிவுகளை எழுதும் போதும் அநேகர் நாம் பதிவை வாசிக்க வேண்டும் என்கிற ஆசை எழாமல் இல்லை.அவ்வாறு பலபேர் நம்மை தேடிவரவே "வலைப்பூ திரட்டிகளில்" இணைகிறோம்.

ஒருவேளை திரட்டிகள் ஏதோ தொழில் நுட்ப கோளாறின் காரணமாக நமது பதிவை காட்டாமல் போய்விட்டால்?

அப்படி நடக்கவே இப்படி ஒரு எண்ணம் தோன்றியது. இதற்கு பெயர் "குறை தீர்ப்பி" பதிவு..(எதோ என்னால முடிந்தது)

தமிழ்மணத்தில் எனது ஒரு பதிவுகள் இதுவரை முகப்பில் காட்டப்படாமல் போனது அந்த குறையை தீர்க்கவே இந்த பதிவு..

காட்டப்படாமல் போன பதிவு

செக்கடிகுப்பம் காணொளி காட்சிகள்(வீடியோ)

வாசிக்க தலைப்பின் மேலே சொடுக்கவும்.

மன்னிக்கவும்: "நமிதா" பேரை தலைப்பில் போட்டா கூட்டம் கூடும் அப்படின்னு சொன்னார்கள்.

வெள்ளத்தில் கரையாதது நினைவுகள் -2

2009-03-18T15:07:00.006+05:30

முதல் பகுதியை படிக்க...

என்றும் இல்லாதபடிக்கு அதிகப்படியான கலவரம் அப்பாவின் முகத்தில் ....வார்த்தைகள் அம்மாவை நோக்கி ....ஒவ்வொரு நொடிக்கும் கதவின் அடித்துவாரத்தில் வந்து நிறையும் தண்ணீரின் அளவு கூடுவது நன்றாகவே தெரிந்தது .

இறுதியாக சாவி கிடைத்தது..கதவு திறந்தவுடன் கதவை முட்டிக்கொன்று இருந்த தண்ணீர் சரேல் என்ன உள்ளே பாய நிலைகுலைந்து தான் போனேன் ..நல்லவேளை வெளிப்புறத்தில் தண்ணீர் இடுப்பளவே இருந்த காரணத்தால் அதிகப்படியான விசை இல்லை.

கதவில் இருந்து வலது புறம் இருக்கும் மாடியின் படிகட்டை நோக்கி நாங்கள் நகர்த்தல் ஆனோம்.தங்கை யார் கையில் இருந்தாள் என்பது நினைவு இல்லை ..நான் அப்பாவிற்கு பின்னர் கடைசியாக படிகளில் ஏறினேன்.

இரண்டாவது படியில் இருந்த தண்ணீர் நான் நான்காம் படிக்கு செல்லும் முன்னர் மூன்றாம் படியை நிரப்பி இருந்தது ...

படிகளில் சற்று பாதுகாப்பான இடத்தில் நின்று கொண்டு ஆரோக்கிய அருள்ராஜ் மாமாவின் வீட்டு சன்னலை நோக்கி அப்பா கத்தலானார்.சிறிது நேரத்திற்கு பின்னர் பதில் வரவே அவர்களும் விரைவில் வெளிவரலானார்கள்.ஜானுக்கு என்னைவிட இருவயது குறைவு,செசிலுக்கு என் தங்கையின் வயது .

மாடிவந்த பிறகுதான் வடக்கு வீட்டு நினைவு வந்தது ..அப்பாவும் ,மாமாவும் கத்தலானார்கள் ..வெகு நேரத்திற்கு பின்னர் சுடலையாண்டி மாமா வீட்டில் இருப்பதாக பதில் வந்தது.

இடைப்பட்ட நேரத்தில் சவரிமுத்து மாமாவிற்கு சொல்லி ..ஷர்மியும்,பாஸ்டின் அண்ணாவும் நீந்தி வந்து படியேருவதை காண முடிந்தது ..ஜெயராசுக்கோ அப்போது வயது ஒன்று தான் இருந்து இருக்கும்(சரியாக நினைவு இல்லை)

எழுத்துக்களில் இவைகள் எளிதாக தோன்றலாம்..ஆனால் இருளிலும் தெரிந்த அந்த கலங்கிய தண்ணீர் பலரின் மனதில் பயத்தை கொண்டுவந்து இருந்தது.

ஓரளவு பாதுகாப்பாக இருந்த போதும் முழுவதுமான பாதுகாப்பை உணர இயலவில்லை.மாறாக தண்ணீர் மட்டம் முழவதும் வீட்டை விழுங்க கூடும் என்று மற்றும் உணர்ந்தோம்.

ஆகவே மொத்தமாய் அரோக்கிய அருள்ராஜ் மாமாவின் வீட்டில் நான்கு தூண்கள் வைத்து கட்ட பட்டு இருந்த உயரமான தண்ணீர் தொட்டிக்கு மாறுவது என முடிவு செய்தோம்.

சவரிமுத்து மாமா வீட்டில் இருந்து எங்கும் நகர்வது சாத்தியமற்றதாக இருந்தது.

எங்கள் வீட்டில் இருந்து மாமா வீட்டிற்கு உள்ள பத்தடி இடைவெளியானது இரண்டு சவுக்கு கம்பு பாலம் கொண்டு இணைக்க பட்டது.

முதல் ஆளாக நான் பாலத்தில் பயணமானேன்...உருண்டை வடிவிலான சவுக்கு கம்பு உருண்டுவிடாமல் இந்தப்புறம் அப்பாவும் அந்தபுறம் மாமாவும் பிடித்துக்கொள்ள ..பதினைந்து அடிக்கும் மேலான தண்ணீர் மட்டத்தில் மேலான ஒரு குறுகிய பாலத்தில் ..ஏழு வயது சிறுவனான எனது சவாலான பயணம் தொடங்கியது

குறிப்பு: இரண்டு பகுதிகளில் முடிக்கவேண்டும் என நினைத்தேன் ..முடியவில்லை வெள்ளத்திற்கு பிந்தைய நினைவுகளுடன் இன்னும் சில பகுதிகளாய் தருகிறேன்.

வெள்ளத்தில் கரையாதது.... நினைவுகள் -1

2009-03-17T14:46:00.009+05:30

இது என் வாழ்வின் சொந்த அனுபவம்.எனது ஏழு வயதின் போது தாமிரபரணி ஆற்று வெள்ளத்தை சந்தித்த அனுபவம்.ஒரே கட்டுரையில் முடிக்க இயலும் எனினும் இரண்டு கட்டுரையாக தருகிறேன்.

1992 ஆம் ஆண்டு நவம்பர் மாதம் மின்சாரமில்லா அந்த இரவில் இருந்து இன்றுவரை என் நினைவில் அழியாத வண்ணம் இருக்கும் நினைவுகளுக்கான பயணம் ஆரம்பமானது.

ஒரு மெழுவர்த்தி வெளிச்சத்தில் அம்மா சுட்டு தந்த தோசை உடன் ...ரேடியோ பொட்டி "தாமிரபரணி கரையோர மக்கள் பாதுகாப்பான இடத்திற்கு செல்லுமாறு கேட்டுக்கொள்ள படுகிறார்கள்" என்ற செய்தியோடு அணைக்க பட்டது.தோசைகள் இறங்கிய பின்னர் ..

வழக்கம் போல ஒரு இரவாகவே இருக்கும் என்ற எண்ணத்தோடு ..புதிதாய் வாங்கிய "மீன் படம்" இட்ட புதிய நோட்டை அலமாரியில் பத்திரப்படுத்தி விட்டு படுக்கைக்கு சென்றேன்.

நள்ளிரவு நேரம் ..சிறுநீர் கழிக்கும் அவசரம் "அப்பா ஒன்னுக்கு வருது" ..இருளின் பயத்தை போக்க அப்பா துணைக்கு வருவதாய் சொன்னவுடன் ..சலசலக்கும் நீரில் என் சிறு பாதம் பதிந்தது.

"அப்பா தண்ணியா இருக்கு" ..

சமையலறையில் தரையில் படுத்து இருக்கும் ஆச்சிக்கு எப்படி தெரியவில்லை என்ற படபடப்புடன் பரபரக்க ஆரம்பித்தது எங்கள் வீடு ..

ஏனோ தெரியவில்லை முட்டிக்கொண்டு இருந்த சிறுநீர் எங்கே போனதென்று ..

தலையணைக்கு அடியில் வைத்து இருந்த வீட்டு சாவியோ காணவில்லை.உயிரின் பயம் என்னை ஆட்கொண்ட தருணம் அது ..கண்டிப்பாய் இருந்த அனைவரையும் ...இரண்டு வயது குழந்தையாம் என் தங்கையை தவிர..

ஒரு சப்தத்தில் அனைவரும் முளித்துகொண்ட தருணம்... வயதான என் தாத்தா,ஆச்சி,அப்பா,அம்மா, மற்றும் நான் என வார்த்தைகளால் விளக்க முடியாத எண்ணத்தில் உழன்ற நிமிடங்கள் அவை.."சொல்லி தெரிவது இல்லை மன்மதக்கலை" ..ஆம் அது போலவே "சொல்லி தெரிவது இல்லை மரண பயமும்"

மாதம் முழுவதும் பெய்த மழையில்,நிறைத்து வழியதுடித்த அணைகட்டாம் "காரையாறு" அணைக்கட்டில் திறப்பானை திறவ இயலாமல் ..மிதந்து வந்த மரம் அடைத்ததால் வந்த துடிப்புகள் இவை..

இருக்கும் எதன் மதிப்பும் தெரிவதில்லை அதை நாம் இழக்கும் வரை ....அன்றைய மாலையில் பள்ளியில் "பேய்கதை சொன்ன" நண்பன் ஐயப்பனை "பேயாக்கி விட்டு" சென்ற இரவு வெள்ளம் அது ....

(தொடரும்..)

திரைப்படமும் நிறப்பிரிகையும்

2009-03-16T14:42:00.004+05:30

வெகு சில நாட்களுக்கு முன்னர் எனது அக்கா குழந்தையை,வீட்டில் உள்ள குட்டி நாயுடன் நடத்தி கூட்டி சென்ற போது ..L.K.G படிக்கும் எனது அக்காள் மகள் எதிர் வீட்டில் இருக்கும் அவள் வயதை ஒத்த குழந்தையை பார்த்து சொன்னது "கருப்பு பாப்பா" ....

சட்டென ஒரு உணர்ச்சி தோன்றி மறைந்தது.எனது அக்காள் மகளை நான் கடிந்து கொண்டேன் அவ்வாறு கூற கூடாது என.

இது எங்கிருந்து வந்தது?யோசித்தபோது எனக்கு முதலில் நினைவுக்கு வந்தது திரைப்படம்.சராரியாக திரைப்படம் பார்க்கும் கூட்டத்தை சார்ந்தவன் தான் நான் எனினும் எனக்கு பெரிதாய் ஒன்றும் விருப்பு இருந்ததில்லை ..அதிகமாக வெறுப்புதான் தமிழ் திரைப்படங்கள் மீது.ஒருவேளை நான் இப்படி எழுத அதுகூட காரணமாய் இருக்கலாம்.

அனைத்து கதாநாயகிகளும் வெள்ளையாய் தான் இருக்கிறார்கள்,மாநிறத்தில் கூட கதாநாயகிகளை கண்டு பிடிக்க முடிவது இல்லை.ரோஜா கூட கருப்பாய் இருந்து கலராய் மாறி விட்டார்.இப்போது பழைய கருப்பு நாயகர்கள் தவிர கதாநாயகர்கள் கூட கருப்பாய் வருவது இல்லை.

படிப்படியாக இதை யோசிக்கையில் அடுத்தபடியாக மூளைக்குள் தோன்றிய பெயர் "கவுண்டமணி".அவர் தெரிந்து செய்தாரோ, இல்லை தெரியாமல் செய்தாரோ ..கருப்பு நிறத்தின் மீதான வெறுப்பை உமிழ்ந்ததில் அவரின் பங்கு கணிசம்.

அப்படியே அப்பரிக்கா மீதும் கூட அவருக்கு என்ன வெறுப்போ?இதை கவுண்டமணி அவர்கள் மீதான தனிப்பட்ட விமர்சனமாக கொள்ளவேண்டாம் ..வெகு ஜன ஊடகமான திரைப்படத்தில் என்னோட மூளைக்கு எட்டியவர் அவர் அவ்வளவே ...

பெரும்பாலான படங்களில் அவர் கூறும் வசனங்களில் "கரிச்சட்டி தலையா","கருவாயா","ஆப்ரிக்கா மண்டையா" மற்றும் "அப்ப்ரிகா காட்டுக்குள்ள புறக்க வேண்டியவன் எல்லாம் இங்க பொறந்து ஏண்டா என் உயிரை வாங்குறீங்க"...எப்படியாவது வந்து விடும்.

உண்மையில் சிறந்த நகைச்சுவை நடிகரான அவர் சில முறைகளே இதை சொல்லி இருக்க கூடும் ..ஆனால் இன்றளவும் அது சென்றடைந்து இதுக்கும் பரப்பளவு விசாலமானது.

வெகு முன்னர் "சங்கர்" அவர்களும் சிவாஜி படத்தில் அங்கவை,சங்கவை கதாபத்திரங்களில் இதையே செய்து இருந்தார்."ஐஸ்வர்யா ராயை" பிடிக்கும் பலருக்கும் "நந்திதாதாஸ்" ஐ பிடிப்பது இல்லை ...

இந்த கருப்பின் மீதான திரைப்படம் பூசும் இந்த வெறுப்பு என்றேனும் அடங்குமா?

குறிப்பு : திரை ஊடகத்தில் பலரும் இந்த கருப்பின் மீதான வெறுப்பை உமிழ்ந்து இருக்கலாம் ..எழுதவேணும் என தோன்றிய உடன் என் சிறிய மூளைக்கு எட்டியது இவ்வளவே.

வாஞ்சிநாதன் வரலாற்று பிழையா?

2009-03-16T11:50:00.005+05:30

கார்த்திகை பாண்டியன்(பொன்னியின் செல்வன்) அவர்களின் "எனக்கு பிடித்தவர்கள்" பதிவை இன்றுதான் வாசிக்க நேர்ந்தது.தனக்கு பிடித்தவராக அவர் "வாஞ்சிநாதனை" குறிப்பிட்டு இருந்தார்.

அவருக்காக "அருந்ததியர் வாழும் வரலாறு" புத்தகத்தில் மாற்கு அவர்கள் பதிவு செய்து இருந்ததை "புரட்சியாளர் பெரியார்" என்ற வலைப்பூவில் இருந்து இங்கே மீள்பதிவு செய்கிறேன் ...சம்பந்தம் உடையோர் கோபித்து கொள்ள வேண்டாம்.
எழுதப்பட்ட வரலாறு பெரும்பாலும் அரசர்களுடைய வரலாறாகவும் ஆதிக்க சாதித் தலைவர்களின் வரலாறாகவுமே இருக்கிறது. குறிப்பிட்ட சாதியினரை மகிழ்விக்க வரலாற்றில் பல சம்பவங்களை திரித்தும் , பலவற்றை மறைத்துமே நமக்கு கற்றுக்கொடுக்கப்படுகிறது. திருநெல்வேலி மாவட்ட ஆட்சியாளராக இருந்த ஆஷ் துரையை வாஞ்சிநாதன் என்பவர் மணியாட்சி ரயில்நிலையத்தில் சுட்டுக்கொன்றார் என்பதுதான் நாம் சிறுவயது முதல் படித்து நமது சுதேச உணர்வுகளை தூண்டிய செய்தி.இதனை படிக்கும் அனைவரும் வாஞ்சியை ஒரு வரலாற்று நாயகனாகவும் சுதந்திரப்போராட்ட தியாகியாகவும் நினைத்து வந்தோம். ஆனால் செங்கோட்டையைச் சேர்ந்த பலர் கூறியது , ஆஷ்துரை திருநெல்வேலி ஆட்சியாளராக பொறுப்பேற்றுக் கொண்ட நாள் முதல் அனைத்து சாதியினரையும் சமமாக நடத்தவேண்டும் என்று வலியுறுத்தினார். அவரது அலுவலகத்தில் வேலை பார்க்கும் ஊழியர்கள் அனைவரும் சாதிபாகுபாடு இல்லாமல் ஒரே இடத்தில் மதிய உணவு உண்ணவேண்டும் என்றும் ஒரே குடத்தில் தண்ணீர் அருந்த வேண்டும் என்றும் உத்தரவிட்டார்.

அவர் செய்த மகத்தான சாதனை , குற்றால அருவியில் தெய்வங்களும் , தெய்வத்திற்க்கு அடுத்தபடியான பிராமணர்களுமே குளிக்க முடியும், ஏனைய சாதியைச் சார்ந்த யாரும் குளிக்க கூடாது என்றிருந்த மறபை உடைத்து அனைவரும் குளிக்கலாம் என்று உத்தரவிட்டவர் ஆஷ்.
இதுபோன்ற சமூக சீர்திருத்தங்களை உத்தரவிட்ட்து மட்டுமில்லாது தானே முன்னின்று நட்த்தவும் செய்தார்.அவரின் இந்த செயல்களால் ஆத்திரமடைந்த வாஞ்சிநாதன் “பாரத மாதா சங்கம் “ என்ற பெயரில் பிராமண இளைஞர்களையும் , வெள்ளாளர் இளைஞர்களையும் ( அக்காலத்தில் பிராமணர்களுக்கு தாங்கள் தான் இணையானவர்கள் என்று காட்டிக்கொள்ள அவர்களைப்போலவே நடந்துக்கொண்ட இனம்) சேர்த்துக்கொண்டு ஆஷ் செய்த சீர்திருத்தங்களை எதிர்க்க ஆரம்பித்தனர். ஆஷ் தொடர்ந்து சாதியிலான வேறுபாட்டை எதிர்த்து வந்தார். பிரசவ வேதனையால் துடித்துக் கொண்டிருந்த அருந்த்தி சமுதாயத்தைச் சேர்ந்த பெண், பிராமணர்கள் வசிக்கும் தெரு வழியாக மருத்துவமனைக்கு போக வேண்டியதிருந்தது. அவர்களை பிராமணர்கள் உள்ளே விட மறுத்தனர். அப்போது அவ்வழியாக வண்டியில் வந்த ஆஷ்துரையும் அவரது மனைவியும் அந்தப்பெண்னை அவர்கள் வண்டியிலேயே ஏற்றி பிராமணர் தெரு வழியாக சென்று மருத்துவமனையில் சேர்த்தனர்.

அவரின் இந்த செயல்களால் பிராமண குலத்திற்க்கு இழுக்கு நேர்ந்ததாக பாரத மாதா சங்கத்தினர் கருதினர்.அதனால் ஆஷை கொன்றுவிட தீர்மானித்தனர். அதன்படியே வாஞ்சிநாதன் மணியாச்சி ரயில் நிலையத்தில் ஆஷை சுட்டுக்கொன்று விட்டு தானும் தற்கொலை செய்து கொண்டான். அவன் சட்டைப்பையில் இருந்த கடித்தின் மூலம் அந்த சங்க உறுப்பினர்களின் ஆதிக்க சாதி வெறி தெரிகிறது. வார்த்தை மாறாமல் அக்கடிதம் அப்படியே :

“ ஆங்கில சத்துருக்கன் நமது தேசத்தைப் பிடுங்கிக் கொண்டு ,அழியாத சனாதன தர்மத்தை காலால் மிதித்து துவம்சம் செய்து வருகிறார்கள்.ஒவ்வொரு இந்தியனும் தற்காலத்தில் தேச சத்துருவாகிய ஆங்கிலேயரைத் துரத்தி தர்மத்தையும் சுதந்திரத்தையும் நிலை நாட்ட முயற்சி செய்து வருகிறான்.எங்கள் ராமன்,சிவாஜி,கிருஷ்ணன்,குரு கோவிந்தர்,அர்ஜுன்ன் முதலியோர் இருண்ட்க தேசத்தில் கேவலம் கோமாமிசம் தின்னக்கூடிய ஒரு மிலேச்சனாகிய ஜார்ஜ் பஞ்சமனை முடிசூட்ட உத்தேசம் செய்து கொண்டு பெரும் முயற்சி நடந்து வருகிறது.அவன் எங்கள் தேசத்தில் காலை வைத்த உடனையே அவனைக் கொல்லும் பொருட்டு 3000 மதராசிகள் பிரதிக்கினை செய்து கொண்டிருக்கிறோம். அதனைத் தெரிவிக்கும் பொருட்டு அவர்களில் கடையோனாகிய நான் இன்று இச் செய்கை செய்தேன்.இது தான் இந்துஸ்தானத்தில் ஒவ்வொருவனும் செய்ய வேண்டிய கடமை”.

இப்படிக்கு, R. வாஞ்சி ஜயர்.

ஆதாரம்: அருந்ததியர் வாழும் வரலாறு . ஆசிரியர் : மாற்கு.

செக்கடிகுப்பம் காணொளி காட்சிகள்(வீடியோ)

2009-03-14T11:16:00.014+05:30

செக்கடிகுப்பம் காணொளி காட்சிகள் உங்கள் பார்வைக்காக

இவைகள் அனைத்தும் உலக தமிழ் மக்கள் அரங்கத்தின் சார்பாக செக்கடி குப்பத்தில் உள்ள பள்ளிக்கு மேற்கூரை கட்ட நன்கொடை அளிக்க சென்ற போது எடுத்த காணொளி காட்சிகள்.

காட்சி 1 -கோலாட்டம்

காட்சி 2 -சிலம்பம்

காட்சி 3-சிலம்பம்

காட்சி 4-சிலம்பம்(அரங்க தோழர்கள்)

காட்சி 5-சிலம்பம்

பயமுறுத்தும் நாய்களிடம் கேட்க விரும்பும் 11 கேள்விகள்......

2009-03-13T16:20:00.003+05:30

1)இரவெல்லாம் கூட்டமா தெரியும் நீங்க பகல்ல எங்க இருக்கீங்க?

2)பதினோரு மணிக்கு மேல பைக்குல போறவன தொரத்துறது பொழுதுபோக்கா?தொழிலா?

3)தெருவுக்கு தெரு கூட்டம் கூட்டமா இருகீங்களே ..உங்களுக்கு உள்ள சாதி பிரிவினையா?

4)உங்களுக்குனு சங்கங்கள் எல்லாம் இருக்காமே?

5)அதெப்படி திருடன்களை மட்டும் விட்டுருவீங்களா,திருடர்கள் துரத்தப்படுவது எங்களுக்குத்தான் தெரியலியா?

6)சைக்கோ கொலையாளி உங்க கூடத்தான் படுத்து தூங்குவானமே?

7)நீங்க பல்லை காட்டும் போது எச்சில் வருவது ஏன்?

8)வருசா வருஷம் உங்கள மாநகாராட்சி ஊழியர் புடிக்க வரப்ப உங்கள் மனநிலை எப்படி இருக்கும்?

9)உங்களுக்கு போஸ்ட் கம்பத்தை பார்த்தா "சிறுநீர்" கழிக்க யார் சொல்லி கொடுத்தா?

10)பதிவர் எல்லாம் 18+ ஆக இருந்தாலும்,எங்க அப்பாவும் படிப்பதால் ..எனக்கு மார்கழி குளுரு தெரியுறது இல்லை .

11) இப்படி மொக்கையே இல்லாமல் மொக்கைதனமா பதிவுபோட நீங்கள் உதவுவதை என்ன நினைகிறீர்கள்?

"வெந்தயம்"..ஒரு ஈ அடிச்சான் காப்பி

2009-03-11T17:26:00.003+05:30

குறிப்பு : அட சில நல்ல விசயத்தை வெட்டி ஒட்டுனா தப்பு இல்லைன்னு தோனுச்சு ..அதான் வெட்டி ஒட்டிடேன் .

நன்றி : பாத்திமுத்து சித்தீக்

வெந்தயத்தில் தாவர சாஸ்திரப் பெயர் ட்ரைகோ நெல்லாஃபீனம் கிரேக்கம் (trigonella foerum graecum) என்பதாகும். ஃபீனம் கிரேக்கம் என்றால் கிரேக்க நாட்டு வைக்கோல் என்றும் ட்ரைகோனல் என்றால் முக்கோணம் என்றும் பொருள். காய்ந்த வைக்கோலைப் போன்ற வாசனையும் கால்நடைகளுக்கும் உணவாகப் போட கிரேக்க நாட்டிலிருந்து தருவித்துக் கொண்டிருந்தார்கள். ரோம் நாட்டவர்கள், இதன் வெண்ணிறப் பூக்கள் முக்கோண வடிவமுடையதாக இருக்கும். இதுவே இதன் பெயர்க்காரணமாக அமைந்திருக்கலாம்.

பிறப்பிடம்

ஆசிய நாட்டினராலும், மத்திய தரைக்கடல் நாட்டினராலும் பெரிதும் விரும்பி உணவாகவும், மருந்தாகவும் உபயோகப்படுத்தப்படும். இதன் பிறப்பிடம் கிழக்கு ஐரோப்பாகவோ, எத்தியோப்பியாகவோ இருக்கலாம். ஆரம்பத்தில் மேலை நாட்டவருக்கு இதன் மணம் பிடிக்காமலிருந்தாலும் காலப்போக்கில் மூலிகையாக பயிரிட்டு வந்துள்ளனர். வெந்தயத்தின் துளிர் இலைகளை கீரைபோன்றும் முதிர்ச்சியடைந்த விதைகளை மசாலாப் பொருளாகவும் உபயோகிக்கிறோம்.

வெந்தயக்கீரை

கீரை வகைகளில் மிகவும் குளுமையான வெந்தயக்கீரை, தாராளமாக சூரிய வெளிச்சமும், தண்ணீரும் கிடைக்குமிடத்தில் செழித்து வளரும். வருடா வருடம் விதைத்து வளர்க்கும் இந்த மூலிகைக் கீரை அதிக பட்சம் ஒரு மீட்டர் உயரத்திற்கு வளரும்.

உடலை ஆரோக்கியமாகவும் வயிற்றை சுத்தமாகவும் வைக்கும் வெந்தயக்கீரையில் உலக சுகாதாரக் கழகத்தின் (றாடி) கணிப்புப்படி இதன் புரதச் சத்தின் அளவு 65. நாம் உண்ணும் நூறு கிராம் அளவு கிரையில் 86.1 சதவீதம் ஈரச்சத்தும், 4.4சதவீதம் புரதச்சத்தும், 1.1சதவீதம் நார்ச்சத்தும், 1.5சதவீதம் தாதுச்சத்துக்களும், 0.9சதவீதம் கொழுப்புச் சத்தும் அடங்கியுள்ளது. இந்த அளவு வெந்தயக்கீரை 49 கலோரிச்சத்து தருகிறது.

வெந்தயக்கீரையோடு, பாசிப்பருப்பைச் சேர்த்து உண்பதால் கல்லீரல் பலப்படுகிறது. வாய் வேக்காடு வராமல் காப்பாற்றுகிறது. பருப்பு சேர்த்து சுவையாகத் தயாரிக்கப்படும் வெந்தயக்கீரையை நெய்சேர்த்து சோற்றோடு பிசைந்து சாப்பிடுவது பலருக்கும் பிடித்தமானது. உப்பு, புளி, காரம் சேர்த்து வெந்தயக்கீரையை தொக்காக்கி பல நாட்களுக்கு பயன்படுத்தலாம். பருவத்துக்கு வரக்கூடிய பெண்களின் ரத்தவிருத்திக்கு அவசியமானது.

வெந்தயக்கீரையில் விட்டமின் ஏயும், சுண்ணாம்புச் சத்தும் இருப்பதால் மாரடைப்பு, கண்பார்வைக் கோளாறு, வாதம், நாள்பட்ட சொறி, சிரங்கு... என்று அத்தனைக்கும் அருமருந்தாகிறது. இக்கீரையை பச்சையாக அரைத்து தீக்காயங்களுக்கு புற்றுப் போட்டு வைப்பதால் காயம் குணமாவதோடு குளிர்ச்சியாகவும் இருக்கும்.

சீஸனில் இந்தக் கீரையை நிறைய வாங்கி சுத்தப்படுத்தி, காயவைத்து, காற்றுபுகாத டப்பாவில் சேமித்து வைத்துக்கொண்டு வருடம் முழுவதும் உபயோகிப்பதால் லைஸின் பற்றாக்குறையை நிவர்த்தி செய்யலாம்.

வெந்தயம்

வெந்தயத்தை அப்படியே உபயோகிப்பதால் கசப்பாகவும், விநோத வாசனையும் உடையதாக இருப்பதால் தான் இதனை வறுத்துப் பொடித்துப் பயன்படுத்துகிறோம். இதன் கசப்பு ருசியும், பாகற்காய் கசப்பைப் போல் ஒருவித ருசியாக நாவுக்குப் பழகிவிடுகிறது. இந்தக் கசப்பு ருசிக்குக் காரணமான க்ளைக்கோசைட்ஸ் (clycosides) வெந்தயத்தில் தூக்கலாக இருக்கிறது. நல்ல பசி கிளப்பியாக இந்த கசப்பு ருசி இருப்பதோடு உணவு ஜீரணத்துக்கு அத்தியாவசியமாக பித்த நீரை தாராளமாக சுரக்கத் தூண்டிவிடுகிறது. அசைவ உணவுக்காரர்களுக்கு இது நன்மை கூட்டுகிறது.

வெந்தயத்தில் பாஸ்பேட்டுகளும், லிஸிதின், நியூக்லியோ, அல்புமின் நிறைந்து இருப்பதால் உடல் வளர்ப்பதோடு பசியின்மையைப் போக்குகிறது. அனிமியா என்னும் இரத்தசோகை அண்டாது. நிக்கெட்ஸ் நோய்க்கு பரிகாரமும், இதுவே நீரிழிவுக் காரர்களுக்கும் நல்லது.

தினமும் இரு தேக்கரண்டியளவு வெந்தயத்தை பொடித்தோ, முழுசாகவோ கொடுத்து வந்தால் ரத்தத்திலுள்ள கூடுதல் சர்க்கரை கட்டுப்படும். அல்லது வெந்தயத்தை ஒரு டம்ளர் தண்ணீரில் ஊறவைத்து தண்ணீரை ம்ட்டும் வடிகட்டிக் குடிக்கலாம்.

பாலூட்டும் தாய்மார்களுக்கு பால் நன்றாக சுரக்க வெந்தயத்தை வறுத்து இடித்துக் கொடுக்கலாம்.

மாதவிடாய் சமயத்தில் அதிக அளவு ரத்தப் போக்குடையவர்களுக்கும் பிரசவித்த பெண்களுக்கும் வெந்தயத்தை வறுத்து இடித்து நெய், சீனி சேர்த்து ஹல்வா செய்து கொடுப்பது இழக்கும் தெம்பை மீட்க உதவும்.

நல்ல ருசியான உணவு தயாரிப்புகளின் வாசனை வந்தும்கூடி பசி கிளம்பாமலோ நாவில் ருசி மரத்துப் போயிருந்தாலோ கூட இதுவே மருந்து.

கணையம், கல்லீரல் வீக்கம், வயிற்றுப் போக்கு, அஜீரணம், நெஞ்சு எரிச்சல்... போன்ற பல்வேறு உடல் உபாதைகளுக்கும் வெந்தயம் ஒரு மாமருந்து. வயிற்றுக் கோளாறுக்கு மட்டுமல்லாது, வெந்தயநீர் காய்ச்சலையும் கட்டுப்படுத்தும். சிறுநீர்ப்போக்கை சீராக்கும்.

இயற்கை முறையில் குடும்பக் கட்டுப்பாட்டுக்கு வெந்தயம் உதவுவதாக சமீபத்தில் கண்டுபிடித்துள்ளனர். தொடர்ந்து வெந்தயம் சாப்பிட்டு வருபவர்களுக்கு சுலபத்தில் கருத்தரிக்காதாம்.

சமையலில்:

	தென்னிந்தியர்களின் சாம்பாருக்கு உபயோகிக்கும் மசாலாப் பொடியில் வெந்தயம் முக்கிய இடம் பெறுகிறது. சாம்பாரின் தூக்கலான வாசனைக்கு தூண்டுகோல் இதுவே. ஊறுகாய்களுக்கு உயிரூட்டும் வாசனையும் வெந்தயப் பொடியிலிருந்து தான். வங்காளிகளின் பாஞ்ச்ஃபோரன் எனும் ஐவகை மசாலாப் பொடியில் முக்கிய இடம் பெறுவதும் வெந்தயம்தான்.
	ஈரானியர்களிடையே பிரபலமாக உள்ள கோர்மே சப்ஜி காய்கறிகளை வேகவைத்து சாஸ் போன்று தயாரிக்கும் தயாரிப்பில் இடம்பெறும் மசாலாக்களில் ஒன்றாக இருக்கிறது.
	எத்தியோப்பியரின் மசாலாப் பொடியான பெரெபெரெயிலும் வெந்தயம் உண்டு.
	எகிப்து, எத்தியோப்பிய ரொட்டி தயாரிப்பிலும் வெந்தயப் பொடி இடம் பெறுகிறது.
	எகிப்தியரிடமும், மத்திய கிழக்கு நாட்டினரிடையே பிரபலமான பானம் ஹெல்பா என்பது. இது வெந்தயத்தை வேகவைத்த சாறில் சீனிபால் சேர்த்து பருகுவதாகும்.
	செயற்கை வெனிலா, செயற்கை மேப்பிள் சிரப் தயாரிப்புகளில் இடம் பெறுவதும் வெந்தயத்திலிருந்து எடுக்கப்படும் எஸ்ஸென்ஸ் தானாம்.

அழகுக் கலையில்

	பெண்களுக்கு முடியழகுதான் முதன்மையானது. முடி கொட்டாமல் செழித்து வளரவும், தலைக்கு குளுமையளிக்கவும் வெந்தயத்தை சீயாக்காயோடு சேர்த்து அரைத்து வைத்துக் கொண்டு தலைக்குக் குளித்து வருவது கைமேல் பலந்தரும்.
	அளவுக்கு மிஞ்சி நிறைய முடி உதிர்ந்து என்ன செய்வது என்று கவலைப் படுபவர்களுக்கு உதவுவதும் வெந்தயம்தான். வெந்தயத்தைத் தண்ணீரில் ஊற வைத்து வெண்ணெய் போன்று அரைத்து தலையில் தேய்த்து வைத்து அரைமணிநேரம் ஊறியதும் குளிக்க வேண்டும். ஓரிரு முறையிலேயே உடனடி பலனை எதிர்பாராமல் தொடர்ந்து சில மாதங்களுக்கு வாரம் ஓரிரு முறை வீதம் பின்பற்றவேண்டும்.
	பருவ வயதில் முகத்தில் நிறைய பருக்கள் வந்து தாங்கமுடியாத எரிச்சலிருந்தால் வெந்தயத்தை அரைத்து அப்பேஸ்ட்டை அப்பி வைத்து வந்தால் எரிச்சல் அடங்குவதோடு பருக்களும் காணாமல் போய்விடும். பருவ வயது தாண்டிய பிறகு உடல் உஷ்ணத்தால் பருக்கள் வந்தால் ஒரு தேக்கரண்டி வெந்தயத்தை ஒரு கப் தயிரில் ஊறவைத்து குறைந்தது மூன்று நான்கு நாட்களுக்காவது அதிகாலையில் எழுந்ததும் குடித்து வரவேண்டும்.

என்னவள்,செருப்பு,காதல்

2009-03-10T15:31:00.003+05:30

இது ஒரு காதல் கதை....இல்லை இல்லை காதல் நிஜம்.

என்னவளோ பட்டணத்தில் படித்தவள்.

பளீர் என ஒரு அரை வாங்கினேன் காதலை சொல்லி....

மேய்கின்றனவே"

..........

"பளார்...."என் கடவாய் பல்லு....."

..........

அன்றும் அப்படித்தான்...

நானும் அவளும் காலாட நடந்து ஆத்தங்கரை செல்லலாம் என உரைத்தேன்..

பளார் ....சொத்...இனி நான் குளிக்கவேண்டும்.

...............

முன்னால் நகர்ந்து வந்து வந்து கட்டி அனைத்து ...

"அய்யய்யோ கடிக்கிறா ..."

"புது செருப்பு பிஞ்சா மனசு கஷ்டமா இருக்கும்" பிற்சேர்க்கையாக சேர்த்துக்கொண்டாள்.

காதல் செடி

2009-03-09T12:32:00.002+05:30

வேர்கள் வியாபித்து,
இலைகள் பரப்பி,
மொட்டெல்லாம் பூத்துக்குலுங்கும்,
கிளையெல்லாம் முள்ளாய் குத்தும்.

சமூகம் செய்யவிருக்கும் கொலைகள்....

2009-03-05T11:10:00.002+05:30

விரைவில் சமூகம் சில ,பல கொலைகளை செய்ய இருக்கிறது ..சமூகத்தின் அங்கத்தினரான நாம் அந்த கொலைபலி விழாமல் எப்படி நம்மை பாதுகாக்க போகிறோம்?

கண்முன் விரிந்து படர்ந்து விருட்சம் போல நிற்கும் கேள்வி இது ..

ஆம் பரீட்சை வேறு நெருங்கி விட்டது ....சில மாத காலங்களுக்கு பின்னர் முடிவுகளும் வந்து விடும் ..அப்படியே வரிசையாய் சில நாட்களில் சமூகமும் சில பல கொலைகளை செய்துவிடும்.

எப்படி தடுக்க போகிறோம்?இந்த முறையாவது செய்தித்தாள்களில் இப்படி ஒரு செய்திகளை வராமல் செய்ய இயலுமா?

இது சென்ற வருட செய்தி

பிளஸ் 2 தேர்வில் தோல்வியடைந்த 5 மாணவ, மாணவிகள் விரக்தியடைந்து தற்கொலை செய்து கொண்டுள்ளனர்.

தமிழகத்தில் பிளஸ் 2 தேர்வு முடிவுகள் நேற்று வெளியிடப்பட்டது. 84.4 ‌விழு‌க்காடு மாணவ‌ர்க‌ள் தேர்ச்சி அடை‌ந்தன‌ர். எஞ்சிய 15.6 ‌விழு‌க்காடு மாணவ‌ர்க‌ள் தோல்வி அடை‌ந்தன‌ர்.

இ‌ந்த ‌நிலை‌யி‌ல் ‌பிள‌ஸ் 2 தே‌ர்‌வி‌ல் தோ‌ல்‌வி அடை‌ந்த சென்னையை அடுத்த பெரியபாளையம் அருகே உள்ள காடாநல்லூரை சேர்ந்த கவுதமன் என்ற மாணவ‌ர் ‌‌தீ‌க்கு‌ளி‌த்து த‌ற்கொலை செ‌ய்து கொ‌ண்ட‌ா‌ர்.

இதேபோ‌ல் திருவண்ணாமலை மாவட்டத்தைச் சேர்ந்த சக்திவேல் என்ற மாணவனு‌ம், திருவாரூர் மாவட்டத்தைச் சேர்ந்த பாக்யா என்ற மாணவியு‌ம், ‌திருப்பூரைச் சேர்ந்த ரூபினி என்ற மாணவியு‌ம், ‌நீல‌கி‌ரி மாவ‌ட்ட‌ம் ஊ‌ட்டியை சேர்ந்த கீதா என்ற மாணவியு‌ம் த‌ற்கொலை செ‌ய்து‌ள்ளன‌ர்

செய்தி-வெபதுனியா

இந்தியாவில் ஒரு மணி நேரத்திற்கு குறைந்தது 14 பேர் தற்கொலை செய்து கொள்வதாக தேசிய குற்றப் பதிவுகள் கழகம் (NCRB) வெளியிட்டுள்ள அறிக்கையில் கூறப்பட்டுள்ளது.

எனக்கும் கற்பிதம் செய்ய பட்டு இருந்தது பத்தாம் வகுப்பு வாழ்வில் மிக முக்கியமான தருணம் ..இது இல்லை எனில் வாழ்கையே இல்லை.அடுத்து பனிரெண்டு ....அங்கயும் அப்படியே ..

இதில் எந்த அளவு உண்மை உள்ளது?இப்படி சொல்வதனால் குழந்தைகளுக்கு தன்னம்பிக்கையை தவிர்த்து,மன அழுத்தத்தையே கொடுக்கிறோம்.

இதற்க்கு என்ன மாற்று என்பது எனக்கு தெரியவில்லை.வருடாவருடம் வரும் பருவகாலம் போல ..செய்தி தாள்களுக்கு இது ஒரு பருவகால செய்தி ஆகி விட்டது .நமக்கும் கூட ....

ஒவ்வொரு வருடமும் கொலை பலி எனில் விழுகிறது .நானும் தப்பித்து கொண்டே இருக்கிறேன் .

என்று தணியுமோ இந்த சமூகத்தின் கொலைத்தாகம் ...

முடிந்த அளவு நம்மால் இயன்ற வரை ..பரீட்சை எழுதும் மாணவர்களுக்கு நம்பிக்கை ஊட்டுவோம் .இது மட்டுமே வாழ்க்கை இல்லை என புரியவைப்போம் .

தற்கொலைக்கு எதிரான அமைப்புகள் குறித்து யாருக்கும் பெரிதாய் தெரிவதில்லை .அமைப்புகள் தங்களை விளம்பர படுத்திக்கொள்ள ஏன் தயங்குகின்றன என தெரியவில்லை ..

சென்னை வந்த பிறகுதான் எனக்கு இந்த அமைப்புகள் குறித்து தெரியும்.
அதிலும் "சிநேகா" மட்டுமே நான் விளம்பரம் வழி பார்த்தது ...

உயிர்களை காப்பாற்ற ஏதேனும் முயற்சி செய்யலாம் நாம்..

இப்படியும் ரசிக்கலாம்

2009-02-21T10:01:00.006+05:30

இருவேறு சம்பவங்களை அடிப்படையாக கொண்டு இந்த கட்டுரை.

இரண்டு சம்பவங்கள் என்ன என்று சொல்லி விடுகிறேன்.முதல் சம்பவம் சென்னை சட்டகல்லூரி மாணவர் மோதல்.இரண்டாவது சம்பவம் சென்னை உயர் நீதி மன்றத்தில் நடந்த தாக்குதல்.

பத்து திருமணமாகாத ஆண்களை(கல்லூரி தோழர்களை) கொண்ட இரு தனி வீட்டில் நான் தங்கி உள்ளேன்.தனிப்பட்ட முறையில் அத்துணை பேரையும் எனக்கு நன்றாகவே தெரியும்.மிகவும் நல்ல குண நலன்களை கொண்டவர்கள் தான் அனைவரும்.

ஆனால் மேற்கண்ட இரண்டு சம்பவங்களை இவர்கள் தொலைகாட்சியில் பார்த்த பார்வை என்னை பெரிதும் அதிர்ச்சி கொள்ள வைத்தது.
இவர்கள் இந்த இரண்டு தாக்குதலையும் மிகுந்த புன்னைகைக்கு இடையில் ரசித்தே பார்த்தனர்.ஒவ்வொரு முறை மீண்டும் மீண்டும் பார்க்கும் போது ...அவர்கள் மனதில் அது ஆழமாக பதிவதை உணர முடிந்தது.

இரண்டாம் முறை பார்க்கும் போது..

"இப்ப பாரு கால்லே போடுவான்"

"பேசிட்டு இருக்கான்ல ...இவனக்கு இப்ப மண்டைய பொளந்து ஓட உடுவானுங்க பாரு"

"இவன் என்ன தக்காளி சட்டினிய மூஞ்சில அப்பி இருக்கான்"

"காலை உடச்சு தொங்க விட்டு அடிகிரானுங்க"

இன்னும் பல ..

மூன்றாம் முறை ,நான்காம் முறை என செல்ல செல்ல ..இவர்கள் இன்னும் ஆழமாக அதில் ஊடுருவி விட்டார்கள்

இப்படி பெரும்பாலும் ரசிக்கும் வசனமாகவே இருந்து விட்டன.என்னால் உகிக்கவே முடியவில்லை ..ஏன் இப்படி ?எதனால்?

பெரும்பாலும் இவர்கள் சம்பவத்தின் பின்னணி ஏதும் தெரியாமலே இப்படி ரசிக்கிறார்கள்.இவர்களுக்கு ஊடகத்தில் தெரிய படுத்தும் போது ...அங்கே அடிவாங்குபவன் நல்லவனாகவும்,அடிப்பவன் கெட்டவனாகவும் தெரிகிறான்.மறைக்கப்படும் அநீதி குறித்து இவர்கள் அறியவிரும்பவில்லை ..நாம் எடுத்து கூறும் போதும்...

இவர்கள் மட்டும் அல்ல ..இந்த ஒவ்வொரு நொடிக்கும்,பேருந்திலும்,போது இடங்களிலும்,அலுவலகங்களிலும் இதை ரசித்து ரசித்து பேசிக்கொண்டு இருக்கின்றனர்.

இப்படி குரூரமாக ரசிக்கும் மனநிலை எங்கு இருந்து வந்தது?

யாருக்கேனும் பதில் தெரியுமா?

கரைகிறேன் நினைவுகளாய்

2009-02-20T10:56:00.002+05:30

போதை தரும் உன்,

நினைவு அலைகள் - என்,

காலடி தொட.......,

கனவுகளில் கரைகிறேன்,

உன் நினைவுகளாய்.

போதை நட்பு

2009-02-20T10:49:00.003+05:30

மதுக்கோப்பையின் போதையை போலவே,

உன் வார்த்தையின் கனிவு,

அப்பட்டமாய் உளறுகிறேன்,

அடுக்கடுக்காய் உண்மைகளை,

உள்ளத்தில் ஏதோ முத்திரை இட்டாய்,

உன்னத நட்பின் அடையாளமோ?

பெங்களூர் போராட்டம் முதல் முயற்சி!

2009-02-19T13:33:00.006+05:30

பெங்களூரில் கடந்த ஞாயிறு(15/02/2008) ல் அண்ணன் அறிவழகன் தலைமையில் ஒரு போராட்டத்தை நடத்தி காட்டி இருக்கிறோம். கொஞ்சம் நிதானமாக திரும்பி பார்க்கும் பொழுது போராட்டத்தின் அடித்தளம் என்ன என்று சிந்திக்க தோன்றுகிறது. ஈழத்தில் நடக்கும் இனப்படுகொலைகளை தமிழனாக நமது எதிர்ப்பை பதிவு செய்யவேண்டும் என்ற எண்ணம் உங்களை போலத்தான் எங்களுக்கும் இருந்தது. எங்களிடம் உணர்வு இருந்ததே தவிர அது நடைமுறை சாத்தியமா என்ற ஐயமே எப்போதும் எங்களிடம் மிச்சம் இருந்தது. பெங்களூரில் தமிழ் உணர்வாளர்களை ஒருங்கிணைக்க வேண்டும் என்ற எண்ணமுடைய அண்ணன் அறிவழகன் அவர்கள் ஒரு சந்திப்பின் போது ஒரு நாள் அடையாள உண்ணாவிரதம் இருந்து இனப்படுகொலைக்கு எதிரான நமது உணர்வுகளை உலகிற்கு காட்ட வேண்டும் என்று அவரது எண்ணத்தை கூறினார். பெங்களூரில் தமிழ் உணர்வாளர்களை அடையாளம் காண்பது அவ்வளவு எளிதான பணி அல்ல. மேலும் தமிழினம் சார்ந்த போராட்டத்திற்கு அனுமதி பெறுவது அவ்வளவு எளிதானது இல்லை. படம் பார்க்க கிரிக்கெட்டு பார்க்க கூட்டம் கூடும் தமிழன் இன உணர்வு சார்ந்த போராட்டம் என்றால் 'நமக்கு எதுக்குடா வேண்டாத வேலை' என்பான். அப்படியே 'நம் இனத்துக்கு நாமில்லாமல் வேறு யார் போராடுவா?' என்று கேள்வி எழுப்பினால் நமக்கு 'தமிழ் திவிரவாதி' பட்டம் கண்டிப்பாக கிடைக்கும். அதனாலே நாங்கள் கையறு நிலையில் சில நாட்களை கழித்தோம். முத்துகுமரனின் தியாகம் முகத்தில் அறைந்தது போன்ற ஒரு பாதிப்பை எங்களிடம் ஏற்படுத்தியது. ஒரு உணர்வாளன் தன் உயிரையே கொடுத்து இருக்கிறான் நம்மால் ஒருநாள் போராட்டத்தை நடத்த முடியாதா
என்ற கேள்வியை எங்களுள் விதைத்து சென்றான் மாவீரன் முத்துகுமார்

உண்ணாநிலை போராட்டம் அவ்வளவு எளிதாக அனுமதி கிடைக்காது என்று சொன்ன அறிவழகன் அண்ணன் அறவழி போராட்டத்திற்கு அனுமதி பெறுவது சாத்தியம் என்ற உண்மையை சொன்னார். நாங்கள் சந்தித்த பொழுது நான் வெங்கடேசன் மாற்றும் அண்ணன் ஆகிய மூன்று பேர் மட்டுமே இருந்தோம். அறப்போராட்டத்தில் கண்டிப்பாக உணர்வாளர்களை ஒருங்கிணைத்து மாபெரும் வெற்றியாக மாற்ற முடியும் என்ற நம்பிக்கை இருந்தது. வெறும் மூன்றில் துவங்கிய எங்கள் பயணம் அடுத்த அடுத்த கட்டத்தை நோக்கி நகர துவங்கியது. அறிவழகன் அண்ணன் போராட்டம் குறித்த இழையை போட்ட பின்னர் சிறிது சிறிதாக ஆதரவு பெருகியது. உடனுக்குடன் எங்களுக்கு அழைப்பு விட்டு போராட்டத்தை எப்படி நடத்துவது என்று பலவாறு முடிக்கிவிடும் பணியை அண்ணன் பார்த்துக்கொண்டார். நிகழ்சி எப்படி நடத்துவது என்ற கூட்டம் அடிக்கடி நடந்து கொண்டே இருந்தது. சந்திப்பின் போது வரும் தோழர்களின் எண்ணிக்கை கூடிகொண்டே இருந்தது.வேல்முருகன் மோகன் மணிமாறன் தமிழ்வேந்தன் எழில் என்று உணர்வாளர்களின் கூட்டம் போராட்டத்தை புது உத்வேகத்துடன் நகர்த்தியது. அலைபேசிகளின் வாயிலாக போராட்டத்திற்கான ஆதரவுகளை நண்பர்கள் தெரிவித்தார்கள். பதாகைகள் தட்டிகள் துண்டு பிரச்சாரம் வழங்குவது போன்ற பணிகளை பகிர்ந்ததோடு நிகழ்சிநிரலும் தயாரானது. இதுவரை எந்த ஒரு போராட்டத்தையும் முன்னின்று நடத்திறாத இளம்கன்றுகளான நாங்கள் களம் காண தயாராகினோம்.அவரவரர் அவர்களது பணிகளில் மும்முரமாக இயங்கினோம். போராட்ட நாளும் வந்தது.

ஞாயிறு காலை திட்டமிட்டபடி மகாத்மா காந்தி சாலையில் பந்தல் அமைக்கப்பட்டிருந்தது. மிக நேர்த்தியாக இருநூறுபேர் உட்காரும்படி பந்தல் வடிவமைக்கப்பட்டிருந்தது. ஒன்பது மணியளவில் ஒன்றுகூடிய நாங்கள் பேனர்களை கட்டும் பணிகளில் மும்முரமானோம். வாழை அமைப்பை சேர்ந்த நண்பர்கள் சென்னை தகவல் தொழில்நுட்ப அமைப்பை சேர்ந்த நண்பர்கள் மற்றும் நமது 'உலகத்தமிழ்மக்கள்' அரங்கின் தலைமை நிர்வாகி 'சசி', நண்பன் 'கோபி', ரமணன். நிதி போன்ற நண்பர்கள் உடனிருந்த வேளையில் நமது அறப்போராட்டம் துவங்கியது. பந்தல் முழுக்க உடல்சிதறிய எம்தமிழ் உறவுகளின் புகை படங்கள் அடங்கிய பெரிய புகைப்படபலகைகள் இருந்தன. புகைப்பட பலகைகளை வடிவமைப்பதில் தோழர் மோகன், வெங்கடேஷ், கருப்பு, மணிமாறன் எடுத்து கொண்ட பங்களிப்பை நாம் பந்தலில் பார்க்க முடிந்தது. இளகிய மனம் படைத்த அனைவரையும் கண்ணீர் சிந்த வைக்கும்விதமாக வடிவமைத்து இருந்தார்கள். நிகழ்வு துவங்குவதற்கு முன்னர் அந்த சாலையின் வழியே சென்ற ஊனமுற்ற பெரியவர் இதனை பார்த்துவிட்டு தானும் போராட்டத்தில் கலந்து கொள்வேன் என்று கூறியதோடு நமது பந்தலில் முதல் நபராக அமர்ந்து தனது உணர்வுகளை வெளிப்படுத்தினார். அந்த முதியவரின் இன உணர்வு இளையோர் சமூகத்திடம் இல்லையே என்ற வருத்தத்தோடு நிகழ்வின் முதல் நிகழ்ச்சியான மாவீரன் முத்துகுமாருக்கு மலர்மாலை அந்த பெரியவரின் கைகளால் இடப்பட்டது. அதனை தொடர்ந்து தோழர் வெங்கடேஷ் வரவேற்புரை கொடுத்தார். வரவேற்பு உரையோடு இலங்கை அரசின் மனித உரிமைகளை மீறும் செயலை சுட்டிகாட்டி நடப்பது போர் அல்ல இனப்படுகொலை என்று ஆணித்தரமாக தனது கருத்துக்களை முன்வைத்து வரவேற்புரையை நிறைவுசெய்தார்.

நிகழ்வின் விளக்க உரையை துவங்கிய அறிவழகன் இனப்படுகொலையை தடுத்து நிறுத்து என்ற வேண்டுகோளோடு. சென்னையில் இருந்து கொண்டு நக்கீரன் ஆசிரியருக்கு மிரட்டல்விடுக்கும் இலக்கைதூதுவனுக்கு எச்சரிக்கைமணி அடித்ததோடு ஈழவரலாறு தெரியாமல் தமிழன் எதற்கு இலங்கை போனான் என்று பிதற்றிய ஜெயலலிதாவின் வரலாற்று அறிவு பத்தி ஆதங்கப்பட்டார். ஜெயலிதா வரலாறு நமக்கு தெரியாதா அண்ணா? என்று எண்ணத்தோன்றியது. தமிழினவிரோதிகளை தமிழகத்தைவிட்டு விரட்டுவோம் என்ற முழக்கத்தோடு தனது முன்னரை முடித்து கொண்டார்.கருப்பு என்ற வேல்முருகன் அவர்கள் தொடர்முழக்கங்களை துவங்கி வைத்தார். 'காந்தி தேசம் கொடுக்குதே புத்ததேசம் கொல்லுதே', தமிழ் ஈழத்தை அங்கீகரி, ராணுவ உதவிகளை திரும்பிவாங்கு,மழலைகளை கொள்ளாதே! போன்ற முழக்கங்களும் பதாகைகளில் உள்ள இனப்படுகொலைக்கான ஆதாரங்கள் தோழர்களின் துண்டு பிரசுரங்கள் எங்களை கடந்து சென்ற மக்களின் மனசாட்சிகளை தட்டியிருக்கும் என்பதில் சிறிதும் ஐயமில்லை. ஊடகவியலாளர்கள் அறிவழகன் அண்ணனையும் தோழர் வேல்முருகனையும் கேள்விகளால் துளைத்து எடுத்த பொழுதும் நம் தோழர்கள் தெளிவாக விளக்கினர் அங்கே நடைபெறும் போரை முன்னின்று நடத்துவது இந்தியா என்று. போரை நிறுத்துவது இந்தியாவின் கைகளிலேயே இருக்கிறது மிகத்தெளிவாக விளக்கினர்.

மகாத்மா காந்தி சாலையில் நாங்கள் பந்தலிட்டிருந்த இடம் மையமான இடம் போக்குவரத்தில் அதிகமான மக்கள் கடந்து செல்லும் இடம். கடந்து செல்லும் மக்களில் பலர் அங்கு நாங்கள் வைத்திருந்த பதாகைகளை ஆர்வமுடன் கண்டனர் புகைப்படங்கள் பார்த்த உள்ளம் பதறினர் பெண்கள். துண்டு பிரச்சாரங்களை தோழர்கள் மணிமாறன், வெங்கடேஷ் ராஜூ(நம் அரங்க உறுப்பினர்தான்) எழில் மக்களிடம் கொண்டு சேர்த்தனர். இடையிடையே கன்னடம் மற்றும் ஆங்கிலத்தில் முழக்கங்கள் இடப்பட்டன. தமிழ்சங்கம் நடத்தும் பேரணி இருப்பதாலும் கன்னட அமைப்பு ஒன்று எங்கள் போராட்ட இடத்தை கேட்டதாலும் 12:00 மணியளவில் எனது நன்றியுரையோடு நிகழ்ச்சி நிறைவு பெற்றது. நன்றி உரை வழங்கும்பொழுது தமிழின தலைவனா? தமிழின துரோகியா? என்று பேசி உணர்ச்சி கொந்தளிப்போடு உரையை நிறைவு செய்ய வேண்டியதாகியது. ஈழத்தை நேரில் கண்ட தோழரின் உரைநாங்கள் நிகழ்வை முடிக்கும் தருவாயில் அங்கே எங்களோடு நின்றிருந்த தோழர் ஒருவர் வெகு நேரமாக பேசவேண்டும் என்று வேண்டுகோள் விடுத்து கொண்டிருந்தார். நாங்களும் அவரை பேசும்படி அனுமதி கொடுத்தோம். ஈழத்திற்கு அடிக்கடி தொழில் விடயமாக சென்றுவரும் தோழர் ஈழத்தின் தற்போதைய நிலவரம் பற்றி கூறினார். இங்கே படங்களில் இருப்பது போன்று கைகால் சிதறி ரோட்டில் சிதறி கிடக்கும் குழந்தைகளை தினம்தினம் பார்ப்பவன் நான். அங்கே எப்போதும் குண்டு வெடிப்பு சத்தம் கேட்ட வண்ணம் இருக்கிறது. தமிழனின் உடைமைகள் சாலையில் போட்டு விற்கப்படுகிறது. பச்சை குழந்தைகூட தமிழன் என்றால் திவிரவாதிதான். உடல்சிதறிய பிஞ்சுக்களை என் கரங்களாலே தூக்கி இருக்கிறேன், சார்க் மாநாட்டுக்கு போன இந்திய படைகள் இன்னும் அந்த மண்ணிலே தங்கி போருக்கு துணை போவதை நேரடியாக பார்த்திருக்கிறேன். அங்கே செத்துவிழும் தமிழனின் பிணத்தை எடுத்து புதைக்கவும் ஆளில்லை என்று ஈழத்தின் நிலவரம் அவர் சொன்ன பொழுது சொல்ல முடியாத துயரத்தில் எங்கள் மனது ஆழ்ந்தது. எம்தமிழ் இனத்தின் துயரம் நாமன்றி யார் துடைப்பார் என்ற எண்ணமும் எழுந்தது. இந்திய அரசு நேரடியாக ஈழத்தில் இந்தியப்படைகளை இறக்கி தமிழனுக்கு செய்யும் துரோகம் தோழரின் உரையால் தோலுரிக்கப்பட்டது.

போராட்டம் எங்களுள் விளைத்த நம்பிக்கைகள்!
பெங்களூர் தகவல் தொழில்நுட்ப ஊழியர்கள் என்றாலே இன உணர்வு செத்துப்போய் தாங்கள்தான் மாபெரும் அறிவாளி கூட்டம் தங்களை அமெரிக்கர்கள் போலே காட்டிக்கொள்ள மெனக்கெடும் கூட்டம் என்று நினைத்து கொண்டிருந்த பொதுமக்களுக்கு இல்லை இல்லை இந்த கூட்டத்தில் இனத்திற்காக குரல்கொடுக்கும் இளைஞர்களும் உண்டு என்று அடையாளம் காணச்செய்திருக்கிறது. இந்த கூட்டத்தில் கலந்து கொண்ட உணர்வாளர்கள் ஒவ்வொருவருமே தங்களால் குறைந்தது நான்கு நண்பர்களை அடுத்தகட்ட போராட்டத்திற்கு அழைத்துவர முடியும் என்ற நம்பிக்கை எங்களுக்கு உண்டு. இதுவரை பெங்களூரில் ஐடி இளைஞர்களுக்கு தமிழ் உணர்வை பறைசாற்றும் அமைப்புக்கள் இல்லை இனிமேல் நமது உலகத்தமிழ் மக்கள் அரங்கு அப்படி இருக்கும். தூங்கி கொண்டிருக்கும் தமிழனின் இன உணர்வுகளை தட்டி எழுப்பும். தொடர்ந்து தமிழனுக்காக குரல் கொடுக்கும். இந்த போராட்டம் வெறும் ஒத்திகையே பெங்களூரில் அடுத்தடுத்து தமிழனின் குரல் ஓங்கி ஒலிக்கும் அது ஈழத்தில் இன்னலுறும் தமிழனுக்கு ஆதரவை கொடுக்கும் இந்திய தேசியத்தின் பகையை உலகிற்கு விளக்கும். இளம் கன்றுகளை முறைப்படுத்தி வழிநடத்திய அண்ணன் அறிவழகனுக்கு இது பெங்களூரில் முதல்வெற்றியை பெற்றுதந்திருக்கிறது ஈழத்தில் அமைதி திரும்பும்வரை எங்களுக்கு ஓய்வு இல்லை தொடர்ந்து போராடுவோம். ஓர்குட் வாய்பேச்சு வீரர்களின் தளம் என்பதை பொய்யாக்குவோம்

தமிழன்பனின் நன்றியுரை!
உணர்வாளர்களை அடையாளம் காணவைத்த உலகத்தமிழ் மக்கள் அரங்கத்திற்கு முதல் நன்றி. எங்கள் அழைப்புகேட்டு உடல்நிலை சரியில்லாத பொழுதும் ஓடோடி வந்த 'செயல்வீரர்' அண்ணன் சசி, நண்பன் கோபி, ரமணன், நிதி போன்ற சென்னை தோழர்களுக்கும் நன்றி. அரங்கில் செய்தியை பார்த்துவிட்டு தன்னோடு பத்து நண்பர்களை அழைத்து வந்த ராஜூவிற்கு நன்றி.தன் வலைப்பூவில் நமது போராட்ட செய்திகளை வெளியிட்டதோடு அதிகாலையிலேயே நம்முடன் வந்து கலந்து கொண்ட அரவிந்த் அவர்களுக்கு நன்றி. வாழை அமைப்பின் தோழர்களுக்கும் சென்னை தகவல்தொழில்நுட்ப தோழர்களுக்கும் நன்றி. கலந்து கொள்ளமுடியாவிட்டாலும் உணர்வால் ஆதரவு தந்த தோழர்கள்:நிகழ்வில் கலந்து கொள்ளமுடியாவிட்டாலும் நமது போராட்டத்தை ஊக்கப்படுத்திய நண்பர்களுக்கு நன்றி. அஸ்திரேலியாவில் இருந்துகொண்டு போராட்ட தகவலை தனது தம்பிக்கு சொல்லி அனுப்பி வைத்த தோழர் ஜெயக்குமாருக்கும், போராட்டத்திற்கு வாழ்த்து தெரிவித்ததோடு தனது வலைப்பூவில் நமது செய்தியை வெளியிட்ட இந்தோனிசியாவில் வாழும் தோழர் மதிபாலாவிற்க்கும், எங்களை அலைபேசியில் அழைத்து வாழ்த்து தெரிவித்த நார்வே தமிழர் விஜயசங்கருக்கும் சென்னையில் இருந்து கொண்டு போராட்டத்திற்கு ஆலோசனைகளை வழங்கிய சகோதரி குட்டிக்கும் குறுந்தகவல் மூலம் வாழ்த்து அனுப்பிய தம்பி பார்த்திபனுக்கும் தமிழன்பனின் நன்றிகள் உரித்தாகுக. ஒன்றாக பணியாற்றி மேலும் பல போராட்டத்தை நிகழ்த்த முடியும் என்ற நம்பிக்கையை விதைத்த சக தோழர்களுக்கு நன்றி நன்றி நன்றி!

தகவல் -தமிழன்பன்

உலக தமிழ் மக்கள் அரங்கம் காண ..
http://www.orkut.co.in/Main#Communities.aspx

கலாச்சாரம் ஏன் வேண்டும்?

2009-02-17T09:50:00.008+05:30

எனது சென்ற பதிவாய் கலாச்சாரம் யாருக்கு மட்டும் என்பதை பதிந்து...அதன் மூலம் கலாச்சாரம் ஆணுக்கும்,பெண்ணுக்கும் பொதுவானது என்பதை மேற்கோள் காட்டும் விதமாய் முயற்சி செய்து இருந்தேன்.

இந்த பதிவில் எனது எண்ணப்படி ஏன் கலாச்சாரம் வேண்டும் என்பதை பற்றி ஆராய்ச்சிக்கு விழைகிறேன்.

ஒழுக்க நெறிமுறையே கலாச்சாரத்திற்கு ஆணிவேராக இருக்க இயலும்.கலாச்சாரம் என்பது ஒரு சமூகம் தனக்கான,தன் மக்களுக்கான .ஆணுக்கும் பெண்ணுக்கும் பொதுவான ஒழுக்க கோட்பாட்டை கொண்டு இருப்பதே ஆகும்.

சரி எத்தகைய ஒழுக்க கோட்பாடு?
மன ஒழுக்கம்,செயல் ஒழுக்கம்,பேச்சு ஒழுக்கம்.

மன ஒழுக்கம்
தனிப்பட்ட மனிதர்கள் சம்பந்த பட்டதாகி விடுகிறது.மனதளவில் ஒருவன் ஒழுக்கமா இருக்கிறானா? இல்லையா? என்பது ஒரு போதும் தெரிய போவது இல்லை.ஆக இத பத்தி அதிகம் பேச வேண்டியது இல்லை.

பேச்சு ஒழுக்கம்
ரொம்ப முக்கியமானது ...ஆனால் ஒரு போதும் இதை நாம் கலாச்சார அங்கமாக பார்ப்பதே இல்லை.நம்ம தான் தினம் தினம் பார்த்து இருப்போமே...ஒரு நாளைக்கு சாலையில் போகும் போது ஒரே ஒரு கெட்ட வார்த்தையாவது கேட்டு விடுவோம்.

கடைசியா இப்ப அது ஒரு கலாச்சார வடிவம் பெற்று விட்டது.மதுரை பக்கம் பார்த்தீர்களானால் ...நட்புரீதியாக பேசிக்கொள்ளும் நண்பர்கள் கூட .."ஒத்தா" என்ற வார்த்தையை அழகாக(!?) பயன்படுத்துவார்கள்.

செயல் ஒழுக்கம்
இதுதான் இன்றைக்கு கலாச்சாரத்தின் வடிவமாய் பார்க்கப்படுகிறது.அதிலும் பெரும்பாலும் பெண்களுக்கு.இன்னைக்கு இது என்ன சொல்லுதுனா...

ஆண்கள் குடிப்பது தப்பு.பெண்கள் குடித்தால் கலாச்சார மீறல்.

ஆண்கள் எப்படியும் உடை அணியலாம்.போது இடத்தில் என்ன வேண்டுமானாலும் செய்யலாம்.பெண்கள் கெண்டை கால் தெரிந்தாலும் கலாச்சார மீறல்.

தேடிச்சென்று பெண்ணை புணர்தல் ஆணின் உரிமை.மனம் கவர்ந்தவனை காதலித்தாலே அது கலாச்சார மீறல்.

இப்ப தெரியுதோ செயல் ஒழுக்கம் யாருக்கு சொல்ல பட்டு இருக்குன்னு.

ஒழுகத்துகான நடுநிலை எண் 5 என கொள்வோமே ஆனால் இங்கு ஆண்களுக்கான ஒழுக்கம் 1 இருந்தால் போதும் எனவும் ..பெண்களுக்கு 9 இருக்க வேண்டும் எனவும் நம்ம கலாச்சார கட்டமைப்பு சொல்கிறது.

சரி எல்லாம் சரித்தான் ...எதுக்கு இந்த கலாச்சாரம்?

1)இந்த ஒழுக்க கலாச்சார கட்டமைப்பு இல்லை என்றால்,நமக்கும் விலங்குகளுக்கும் வேறுபாடு இல்லாமல் போய்விடும்.

2)வீட்டுக்கு எப்படி அஸ்திவாரம் போட்டு ,செங்கல்,சிமிண்டுன்னு தரமா பாத்து வீட்ட கட்டுகிறோமோ அதை மாதிரி இந்த ஒழுக்க கட்டமைப்பு.
ஒழுங்கா இல்லை என்றால் எல்லாம் கோவிந்தா.

ஒருவனுக்கு ஒருத்தி,ஒருத்திக்கு ஒருவன் அப்படின்னு சொல்லை என்றால் அடிபிடி சண்டை வந்து ....உயிரிழப்பு தான் ஏற்படும்(இங்க கொஞ்சம் அதிகமா ஒருவனுக்கு பலவும்,கொஞ்சூண்டு ஒருத்திக்கு பலவும் இருக்கு)

சரி போன பதிவுல ராம் சேனாவுக்கு எதிரா பெண்ணுக்கு ஆதரவாய் எழுதினேன்..அப்ப இந்த பொண்ணுங்க பண்ணுனது சரியா?

இரண்டு வாக்கியங்களை நான் இங்கு மேற்க்கோள் காட்ட விரும்புகிறேன்.
Freedom is self resposible(தமிழ்ல தெரியலை)

உன்னுடைய உரிமை என்பது அடுத்தவர் மூக்கு நுனி வரை மட்டுமே.

முதலில் உள்ளது உங்களுக்கு எளிதாய் புரிந்து இருக்கும் என நம்புகிறேன்.
இரண்டாவது வாக்கியத்தை கொஞ்சம் நிகழ் கால நடப்புடன் சம்பந்த படுத்த விரும்புகிறேன்.

பெண்ணின் ஆடை,ஆணின் ஆடை என்பது அவர்கள் தனிப்பட்ட விஷயம் ஆகி விடுகிறது.ஆனாலும் பெண்ணின் ஆடை ஆண் தன்னை தூண்டுவதாயோ,ஆணின் ஆடை பெண்ணை தூண்டுவதாயோ அமையும் எனில் அது கேள்விக்கு உள்ளாக்க படவேண்டும்.

என்ன இது ஆணாதிக்க சமூகமாய் உள்ளது.ஆகையால் பெண்கள் மட்டுமே கேள்விக்கு உட்படுகிறார்கள்.

சினிமாவில் பெண்கள் அறைகுறையாய் ஆடினால் தான் தப்பு.அர்ஜுன்,ஆர்யா,சித்தார்த் ஆகியோர் உள்ளாடையுடன் காட்சி தருவது சரியே.(படத்திற்கு தேவை என்று சொல்வீர்களே எனில்,நான் பெண்ணின் ஆடை குறைப்பை ..ஆணாதிக்க சமூகத்தில் பட ஓட்டத்திற்கு தேவை என்று சொல்வேன்)

ஆக கலாச்சாரம் வேண்டும்..எப்படி?ஆணுக்கும் பெண்ணுக்கும் பொதுவாய்...

இல்லை எனில் கலாச்சாரம் குறித்து பேசாது இருப்பீர்களாக.

கலாச்சாரம் யாருக்கு மட்டும்?

2009-02-12T13:31:00.010+05:30

எந்த ஒரு நேர்த்திப்படுத்துதல் எண்ணமும் இல்லாமல் மனம் திறந்த ஓடையாகவே இந்த பதிவை எழுதுகிறேன்.எதிர்ப்புகளை எதிர் நோக்கியே.எதிர்ப்புகளை கொணரும் அளவுக்கு வீரியம் இருக்குமா என்பதை நான் அறியேன்.

இங்கு மனித மூளைகளை மட்டப்படுத்தி இருக்கும் பார்ப்பனிய கட்டமைப்பின் நீளமும்,அது வரையறுக்கும் கலாச்சாரத்தின் தன்மையும்,ஆணாதிக்க கையின் நீளமும் சொல்லி புரிய வைப்பது எளிதல்ல.

கலாசாரம் யாருக்கு மட்டும் என்பதன் பொருட்டு எத்தனை கேள்விகளை எழுப்பினாலும்.

"அதெப்படி" என ஒற்றை வார்த்தையில் அனாசியமாக தட்டி கழித்து விட்டு போகும் படிக்கு வளர்த்திருக்கிறது மக்களை.

பெண்ணியம் பேசும் போது பெரும்பாலும் தோற்றுப்போகும் இடம் அவர்களின் ஆடை நேர்த்தியாகவே இருக்கிறது.அவர்களின் ஆடைகளை அவர்களே தெரிவு செய்து கொள்ளும் உரிமைகள் அவர்களுக்கு உண்டென பேசிப்பார்ப்போமே ஆனால் ...இந்த பார்ப்பனிய கட்டமைப்பில் மூளை மங்கி போனவர்கள் "கற்பழிப்பை நியாயப்படுத்தும்" உரிமை போராட்டத்திற்கு இட்டுச்சென்று இடுவர்.

எனவே இதை ஒப்பிடுதல் முறையிலேயே பேசுவதுதான் உசித்தமாகும்.

"ஆணென்ன பெண்ணென்ன,நீயென்ன நானென்ன எல்லாம் ஓரினம் தான்" இந்த தத்துவ சித்தாந்தங்களை எல்லாம் ராம் சேனா அமைபிற்கு கொடிபிடிப்பவர்களுக்கு ரசிக்க மட்டுமே தெரியும்.

ஒப்பிடுதல் கேள்விகளுக்கு வரும்முன்னர் ஒரு சிறு தகவலை பகிர்ந்து கொள்கிறேன்பிரிட்டிஷ் ஆட்சியாளர்களின் வருகைக்கு முன்னர் இருந்தே இங்கு 30 விழுக்காடு பெண்களுக்கு குடிப்பழக்கம் என்பது உண்டு.எனது தாத்தா பாட்டி காலத்தில் மார்பு கச்சை அணியும் பழக்கம் கிடையாது.

மங்களூரு சம்பவத்தில் ராம் சேனா அமைப்பின் செயலானது கலாச்சார காவல் செயல் என்பதை காட்டிலும்,ஆணாதிக்க நிலை நாட்டல் எனக்கொள்வதே பொருத்தமாக இருக்கும்.

பாதிக்க பட்ட பெண்களின் உடைகளை பற்றி பேசுபவர்களே,பாதிப்பை உள்ளாக்கியவர்கள் அணிந்து இருந்தது பாரம்பரிய உடையா?பெண்கள் பப்பிற்கு செல்லக்கூடாது என சொல்பவர்கள்.ஆண்கள் செல்வதை ஏன் பழிக்கவில்லை?

ஒழுக்கம் தான் கலாச்சாரத்தின் தூண் என்றால்..ஆண் என்றால் குடிப்பழக்கம் கொள்ளலாம் என்பது எத்தகைய நியாயம்??

ஒழுக்கம் மனதோடு சம்பந்த பட்டது என்றால்?பெண்களை பலவந்த படுத்தி புணரும் ஆண்வர்கதினரின் ஒழுக்கம் எத்தகைய கேள்விக்கு உரியது?

பேருந்து நிலையங்களில் பலர் பார்க்கும் பொருட்டு ..ஆண் குறியை வெளியே எடுத்து சிறுநீர் கழிப்பவர்களை தாங்கள் பார்த்தது இல்லையா?அவர்களின் மேலே ஏன் கலாச்சார காவல் பாயவில்லை?

குடித்து விட்டு நிர்வாணமாயும்,அலங்கோலமாயும் கிடக்கும் கலாச்சார ஆண்களுக்கு எதிரான கலாச்சார காவலின் நடவடிக்கை என்ன?

ராம் சேனா அமைப்பினால் கலாசார அமைப்பை வரையறுக்க இயலுமா?

மங்களூரு சம்பவத்தினை நியாயபடுத்த முனைபவர்களும்,அவர்கள் கூறும் கலாச்சார கோட்பாட்டை மட்டும் ஏற்றுகொள்பவர்களும் ஆண்களின் கலாசார கோட்பாடு என எதை கூறுவீர்கள்?

சரி இத்தகைய பப்புகளில் ஆண்களுக்கூடான சண்டையே அதிக அளவு இருக்கும் பொழுது,பெண்கள் மீதான இந்த வன்மையை மட்டும் இவ்வாறு படம் பிடித்ததன் நோக்கம் என்ன?

கேமரா கண்களும் "பெண்ணென்றால் போக பொருள் எனவும்,வியாபர பொருள் எனவும் எண்ணம் கொண்டுள்ளதோ?"

Men are from Mars,Women are from Venus என்று நேற்று ஒரு நண்பர் சொல்லி இருந்தார்.ஆக ஆண் அவன் பாரம்பரிய உடையை மாற்றி ஜீன்ஸ் உம் டி-ஷர்ட் உம் அணிய உரிமை உள்ள பொழுது பெண்ணுக்கு இல்லையா?

வேலைக்கும் செல்லும் ஆண் குடிக்கலாம் எனும் போது...வேலைக்கு செல்லும் பெண் குடிக்க கூடாதா?

ஒரு சீரழிவு கட்டமைப்பை(பார்ப்பனிய) வேரருப்பதை விட்டு விட்டு ,இத்தகைய செயல்களை புரிவது கேவலமான விலங்கினை புணர்வதற்கு ஒப்பாகும்.

எனக்கென்ன?யார் எப்படி போனால் எனக்கென்ன?

2009-02-09T15:28:00.010+05:30

"நாட்டுக்கொரு சேதி சொல்ல நாகரிக கோமாளி வந்தேனுங்க".......இந்த பாடல் இடையில் வரும் ஒரு வசனம் ....

முதலாளி: "தேயிலை இறக்குமதி பண்ணபோகிறோம்"

மற்றவர்:அப்ப உள்ளூர் விவசாயிங்க கதி?

முதலாளி:எவன் எக்கேடு கெட்டா நமக்கென்ன?நமக்கு லாபம் முக்கியம்.

இது முதலாளிங்க மனநிலை அல்ல..இன்னைக்கு நம்மில் பலரின் மனநிலை இதுதான்.அன்னைக்கு முதலாளி மட்டும் தான் கேட்டான் இன்னைக்கு எல்லோரும் கேக்குறீங்க...

நான் சாதியை அறவே வெறுப்பவன்.ஆனாலும் இங்கு அது தேவைபடுவதால் குறிப்பிடுகிறேன்.

சில நாட்களுக்கு முன்னாள் BC வகுப்பை சேர்ந்த நண்பன் ஒருவனிடன் வாக்குவாதத்தின் போது கேட்க நேர்ந்த கேள்விகள்...

கேள்வி:இன்னைக்கு நீ படிக்கிறாய் என்றால் யார்காரணம்?

பதில்: பெரியார்....

கேள்வி: அப்ப அம்பேத்கர்???

பதில்:தலித்துக்கு போராடினார்..

கேள்வி:இந்து உன் மதமா?

பதில்:இல்லையா?

கேள்வி:ஒ...சாதி எங்கிருந்து வந்தது?

பதில்:தெரியாது...

கேள்வி:இதை எல்லாம் ஏன் தெரிந்து வைத்து கொள்ளவில்லை?

பதில்:தெரிந்து நான் என்ன பண்ண போறேன்?தெரிஞ்சுகவேண்டிய அவசியம் இல்லை ...

நான்:டேய் வரலாற்றை,வந்த பாதையை தெரிஞ்சிக்கணும்...

பதில்:அப்படி ஒன்னும் எனக்கு அவசியம் இல்லை..

பேச்சு அங்கே சுத்தி இங்க சுத்தி இன உணர்விற்கு வருகிறது..
இன உணர்வே வேண்டாம் என்பது அவன் வாதம்.சரி அதற்க்கு மேலே எனக்கு பேச விருப்பம் இல்லை..

மற்றொரு நண்பரிடம் ஈழ தமிழர் விடுதலை குறித்து பேசியபோது..(முத்துகுமரன் உயிர் தியாகத்திற்கு பின்னர்)

நான்:முத்துகுமரனின் கடிதத்தை மக்களிடம் கொண்டு சேர்க்க வேண்டிய கடமை நமக்கு இருக்கிறது.

நண்பர்:கொண்டு சேர்த்தால் மட்டும் விடுதலை கிடைத்துவிட போகிறதா?

பகத்சிங்கும்,பெரியாரும்,அம்பேத்கரும் இப்படி இருந்திருந்தால் நன்றாக இருந்து இருக்கும் இல்லையா?

எங்கு இருந்து வந்தது இந்த மனநிலை?

இங்க எனது பார்வையில் நான் உணர்ந்தவற்றை மட்டும் சொல்கிறேன்.
தொண்ணூறுகளுக்கு முன்னாள் போராட்ட மனோபாவம் இருக்கவே செய்தது...ஆனால் சரியாக 92 என்று நினைகிறேன்...முதல் குட்டி சாத்தான்...sun தொலைக்காட்சி கால் எடுத்து வைக்கிறது.அதுவரைக்கும் ,வயலும் வாழ்வு பாக்கவும்,என்னைக்காவது போடப்படும் திரைப்படம் பார்க்கவும் உட்கார்ந்த மொத்த கூட்டமும்...தொல்லை காட்சியால் கட்டுக்குள் இருக்கப்படுகிறது.
அதுக்கு முன்னால் குழந்தைகள் கூடி விளையாடுவது,அதன் மூலம் பரஸ்பரம் அன்புகள் வளர்ந்து வந்தது.தொல்லை காட்சியில உக்காந்த பிறகு ..எல்லாமே மாறுகிறது.மனோ நிலையின் முதல் மாற்றம் இங்க தான்..

உலகமயமாக்கல் எனும் விஷம்.....

உலகமயமாக்கல் எனும் பூதம் என்னவெல்லாம் பண்ணியது தெரியுமா????

1)சிறுதொழில் அழிப்பு

2)கலாச்சார திணிப்பு

3)முதலாளித்துவ கொள்கை மூலமா ...வறுமை அதிகரிப்பு....

வேலை வாய்ப்பு அதிக படுத்தபடுகிறது உலக மயமாக்கல் மூலமாக அப்படின்னு ஒரு பார்வை உள்ளது.இதை பற்றி எனக்கு முழுவதும் தெரியல ..ஆனா கேள்விகள் பல உள்ளன.

1)இங்கு விற்பனை ஆகும் அனைத்து அந்நிய பொருட்களும்,அதன் உதிரி,உருவாக்க தேவையான அனைத்தும் இங்கேயே தயார் செய்ய படுகின்றனவா?

2)நெசவு செய்து கொண்டு இருந்தவர்களுக்கு என்ன மாற்றுவேலையை இந்த உலகமயமாக்கல் கொடுத்தது?

3)இந்த உலகமயமாக்கல் மூலம் அந்நிய தயாரிப்பளர்களை உள்ளே விட்ட காரணத்தால் ..சிறு தொழில் செய்துகொண்டு இருந்தவர்கள் தொழிற்புரட்சி அடைந்துவிட்டு ..அந்நிய நிறுவனங்களுடன் போட்டிபோடும் அளவிற்கு வளர்ந்துவிட்டனரா?

4)இந்த நிறுவங்களில் இலாபதொகையில் எத்துனை சதவீதம் இந்தியாவிலேயே சுழற்றபடுகிறது?

இதை கேட்க்கும் போது இன்னொன்னும் சொல்லிகிறேன் ...நீயா?நானா? கோபி சொல்கிற மாதிரி எந்த அளவுக்கு உலகமயமாக்கல் நல்லதை செய்ததோ ..அதே அளவு கெட்டதையும் செய்தது...
நான் சொல்வதாய் இருந்தால் கொஞ்சம் அதிகமாகவே கெட்டதை செய்தது.அதை தான் பிழைப்புவாத மனோபாவ மாற்றம் அப்படின்னு சொல்லலாம்.

கைல வச்சு எண்ணி பார்க்க முடியாத அளவு பணம்,வீடு,கார்....எல்லா சொகுசு பொருட்களையும் வாங்கும் அளவுக்கு பணபலம்.
என்ன ஆகுது?
எல்லாம் மாறுது...தான் என்னும் அகந்தை.பெற்ற தாயை வீடு வேலைகாரி என அறிமுக படுத்தக்கூடிய மனோபாவம்.

"திறமை இருக்கிறது பிழைக்கிறோம் அப்படின்னு சொல்லிக்கிறான்"..அப்படினா வயலில் உழைப்பவனுக்கு திறமை இல்லையா?

போர் என்றால் மக்கள் சாவது இயல்புதானே என்ற அறிக்கையை ஆமாம் போட்டு ஏற்றுக்கொள்ளும் அளவுக்கு நாம் இருக்கிறோம் இன்று.

இல்லை நாங்களும் பண்ணுறோம்...அநாதை இல்லத்திற்கு போறோம்,அது பண்ணுறோம் இது பண்ணுறோம் அப்படின்னு சொல்லுறீங்களா?உண்மையிலேயே பாராட்ட வேண்டிய விஷயம் தான் ..ஆனால் நீங்கள் சிறுபான்மையினர் மனதில் வைத்துக்கொள்ளுங்கள்.

நீயா,நானா நிகழ்ச்சியில் ஒரு பெரியவாள் சொன்னாரே ...கும்பகோணம் தீவிபத்தில் இறந்து போன அத்துனை பேரும் போன ஜென்மத்தில்

பாவம் செய்தவாள் என்று ..உங்களை சுற்றி ஒரு பெரிய கூட்டம் அப்படித்தான் இருக்கிறது.

மேலும் ஒருகணம் யோசித்து பாருங்கள் ..உங்கள் தகுதிக்கு ஏற்பதான் செய்கிறீர்களா???
அனாதைகளுக்கு செய்தால் புண்ணியம் என்ற மனோநிலையில் செய்கிறீர்களா?இல்லை, என்னைப்போல அவனும் ஒருவன்(எண் சகோதரன்,சகோதரி) என செய்கிறீர்களா?.

பணத்தால் மட்டும் செய்யாதீர்கள்...உங்கள் நேரப் பகிர்வுகளாலும் செய்யுங்கள்.

என் சகோதரன்,சகோதரி அங்கே சாகிறான்...இங்கோ நடைபிணமாய் வாழ்கிறான்..

எவன் என்ன ஆனால் எனக்கென்ன? எப்படி போனால் எனக்கென்ன?

புரட்சி திரிக்கு தீப்பொறி தேவை...

2009-02-02T10:34:00.006+05:30

ஆம் தமிழர்களே,

விதைக்கும் விதை எல்லாம் மரமாவது இல்லை.தேர்ந்தெடுக்க பட்ட விதைகளும்சிலநேரம் மண்ணோடு போவதுண்டு.என் அண்ணன் முத்துகுமார் ஒருதேர்ந்தெடுக்க பட்ட விதை.பராமரிப்பு இல்லாமல் போதல் ஆகாது.
விதைக்கும் விதைக்கு தண்ணீர் ஊற்றுவோம்.என் அண்ணன் விதைத்த விதைக்குஅவர் கடிதத்தை ஊற்றுங்கள்.ஆம் உங்களால் எவ்வாறு எல்லாம் இயலுமோஅவ்வாறெல்லாம் பரப்புங்கள்.
என் அண்ண ன் ஒரு மாபெரும் திரியை எரிக்கும் விதமாய் தன்னை எரிய வைத்துநம்மிடம் தந்து இருகிறார்.இதை பற்ற வைக்க ஒரு தீப்பொறிவேண்டும்.தீக்குச்சியாய் நம்மிடம் அவர் கடிதம் இருக்கிறது .....தமிழினதலைவர்கள் இதை நீர்த்துபோக செய்ய கல்லூரிகளை மூடுகின்றனர்.
ஏதையும் எதிர்த்து போராடுவதுதான் என் அண்ணன் உயிருக்கான விலையாய்இருக்கும்.எனவே நகலை பரப்புங்கள்...
எனக்கு நகலை பரப்பும் விதமாய் தோன்றிய சில எண்ணங்கள்.
1)வலை பூக்கள் வைத்து எழுதுபவர்கள் ..அநேகர் இதை பதிவு செய்து இருப்பார்கள் என எண்ணாமல் ...நீங்களும் பதிவு செய்யுங்கள்.
2)CSC,NIIT போன்ற நிறுவனங்களிடம் இருந்து மாணவர் முகவரிகள் வாங்க முடியும் எனின் வாங்கி ..கடிதமாக பரப்புங்கள்.
3)இணைய அஞ்சல் மூலம் பரப்புங்கள்..(முடித்த அளவு அலுவலக மின்னஞ்சல் மூலம்).
4)சர்வதேச சமூகத்திடம் எடுத்து செல்லும் விதமாக தெரிந்த மொழிகளில் எல்லாம் மொழி பெயர்த்து பரப்புங்கள் ...
உங்கள் கருத்துகளை இங்கே பகிர்ந்து கொள்ளுங்கள்.
தீப்பொறியாய் மாறுவோம் வாருங்கள் .

இதோ என் அண்ணனின் கடிதம்..

விதியே விதியே என்செய் நினைத்திட்டாய் என் தமிழ் சாதியை...
அன்பார்ந்த உழைக்கும் தமிழ்மக்களே...
வணக்கம். வேலைக்குப் போகும் அவசரத்திலிருக்கும் உங்களை இப்படி சந்திக்க நேர்ந்ததற்கு நான் வருந்துகிறேன். ஆனால் வேறு வழியில்லை. என் பெயர் முத்துக்குமார். பத்திரிகையாளர் மற்றும் உதவி இயக்குநர். தற்சமயம் சென்னையில் உள்ள பத்திரிகை ஒன்றில் வேலை செய்து வருகிறேன்.
உங்களைப்போல் தான் நானும். தினமும் செய்தித்தாளையும், இணையத்தையும் பார்த்து பார்த்து, தினம் தினம் கொல்லப்பட்டு வரும் எம் சக தமிழர்களைக் கண்டு சாப்பிட முடியாமல், தூங்க முடியாமல், யோசிக்க முடியாமல் தவிக்கும் எத்தனையோ பேரில் ஒரு சாமானியன்.
வந்தாரை வாழ வைக்கும் செந்தமிழ் நாட்டில் சேட்டு என்றும், சேட்டனென்றும் வந்தவனெல்லாம் வாழ, சொந்த இரத்தம் ஈழத்தில் சாகிறது. அதைத் தடுத்து நிறுத்துங்கள் என்று குரல் கொடுத்தால், ஆம் என்றோ இல்லை என்றோ எந்த பதிலும் சொல்லாமல் கள்ள மௌனம் சாதிக்கிறது இந்திய ஏகாதிபத்தியம். இந்தியாவின் போர் ஞாயமானதென்றால் அதை வெளிப்படையாகச் செய்ய வேண்டியதுதானே.. ஏன் திருட்டுத்தனமாக செய்ய வேண்டும்?
ராஜீவ் காந்தியைக் கொன்றார்கள் என்ற சொத்தை வாதத்தை வைத்துக்கொண்டு, சில தனிநபர்களின் பழிவாங்கல் சுயநல நோக்கங்களுக்காக ஒரு பெரும் மக்கள் சமூகத்தையே கொன்று குவிக்கத் துடிக்கிறது இந்திய அதிகார வர்க்கம்.
ராஜீவ் காந்தி கொலையில் விடுதலைப் புலிகள் மட்டும் குற்றம் சாட்டப்படவில்லை. தமிழக மக்களையும் குற்றவாளிகள் என்று குற்றம் சாட்டியது ஜெயின் கமிஷன் அறிக்கை. அப்படியானால் நீங்களும் ராஜீவ் காந்தியைக் கொலை செய்த கொலைகாரர்கள்தானா?
ஜாலியன் வாலாபாக்கில் வெள்ளையன் கொன்றான் என்றார்களே, இவர்கள் முல்லைத்தீவிலும் வன்னியிலும் செய்வதென்ன? அங்கு கொல்லப்படும் குழந்தைகளைப் பாருங்கள். உங்கள் குழந்தைகள் நினைவு வரவில்லையா? கற்பழிக்கப்படும் பெண்களைப் பாருங்கள். உங்களுக்கு அதுபோன்ற வயதில் ஒரு தங்கையோ, அக்காவோ இல்லையா? ராஜீவ் கொல்லப்பட்டபோது காங்கிரசின் முக்கிய தலைவர்கள் ஏன் அவருடன் இல்லை, கூட்டணிக் கட்சித் தலைவியான ஜெயலலிதா, தமிழ்நாட்டில் ராஜீவ் கலந்துகொள்ளும் ஆகப்பெரிய பொதுக்கூட்டத்தில் ஏன் பங்கெடுக்க போகவில்லை என்பது போன்ற கேள்விகள் கேட்கப்படாமலும், இவர்களால் பதில் சொல்லப்படாமலும் கிடக்கின்றன.
மக்களே யோசியுங்கள். இவர்கள்தான் உங்கள் தலைவர்களா? பணம், அடியாள் பலம் ஆகியவற்றைக் கொண்டு மிரட்டல் அரசியல் நடத்தி வரும் இவர்கள் நாளை நம்மீதே பாய மாட்டார்கள் என்பதற்கு என்ன நிச்சயம்? அப்படி பாய்ந்தால் யார் நம் பக்கம் இருக்கிறார்கள்?
கலைஞரா? நாடாளுமன்ற உறுப்பினர்கள் ராஜினாமா செய்வார்கள் என்று அப்பொழுதும் அவர் அறிவிப்பார். பிறகு, மத்திய அரசைப் புரிந்துகொள்வார்(?!). பிறகு மறுபடி சரியான முடிவை எடுக்க வேண்டி சட்டமன்றத்தில் தீர்மானம் நிறைவேற்றுவார் - இந்த மாசம், இந்த வாரம், இதுவரைக்கும் என்ன எவனும் தொட்டதில்ல என்கிற வின்னர் பட வடிவேல் காமெடியைப் போல.
காகிதம் எதையும் சாதிக்காது மக்களே! இப்பொழுது, உலகத் தமிழினத் தலைவர் என்ற பட்டப்பெயரைச் சூடிக்கொள்ளவும், தமிழ்நாட்டில் இருக்கும் பணத்தையெல்லாம் தன் குடும்பத்திற்கே உரித்தாக்கவும் விரும்புகிற தேர்தல் காலத் தமிழர் கலைஞர் மக்களின் கோபத்தை எதிர்கொள்ள பயந்து மருத்துவமனையில் போய் ஒளிந்துகொண்டுள்ளார். தனது மந்திரிகளுக்கு அவசியப்பட்ட துறைகளுக்காக சண்டப்பிரசண்டம் செய்து சதிராடிய இந்த சூரப்புலி உண்மையில் தமிழுக்காகவோ, தமிழருக்காகவோ செய்ததென்ன? ஒருமுறை அவரே சொன்னார், ''தேனெடுத்தவன் புறங்கையை நக்காமலா இருப்பா"னென்று. இவருடைய பம்மலாட்டத்தையெல்லாம் பார்த்தால் ரொம்பவே நக்கியிருப்பார் போலிருக்கிறேதே...
பட்டினிப் போராட்டத்தின் மூலம் களம் இறங்கியிருக்கும் சட்டக்கல்லூரி மாணவர்களே... உங்கள் போராட்டம் வெற்றிபெற சக தமிழனாக நின்று வாழ்த்துகிறேன். உங்களோடு களம் இறங்க முடியாமைக்கும் வருந்துகிறேன். ஈழத் தமிழர் பிரச்சினை என்றில்லை, காவிரியில் தண்ணீர் விடச்சொல்லும் போராட்டமென்றாலும் சரி, தமிழ்நாட்டிற்காதவரான போராட்டம் எதுவாக இருந்தாலும் சரி, முதலில் களம் காண்பவர்கள் நீங்கள், வழக்கறிஞர்களும்தான். இந்த முறையும் நான்கு மாதங்களுக்கு முன்பாகவே களத்தில் இறங்கியவர்கள் இந்த இரண்டு தரப்பும்தான்.
உங்களுடைய இந்த உணர்வை மழுங்கடிக்கவே திட்டமிட்டு இந்திய உளவுத்துறை ஜாதிய உணர்வைத் தூண்டிவிட்டு, அம்பேத்கர் சட்டக்கல்லூரி அனர்த்தத்திற்கு வழி வகுத்திருக்கலாம் என்பது என் சந்தேகம். உலகம் முழுக்க மக்களுக்கான புரட்சிகரப் போராட்டங்களில் முன்கையெடுப்பவர்களாக இருந்தது மாணவர்கள் என்கிற ஜாதிதான். அதேபோல், தமிழ்நாட்டிலும் உங்களுக்கு முந்திய தலைமுறையொன்று இதுபோன்ற ஒரு சூழலில், இதுபோல் குடியரசு தினத்திற்கு முன்பு களம் கண்டுதான் காங்கிரஸ் உள்ளிட்ட தேசியக் கட்சிகளைத் தமிழ் மண்ணிலிருந்து விரட்டியடித்தது.
ஆக, வரலாற்று முக்கியத்துவம் வாய்ந்த ஒரு தருணம் உங்கள் கைகளுக்கு மறுபடியும் வந்து சேர்ந்திருக்கிறது. பொதுவாக உலக சரித்திரத்தில் இப்படியெல்லாம் நடப்பதில்லை. கடந்த முறை நடந்ததுபோல், உங்கள் போராட்டத்தின் பலன்களை சுயநலமிகள் திருடிக்கொள்ள விட்டு விடாதீர்கள். போராட்டத்தின் பலன்களை அபகரித்து ஆட்சிக்கு வந்த தி.மு.க. முதலில் செய்த விசயம் மாணவர்கள் அரசியல் ஈடுபாடு கொள்ளக்கூடாது என சட்டம் போட்டதுதான். ஆட்சிக்கு வந்த அது, தமிழின உணர்வுகளை மழுங்கடித்து, ஒட்டுமொத்த தமிழினத்தையும் மகஜர் கொடுக்கும் ஜாதியாக மாற்றியது. அந்த மரபை அடித்து உடையுங்கள். மனு கொடுக்கச் சொல்பவன் எவனாக இருந்தாலும், அவனை நம்பாதீர்கள். நமக்குள்ளிருக்கும் ஜாதி, மதம் போன்ற வேறுபாடுகளை எரித்துக்கொள்ள இதுதான் தருணம்.
உண்ணாவிரதத்தையெல்லாம் தூக்கியெறிந்துவிட்டு களம் காணுங்கள். உண்மையில், இலங்கையில் இந்திய இராணுவ நடவடிக்கை என்பது தமிழர்களுக்கெதிரானது மட்டுமல்ல. ஒட்டுமொத்த இந்தியர்களுக்குமே எதிரானது. சிங்களச் சிப்பாய்களிடம் கற்றுக்கொள்கிற பாலியல் நுணுக்கங்களைத்தானே அவர்கள் அசாமில் அப்பாவிப் பெண்களிடம் பரிசோதித்துப் பார்த்தார்கள்! விடுதலைப் புலிகளை ஒடுக்குவதற்கான சிங்கள வன்முறை நுணுக்கங்களைக் கற்றுக்கொண்டு வடகிழக்கு மாநிலப் போராளிகளிடம் பயன்படுத்திக் கூர் பார்த்தார்கள்! போதாதற்கு, ஹைட்டியில் சமாதானப் பணிக்காக அனுப்பப்பட்ட ஐ.நா.வின் இராணுவத்திலிருந்து இந்திய மற்றும் இலங்கை இராணுவம் அவரவர்களுடைய பாலியல் நடவடிக்கைகளுக்காக அடித்துத் துரத்தப்பட்டிருப்பதிலிருந்து என்ன தெரிகிறது - இந்தக் கூட்டணி கொள்கைக்க்கூட்டணியல்ல, பாலியல் கூட்டணி என்றல்லவா!, ஆக இந்திய - இலங்கை இராணுவக் கூட்டு என்பது இந்தியர்களின் அடிப்படை மனித உரிமைகளுக்கும் கூட எதிரானதாக இருப்பதால், அகில இந்திய அளவில் மாணவர்கள், ஜனநாயக அமைப்புக்களையும் உங்கள் பின்னால் திரட்டுங்கள்.
இதையெல்லாம் மக்களே செய்ய முடியும். ஆனால், அவர்கள் சரியான தலைமை இல்லாமல் இருக்கிறார்கள். உங்கள் மத்தியிலிருந்து தலைவர்களை உருவாக்குகள். உங்கள் போராட்டத்தை சட்டக்கல்லூரி மாணவர்கள் என்ற இடத்திலிருந்து அனைத்து மாணவர்கள் என்று மாற்றுங்கள். உங்களிடமிருக்கும் வேகமும், மக்களிடமிருக்கும் கோபமும் இணைந்து தமிழக வரலாற்றை அடியோடு மாற்றட்டும். ஆட்பலம், பணபலம், அதிகார வெற்றியை உடைத்து எறியுங்கள். உங்களால் மட்டுமே இது முடியும். ‘நாங்கள் தமிழ் மாணவர்கள், தமிழ்நாட்டின் உயிரானவர்கள், இங்கு தமிழினம் அமைதி கொண்டிருந்தால் ஏடுகள் தூக்கி படிப்போம். எங்கள் தமிழர்க்கு இன்னல் விளைந்தால் எரிமலையாகி வெடிப்போம்’ என்ற காசி அனந்தனின் பாடலை ஓர் அறிவாயுதமாக ஏந்துங்கள்.. என் உடலை காவல்துறை அடக்கம் செய்துவிட முயலும். விடாதீர்கள். என் பிணத்தைக் கைப்பற்றி, அதை புதைக்காமல் ஒரு துருப்புச் சீட்டாக வைத்திருந்து போராட்டத்தைக் கூர்மைப்படுத்துங்கள். எனக்கு சிகிச்சையோ, போஸ்ட்மார்டமோ செய்யப்போகும் தமிழ்நாடு மருத்துவக் கல்லூரி மாணவர்களே.. உங்கள் கையால் அறுபட நான் புண்ணியம் செய்திருக்க வேண்டும். காரணம், அகில இந்திய அளவில், மருத்துவக் கல்வியில் இட ஒதுக்கீட்டுக்கு எதிராக உயர்சாதி மாணவர்கள் போராடிக்கொண்டிருக்க, தன்னந்தனியாக நின்று, மருத்துவக் கல்வியில் இட ஒதுக்கீட்டுக்கு ஆதரவாகப் போராடியர்களல்லவா நீங்கள்? எனக்கு செய்வதெல்லாம் இருக்கட்டும். நம் சகோதரர்களான ஈழத் தமிழர்களுக்கு உங்கள் பங்குக்கு என்ன செய்யப் போகிறீர்கள்?
தமிழீழம் என்பது தமீழத்தின் தேவை மட்டுமே அல்ல, அது தமிழகத்தின் தேவையும் கூட காரணம், இராமேஸ்வரம் மீனவர்கள், உலகில் ஆடு, மாடுகளைப் பாதுகாப்பதற்குக் கூட சட்டமும், அமைப்புகளும் இருக்கின்றன. இராமேஸ்வரம் தமிழனும், ஈழத் தமிழனும் மாட்டைவிட, ஆட்டைவிடக் கேவலமானவர்கள்? எல்லை தாண்டி போகும் மீனவர்கள், புலிகள் என்ற சந்தேகத்தின் பேரில் தாக்கப்பட்டு வருவதாக இந்திய மீடியா திட்டமிட்டு பிரச்சாரம் செய்து வருகிறது. இவர்களெல்லாம் செய்தித்தாளே படிப்பதில்லையா? சென்னையின் கடற்கரைகளில் அடிக்கடி தைவான் நாட்டை சேர்ந்த மீனவர்கள் வழிதெரியாமல் வந்தவர்கள் என்று கைது செய்யப்படுகிறார்கள். பல ஆயிரக்கணக்கான கிலோ மீட்டர்கள் தூரத்திலிருக்கும் தைவான் மீனவன் வழிதவற முடியுமென்றா, வெறும் பன்னிரெண்டு மைல் தூரத்திற்குள் இராமேஸ்வரம் தமிழன் வழி தவறுவது நம்புவது மாதிரியில்லையாமா?
தமிழ்நாட்டில் வாழ்ந்து வரும் வெளிமாநிலங்களைச் சேர்ந்த சகோதர்களே...
உங்கள் சொந்த மாநிலத்தில் கூட இல்லாத நிம்மதியோடும், பாதுகாப்போடும் வாழக்கூடிய மாநிலம் தமிழ்நாடு தான் என்பது உங்களுக்கு அனுபவத்தால் தெரிந்திருக்கும். நாங்கள் இன்று பெரும் இக்கட்டை எதிர்நோக்கியிருக்கிறோம். ஈழத்திலிருந்துக்கும் எங்கள் சகோதரர்கள் இந்தியர் என்னும் நம் பெயரைப் பயன்படுத்திதான் நம் அரசால் கொலை செய்யப்படுகிறார்கள். இந்தப் போராட்டத்தில் நாங்கள் தனித்துவிடப்படுவதை இந்திய அரசு விரும்புகிறது. அப்படி ஆக்கக்கூடாதென நாங்கள் விரும்புகிறோம். ஆகவே, போராடிக்கொண்டிருக்கும் எங்கள் சகோதரர்களுக்கு உங்கள் ஆதரவும் உள்ளதென மத்திய அரசுக்குத் தெரியப்படுத்துங்கள். அரசுகளில் அங்கம் வகிக்கக்கூடிய உங்கள் தேசிய இனங்களைச் சேர்ந்தவர்களை எம் கரத்தை பலப்படுத்துவதோடு, எதிர்காலத்தில், ஒரு நவநிர்மாண் சேனாவோ, ஸ்ரீராம் சேனாவோ தமிழ்நாட்டில் உருவகவிருக்கும் ஆபத்தைத் தவிர்க்கும் என்பது என் கருத்து.
தமிழ்நாடு காவல்துறையிலிருக்கும் இளைஞர்களே...
உங்கள் மீது எனக்கு இருக்கும் மதிப்பு கொஞ்சம் நஞ்சமல்ல, காரணம், தமிழுக்காக மற்றவர்கள் என்ன செய்தார்களோ, அலுவலர்களை ஐயா என அழைப்பது போன்ற நடைமுறை ரீதியில் தமிழை வாழ வைத்துக்கொண்டிருப்பவர்கள் நீங்கள்தான். மக்களுக்காகப் பாடுபடவேண்டும், சமூக விரோதிகளை ஒழித்துக்கட்ட வேண்டும் என்பதுபோன்ற உன்னத நோக்கங்களுக்காகத்தான் நீங்கள் காவல்துறையில் இணைந்திருப்பீர்கள் என்று நம்புகிறேன். ஆனால், அதை செய்ய விடுகிறதா ஆளும் வர்க்கம்? உங்களை சிறுசிறு தவறுகள் செய்ய விடுவதன் மூலம் தன்னுடைய பெருந்தவறுகளை மறைத்துக்கொள்ளும் அதிகார வர்க்கம், உங்களை, எந்த மக்களுக்காகப் பாடுபட நீங்கள் விரும்பினீர்களோ, எந்த மக்களுக்காக உயிரையும் கொடுக்கலாம் என்று தீர்மானித்தீர்களோ, அந்த மக்களுக்கெதிராகவே, பயிற்றுவிக்கப்பட்ட அடியாள்களாக மாற்றுகிறது. டெல்லி திகார் ஜெயிலைப் பாதுகாப்பது தமிழக பொலிஸ்தான். இந்தியாவில் பழமையான காவல்துறையான தமிழக காவல்துறை சிறப்பாக செயல்பட்டு வரும் காவல்துறைகளில் ஒன்று. ஆனால் அந்த மதிப்பை உங்களுக்குக் கொடுக்கிறதா இந்திய அரசாங்கம்! மத்திய அமைச்சர் ப.சிதம்பரம் தமிழகம் வந்து திரும்பிப்போகையில், சென்னை விமான நிலையத்தில், அவருக்கான பாதுகாப்பை வழங்க அனுமதிக்க மறுத்திருக்கிறார்கள் மத்திய காவல் அதிகாரிகள்.
ஏனென்று கேட்டதற்கு, ராஜீவ் காந்தியை நீங்கள் பாதுகாத்த லட்சணம் தான் தெரியுமே என்று கிண்டல் செய்திருக்கிறார்கள். ராஜீவ் காந்தியைத் தமிழக காவல்துறையால் காப்பாற்ற முடியவில்லை என்பது எவ்வளவு உண்மையோ, அதே அளவுக்கு உண்மை, ராஜீவோடு இறந்தவர்களில் பலர் அப்பாவி பொலிஸ்காரர்கள் என்பது. உங்கள் அர்ப்பணிப்புணர்வு கேள்விக்காப்பாற்பட்டது. ஆனால் மேற்படி வெண்ணெய் வெட்டி வீரரர்கள் - அதுதான், இந்திய உளவுத்துறை - ராஜீவின் உயிருக்கு ஆபத்து இருக்கிறது என்ற தகவலை அறிந்தபோதும் மெத்தனமாக இருந்தது என்பது பின்னர் அம்பலமானதல்லவா... இதுவரை காலமும் நீங்கள் அப்பாவி மக்களுக்கெதிராக இருந்தாலும் தமிழகத்தின் பெருமைகளில் ஒன்றாகத்தான் இருக்கிறீர்கள். வரலாற்று முக்கியத்துவம் வாய்ந்தஇந்த தருணத்தில், நீங்கள் மக்கள் பக்கம் இருந்தால் மட்டுமே மக்களிடம் இழந்திருக்கிற பெருமையை மீட்டெடுக்க முடியும். ஒருமுறை சக தமிழர்களுக்காக அர்ப்பணித்துப் பாருங்கள். மக்கள் உங்களை தங்கத்தட்டில் வைத்து தாங்குவார்கள். தமிழனின் நன்றி உணர்ச்சி அளவிடற்கரியது. தன்னுடைய சொந்தக்காசை வைத்து அணை கட்டிக்கொடுத்தான் என்பதற்காகவே அவனுக்கு கோயில் கட்டி. தன் பிள்ளைகளுக்கு அவன் பெயரை வத்துக் கொண்டாடிக்கொண்டிருக்கிறான் முல்லையாற்றின் மதுரை மாவட்டத் தமிழன். நீங்கள் செய்ய வேண்டியதெல்லாம், கொந்தளிக்கப் போகும் தமிழகத்தில், மத்திய அரசு அதிகரிகளுக்கு ஒத்துழைக்க மறுப்பது, ரா, சி.பி.ஐ போன்ற அமைப்புகளைச் சேர்ந்தவர்களை உள்ளூர் மக்களுக்கு அடையாளம் காட்டுவதும்தான். இதை மட்டுமாவது செய்யுங்கள். மற்றதை மக்கள் பார்த்துக்கொள்வார்கள்.
களத்தில் நிற்கும் தமிழீழ மக்களே, விடுதைலைப் புலிகளே...
அனைத்துக்கண்களும் இப்போது முல்லைத்தீவை நோக்கி. தாய்த் தமிழகம் உணர்வுபூர்வமாக உங்கள் பக்கம்தான் நிற்கிறது. வேறு ஏதாவது செய்ய வேண்டும் எனவும் விரும்புகிறது. ஆனால் என்ன செய்வது உங்களுக்கு அமைந்தது போன்ற உன்னத தலைவன் எங்களுக்கில்லையே... ஆனால், நம்பிக்கையை மட்டும் கைவிடாதீர்கள். இதுபோன்ற கையறுகாலங்கள்தான். தமிழகத்திலிருந்து அப்படி ஒருவர் இந்தக் காலத்தில் உருவாகலாம் அதுவரை, புலிகளின் கரங்களை பலப்படுத்துங்கள். 1965 இல் நடந்த இந்தி எதிர்ப்புப் போரை சில சுயநலமிகளின் கையில் ஒப்படைத்ததால்தான் தமிழக வரலாறு கற்காலத்திற்கு இழுபட்டுள்ளது. அந்தத் தவறை நீங்கள் செய்து விடாதீர்கள்.
அன்பிற்குரிய சர்வதேச சமூகமே, நம்பிக்கைகுரிய ஒபாமாவே,
உங்கள் மீது எங்களுக்கு இன்னும் நம்பிக்கை இருக்கிறது. ஆனால், இறையான்மை கொண்ட ஒரு குடியரசு தம் குடிமகனை இன ஒதுக்கல் மூலமாக கொடுமைப்படுத்தாது என்பதற்கு எந்த உத்தரவாதமும் கிடையாது. வசதிக்காக அமெரிக்காவின் கடந்த காலத்தையே எடுத்துக்காட்டாக சொல்லலாம். உலகப்புகழ் பெற்ற குத்துச்சண்டை மாவீரன் முகமதலி சொன்னானே, என் சருமத்திலிருக்கும் கொஞ்ச வெண்மையும் கற்பழிப்பின் மூலமாகவே வந்திருக்குமென்று... நீங்கள் அமைதியாக இருக்கும் வரை இந்தியா வாயே திறக்காது. ஒட்டுமொத்த தமிழர்களும் அழிக்கப்பட்ட பிறகு வேண்டுமானால் அது நடக்கும். அதுவரை, இந்தியாவின் வாயைப் பார்த்துக்கொண்டிருக்கப் போகிறீர்களா?
வன்னியில், விடுதலைப் புலிகளூக்கு எதிரான போர்தான் நடக்கிறது என்கிறார்கள். புலிகள் மக்களைக் கேடயமாகப் பயன்படுத்துகிறார்காள் என்கிறார்கள். அப்படியானால் அரசு சொன்ன பகுதிக்கு வந்த மக்களை ஏன் கொலை செய்தார்கள்? இது ஒன்று போதுமே, தமிழ்மக்கள் விடுதலைப் புலிகளைச் சார்ந்து நின்றாலும் சரி, இலங்கை அரசைச் சார்ந்து நின்றாலும் சரி, தமிழர்கள் என்ற காரணத்திற்காகவே அவர்கள் கொல்லப்படுகிறார்கள் என்பதற்கு. இது இனப்படுகொலை இல்லையா? இந்தியா, பாகிஸ்தான், சீனா ஆயுதம் கொடுத்தும், ஜப்பான் பணம் கொடுத்தும், கூடுதலாக, இந்தியா நாட்டாமை செய்தும் தமிழர்களைக் கொள்கின்றனரென்றால். நீங்கள் உங்கள் மெளனத்தின் மூலமாகவும், பாராமுகத்தின் மூலமாகவும் அதே கொலையைத்தான் செய்து கொண்டிருக்கிறீர்கள் என்பதை ஏன் உணரவில்லை? ஆயுதம் தாங்கி போராடுவதால் மட்டுமே யாரும் தீவிரவாதியாகிட மாட்டார்கள். அறத்திற்கே அன்பு சார்பென்ப அறியார். மறத்திற்கும் அஃதே துணை என்று பாடியுள்ளான் எங்கள் திருவள்ளூவர்.
புலிகள் ஆயுதங்களைக் கீழே போட வேண்டும் என்கிறார் ஜெயலலிதா - என்னவோ பிரச்சினையே புலிகள் ஆயுதம் அடுத்ததால்தான் வந்தது என்பதைப் போல.. உணமையில், புலிகள் தமிழீழ இன அழிப்பிலிருந்து உருவாகி வந்தவர்களே தவிர, காரணகர்த்தாக்கள் அல்லர் (they are not the reason: just an outcome)
இந்திய அரசு இந்தப் பிரச்சினையில் ஈடுபட்டிருப்பது வெளிப்படையாகாத வரை, இலங்கைப் பிரச்சினை உள்நாட்டுப் பிரச்சினை. அதில் தலையிட முடியாது என்றது. சீனா, பாகிஸ்தான் அமெரிக்கா போன்ற நாடுகள் இலங்கையில் ஆதிக்கம் பெறுவதைத் தடுப்பதற்காக செய்வதாகச் சொன்னது.
நாடாளுமன்றத்தில் தாக்குதல் நடத்திய, மும்பை தொடர் வெடிகுண்டுகள், பிறகு அண்மையில் நடந்த தாக்குதல் எனப் பலவாறாக இந்திய மக்களைக்கொன்று குவித்த பாகிஸ்தானோடு இணைந்து கொண்டு தமிழர்களைக் கொண்று குவிக்கிறது. அப்படியானால், பாகிஸ்தானின் இந்திய மீதான பயங்கரவாதமென்பது இந்தியா-பாகிஸ்தான் இருதரப்பு அதிகார வர்க்கங்களும் தங்கள் மக்களைச் சுரண்ட பரஸ்பர புரிதலுடன் உருவாக்கிக் கொண்ட ஒன்று என்ற எம் சந்தேகம் ஒருபக்கம் இருக்க, இப்போது, விடுதலைப் புலிகள் தீவிரவாதிகள் அதனால்தான் சண்டை என்கிறது.
ராஜீவ் காந்தியைக் கொன்றார்கள் என்கிறது. ராஜீவ் காந்தி ஒரு கவுன்சிலரோ, மாவட்டச் செயலாளரோ அல்ல. அவரை ஏற்கனவே ஒருமுறை கொலை செய்யும் முயற்சி இலங்கையில் நடைபெற்றிருந்த போதும் அந்தக் கொலைகாரன் விசாரிக்கப்படவில்லை. ராஜீவ் காந்தியைக் கொல்ல முயன்ற அந்த சிங்கள வீரன் ஆகியோரையும் குற்றம் சாட்டப்பட்டவர்களாக இணைத்துக்கொண்டு மறுபடியும் விசாரிக்கப்பட வேண்டும் என்பது என் கோரிக்கைகளில் ஒன்று.
ராஜீவ் மீது புலிகளுக்கு வருத்தம் இருந்திருக்கலாமே தவிர, கோபம் இருந்திருக்க வாய்ப்பில்லை. காரணம், ராஜீவ் இந்திராவின் புதல்வர். இந்திரா, தமிழீழத்தின் சிறு தெய்வங்களில் எம்.ஜி.ஆருக்குப் பக்கத்திலிருப்பவர்.
இந்தியா சொல்லும் காரணங்கள் அடிக்கடி மாறுவதிலிருந்தே இந்தியா நியாயத்திற்குப் புறம்பாகத்தான் இந்தப்போரில் ஈடுபட்டிருப்பது அம்பலமாகி இருக்கிறது. இப்படிப்பட்ட ஒரு சூழலில் நீங்கள் ஏன் நேரடியாகத் தலையிடக்கூடாது? புலிகள் போர் நிறுத்தத்தைப் பயன்படுத்தி ஆயுதம் குவிக்கிறார்கள் என்றது இலங்கை. சந்திரிகாவோ, ரணிலோ, மகிந்தாவோ கடந்த காலங்களில் ஒரு கடவுளாக அல்ல, மனிதர்களாகக்கூட நடந்துகொண்டதில்லை. இவர்கள் ஒரு நிர்ப்பந்தத்தின் பெயரில் போர் நிறுத்தத்திற்கு ஒப்புக்கொண்டுவிட்டார்கள் என்பதால் மட்டுமே போராளிகள் ஆயுதங்களை ஒப்படைத்துவிட வேண்டும். புனரமைப்புப் பணிகளில் ஈடுபடக்கூடாது என்று எதிர்பார்ப்பது என்னவகை நியாயம்? தாங்கள் நேர்மையாக நடந்துகொள்வோம் என்ற நம்பிக்கையை உண்டாக்குவது மூலமாக மட்டுமே போராளிகளை-ஆயுதத்தைக் கீழே வைக்கச்செய்ய முடியும். கடந்த கால அரசுகள் எவையும் அப்படி செயல்படவில்லை.
உதாரணம் ரணில்- கருணா. ஆனால், புலிகள் போர் நிறுத்தத்தைப் பயன்படுத்திக்கொண்டு செய்தது ஆயுதம் வாங்கியது மட்டுமல்ல, அது காலாகாலமாக நடப்பதுதானே- ஓர் அரசு நிர்வாகத்தையே உருவாக்கியுருக்கிறார்கள். சர்வதேசத்தின் கண்களில் இது தீவிரவாதமா?
அப்பாவித் தமிழர்களைக் காப்பதற்காகத்தான் போரிடுவதாக பசப்புகிறது இந்தியா. ஆயுத தளபாடங்களும், உளவு விமானங்களும்தான் இலங்கை போகின்றனவே தவிர, இந்தியாவால் அனுப்பப்பட்ட ஒரு பாராசெட்டமால் மாத்திரையைக் காட்டச் சொல்லுங்கள் பார்க்கலாம். இந்த லட்சணத்தில், தமிழீழ மக்களுக்கான வசதிகளை இலங்கை அரசு செய்யுமாம். அதற்கு இந்தியா உதவுமாம்... வேலிக்கு ஓணான் சாட்சி! இப்போது சர்வதேச செஞ்சுலுவைச் சங்கத்தின் ஆம்புலன்ஸ்களைத் தாக்கினார்களே, அவர்களும் விடுதலைப் புலிகளா? பிரான்சின் 17 மனித உரிமையாளர்களைக் கொலை செய்தார்களே, அவர்களும் விடுதலைப் புலிகளா? சீனாவின் டாங்கிகள், இந்தியாவின் உளவு விமானங்கள், பாகிஸ்தானின் ஆர்டிலரிகள் மட்டுமல்ல... இப்போது எம்மக்களைக் கொலைசெய்து வருவது சர்வதேச சமூகத்தின் மெளனமும்தான் என்பதை எப்போது உணர்வீர்கள்-நியாயத்தின்பால் பெருவிருப்பு கொண்ட ஒரு மக்கள் சமூகம் பூமியிலிருந்து முற்றாகத் துடைத்தழிக்கப்பட்ட பிறகா? அபாரிஜின்கள், மாயா, இன்கா வரிசையில் நாங்களும் சேர்க்கப்படுவது உங்கள் நோக்கமென்றால், எங்கள் பழங்கதைகள் ஒன்றின்படி ஒவ்வொருநாளும் ஏதேனும் ஒரு வீட்டிலிருந்து ஒருவர் வந்து உங்கள் முன்னால் தற்கொலை செய்து கொள்கிறோம்... எங்கள் சகோதரிகளையும், குழந்தைகளையும் விட்டுவிட்டுச் சொல்லுங்கள். தாங்க முடியவில்லை. அவர்களெல்லாம் மனமார சிரிப்பதை ஒருநாள் பார்ப்போம் என்ற நம்பிக்கையில்தான் நாங்கள் போராடிக் கொண்டிருப்பதே. ஒரு பேச்சுக்கு ஒத்துக்கொள்வதென்றாலும்கூட, விடுதலைப் புலிகள் தண்டிக்கப்பட வேண்டியவர்கள் என்றாலும் அப்படி ஒரு தண்டனையை வழங்கும் யோக்கியதை இந்தியாவுக்கோ, இலங்கைக்கோ கிடையாது.
காலம் கடந்து வழங்கப்படும் நீதி அநீதியை விடக் கொடுமையானது.
1. இந்தியா உடனடியாக தமிழீழத்தின் பகுதிகளிலிருந்து தன் துருப்புகளைத் திரும்பப் பெற்றுக்கொள்வதோடு, மேற்கொண்டு செயற்கைக்கோள் உதவிகள், ராடார் போன்ற உதவிகளைச் செய்யக்கூடாதென்று சர்வதேச சமூகத்தால் கண்டிக்கப்பட வேண்டும். இலங்கையோடு இந்தியா அரசு நடந்தும் முக்கியத்துவமற்ற பேச்சுப்பரிமாற்றங்கள்கூட சர்வதேச சமூகம் மூலமாகவே நடக்க வேண்டும். தமிழக மக்களிடமும், உலகெங்கும் பரந்து வாழும் தமிழீழத்தாரிடமும் இந்தியா பகிரங்க மன்னிப்பு கோர வேண்டும்.
2. ஐ.நா. பொதுச்செயலாளரான பான் கி மூன், தொடர்ந்து தன் தாயகமான சீனாவிற்கு ஆதரவான நிலைப்பாட்டிலிருந்து, ஒரு தலைப்பட்சமாக செயல்பட்டு வருவதால், ஈழம் தொடர்பான முடிவெடுக்கும் அதிகாரம் அவருக்கு வழங்கப்படக்கூடாது.
3. இலங்கை அரசு எந்தெந்த நாடுகளிடமெல்லாம் கோரப்பட்டு புலிகள் மீது தடை விதிக்கப்பட்டதோ அந்தந்த நாடுகளில் புலிகள் மீதான தடை நீக்கப்பட்டு, தடை செய்யப்பட்ட அமைப்பின் உறுப்பினர் என்ற குற்றத்திற்காக சிறையிலிருக்கும் அதன் உறுப்பினர்கள் எதுவித நிபந்தனையுமற்று உடனடியாக விடுதலை செய்யப்பட வேண்டும்.
4. புலிகளின் உறுப்பினர்கள் மீதான பாஸ்போர்ட் தொடர்பான குற்றங்கள் மன்னிக்கப்பட்டு, அவர்கள் விடுதலை செய்யப்பட வேண்டும்.
5. புலிகளோடு தொடர்புடையது என்னும் குற்றச்சாட்டின் பேரில் தடை செய்யப்பட தொழில் நிறுவனங்களின் உரிமம் மீண்டும் அளிக்கப்படுவதோடு, தக்க நட்ட ஈடும் வழங்கப்பட வேண்டும்.
6. ராஜீவ் காந்தி கொலை வழக்கு இண்டர்போலால் விசாரிக்கப்பட்டு, உண்மையான குற்றவாளிகள் இனம் காணப்பட வேண்டும்.
7. பிரணாப் முகர்ஜி, கோத்தபாய ராஜபக்க்ஷே, சந்திரிகா, உதயணகார, கேகலிய ரம்புக்வெல, பசில்ராஜப்க்ஷ மகிந்த, பொன்சேகா போன்றோர் நார்கோ அனிலிசிஸ் சோதனைக்குப்பட வேண்டும்.
8. அமைக்கப்படபோகிற தமிழீழத்தை அங்கீகரிக்கிற உரிமையை மட்டுகே சர்வதேசம் மேற்கொள்ளலாமே தவிர, அது யாரின் தலைமையில் அமையவேண்டும என்பதை தமிழீன மக்கள் தான் முடிவுசெய்வார்கள்.
9. புலிகள் கை பலவீனமான நேரத்தில், மலையக மக்கள் மீது நடந்து வந்த தாக்குதல், எதிர்காலத்தில் அப்பகுதிகளில் மீண்டும் ஒரு பாரிய இன அழிவு ஏற்படுத்தப்படுமோ என்ற அச்சத்தை ஏற்படுத்தியிருப்பதால், மலையக மக்கள் தமிழீழத்தோடு இணைய விரும்புகிறார்களா என்பதை வாக்கெடுப்பு மூலம் அறிந்து அதன்படி செயல்பட வேண்டும் இந்த விசயத்தில் மலையக மக்களின் முடிவே இறுதியானது.
10. சென்னையில், குடிபோதையில் அப்பாவித் தமிழர்கள் மீது துப்பாக்கிப் பிரயோகம் செய்து, நீதிமன்றத்தால் தண்டிக்கப்பட்ட டக்ளஸ் தேவானந்தாவின் தண்டணைக்காலம் பூர்த்தியாகும் காலத்திற்கும் இலங்கைக்குத் தப்பிச்சென்று விட்டதால், அவர் கைது செய்யப்பட்டு, தமிழக பொலிசார் வசம் ஒப்படைக்கப்பட வேண்டும்.
11. பத்திரிகையாளரான லசந்தவின் கொலைக்குக் காரணமான அனைவரும் தண்டிக்கப்பட வேண்டும்.
12. தமிழ்நாட்டிற்கு தஞ்சம் புகுந்திருக்கும் சிங்கள பத்திரிகையாளர்களுக்கு தகுந்த பாதுகாப்பு வழங்கப்பட வேண்டும்.
13. தமிழ்நாட்டிற்கு அகதிகளோடு அகதியாக வந்த சிங்களத் தம்பதியர் மீதான பாஸ்போர்ட் குர்ர்ர்ரச்சாட்டு நீக்கப்பட்டு, அவர்களும் அகதிகளாக அங்கீகரிக்கப்பட வேண்டும்.
14. சுட்டுக்கொலை செய்யப்பட்ட தமிழக மீனவர்களின் குடும்பங்களுக்கான வாழ்வாதரங்கள் உறுதி செய்யப்பட வேண்டும்.
என்றும் அன்புடன்,

அநீதிகளுக்கெதிரான உங்கள் சகோதரன்,கு.முத்துக்குமார், கொளத்தூர், சென்னை-99
அருமைத்திமிழ் மக்களே, அநீதிகளுக்கெதிரான போராட்டத்தில் நம் சகோதர்களும், பிள்ளைகளும் அறிவாயுதம் ஏந்தியிருக்கிறார்கள். நான் உயிராயுதம் ஏந்தியிருக்கிறேன். நீங்கள் நகலாயுதம் ஏந்துங்கள். ஆம், உங்கள் கையில் கிடைத்திருக்கும் இந்தத் துண்டறிக்கையை நகலெடுத்து, உங்கள் நண்பர்கள், உறவினர்கள், மாணவர்கள் வசம் கொடுத்து, போராட்டத்திற்கான ஆதரவைப் பெருகப் பண்ணுங்கள் நன்றி.

நக்கிப்பிழைக்கலாம் ஊடகங்களே

2009-01-08T10:58:00.009+05:30

தகவல் புரட்சியின் வளர்ச்சி அபரிவிதமானது.இருந்த இடத்தில் இருந்து கொண்டு எல்லா தகவல்களையும் பெரும் அளவுக்கு இன்று ஊடகம் வளர்ந்து விட்டது.ஆனால் அதன் மீதான நம்பிக்கை நேர்மாறாக உள்ளது.

உண்மையான தகவல்களை தேடி நாம் தான் புறப்பட வேண்டி உள்ளது.திரட்டிய உண்மை தகவல்களை கொண்டு சேர்ப்பதும் அதனை உண்மையென மக்களை நம்பவைப்பது அதனினும் கடினமாய் இருக்கிறது.புரட்டு ஊடகங்கள் பெரிதாய் தின்று கொளுத்து வளர்ந்த பன்றியை போல உள்ளன.

என்னதான் செய்கின்றன இந்த ஊடகங்கள் ?

பெரும்பாலான ஊடகங்கள்(தொலைக்காட்சி ஆகட்டும் ,செய்தி தாள் ஆகட்டும் ) கட்சி சார்பு உடையவை ஆகவே இருக்கின்றன.பெரும்பாலும் இவை அந்த கட்சிக்கு ஏற்புடைய செய்திகளையே வெளி இடுகின்றன .இதைகூட நம்மால் மக்களிடம் எடுத்து சொல்லிவிடலாம்.ஒருவகையான சிந்தனைகாவது இவர்கள் உட்படுவார்கள்.

செய்தித்தாள்களில் சில செய்திகளை பார்ப்போம்.கற்பழிப்பு செய்திகள் இல்லாமல் அவர்களால் இருக்கவே முடியாது.இந்த கற்பழிப்பு செய்தியினால் என்ன சொல்கிறார்கள் மக்களுக்கு??? மாறாக பாதிக்க பட்ட பெண்ணிற்கும் அவரது குடும்பத்தாருக்கும் சொல்லனா துயரத்தையும் மன அழுத்தத்தையும் தான் கொடுக்கிறார்கள்.அதிலும் ஊரு,தெரு எல்லா தகவலையும் கொடுத்து பெயரை மட்டும் மாற்றி விடுவார்களாம்.

நேற்று ஒரு செய்தித்தாளில் கடைசி பக்கத்தில் வந்த செய்தி ..புறா திருடிய 14 வயது சிறுவன் கைது.இதன் மூலம் இந்த செய்தித்தாள் சாதித்தது என்ன?மன அழுத்தம் கொடுத்தது.புறா மீது ஆசை கொண்டு தவறு செய்த சிறுவனை திருடன் என நிரந்தர பட்ட தாரியாக ஆக்கியது.

செய்தித்தாள்களில் கூட உண்மையை சொல்லும் அடையாளம் தெரியா செய்தித்தாள்கள் இருக்கவே செய்கின்றன.

தொலைக்காட்சி ஊடகம் ...கேவலம்.எல்லா தொலைக்காட்சியின் குடுமியும் ஏதோ ஒரு குடுமி இடம் தான் இருக்கும் போல.

சென்ற புத்தாண்டு ஆண்டு அன்று இவர்கள் காட்டிய செய்தியில் எனக்கு ஒரு சந்தேகம்..இவர்கள் அந்த பெண்ணிற்கும் ஆதரவாக செய்தார்களா இல்லை ..அந்த பெண்ணை படம் பிடித்து காட்டினார்களா?? எங்கெல்லாம் அந்த பெண் மீது கைபடுகிறதோ அங்கெல்லாம் ஒரு வட்டம் போட்டு ,அம்புக்குறி இட்டு....

குடுமிக்கு ஒன்று என்றால் குதித்து ஓடிவரும் வடநாட்டை மையமாக கொண்ட ஊடகங்கள் எங்கே போயின "கயர்லாஞ்சி" சம்பவத்தில்?இங்கே எத்துனை பேருக்கு கயர்லாஞ்சி குறித்து தெரியும் என்றால் ..ஒரு பெரும் கேள்விக்குறியை முன்னிறுத்தி அதனுள் அடைந்து கொள்ளலாம்.

சில நாட்களுக்கு முன்னாள் எந்த தொலைக்காட்சி ஊடகத்தை பார்த்தாலும் சட்டக்கலூரி சம்பவத்தை தான் காட்டினார்கள்.இதே ஊடகங்கள் திண்ணியம் மலம் திணிப்பு சம்பவத்தை பற்றி ஒரு துரும்பாவது கில்லிபோட்டார்களா? இல்லை மேலளவு கொலை வழக்கு குறித்து தான் பேசினார்களா?

இதற்க்கு இவர்கள் நக்கிப்பிழைக்கலாம்..

உண்மையை சொன்னால் அதை தான் செய்கிறார்கள்.உண்மை நிலவரத்தை தேடி நாம் தான் அலையை வேண்டும்..

ஊடகங்கள் எங்கே,யாருக்கு ஆதரவாய் இருகிறார்கள்.அவர்கள் யாரென நாம் தெரிந்து கொள்வதும்,அதை எடுத்து செல்வதும் அவசியமாய் இருக்கிறது .....

வாழ்த்துங்கள் புதுவரவை...

2009-01-07T13:21:00.008+05:30

பிறந்த நாள் : 25 -12 - 2008

எண்ணங்கள் மீது எனக்கு எப்போதும் அதீத நம்பிக்கை உண்டு.வலிமை பெரும் எண்ணங்கள் செயலாக மாறும் என்பது என் நம்பிக்கை.பலரின் எண்ணங்கள் ஒன்று கூடும் போது அந்த எண்ணம் வலுப்படும் என்பது என் எண்ணம்.

இப்பொழுது நான் வலை பூ எழுத்தாளர்கள் மற்றும் வாசிப்பாளர்களான உங்களிடம் வேண்டுவதெல்லாம் ஒரு வாழ்த்து எண்ணம்.இந்த பூமிக்கு புது வரவான ரோகன் உங்கள் எண்ணங்களால் வலுப்பெற உங்கள் வாழ்த்துகளை எதிர் நோக்குகிறேன்.

எல்லாருக்குமே குழந்தை என்பது எந்த ஒரு தருணத்திலும் ஒரு மட்டற்ற மகிழ்ச்சியை கொண்டுவரகூடியது.பாஸ்டின் டோனி ராய்,ரெக்ஸ்சி அருளானந்தம் ..இவர்கள் தான் ரோகனின் தந்தை மற்றும் தாய்.ரோகன் இவர்கள் முகத்தில் மட்டற்ற மகிழ்ச்சியை கொண்டு வந்து உள்ளான்.

உங்கள் வாழ்த்துக்கள் இவர்களை மேலும் மகிழ்ச்சி அடைய செய்யும்.இவர்களை மட்டும் அல்ல ..ரோகனின் ,அத்தை ,சித்தப்பா ,தாத்தாக்கள்,பாட்டிகள் என சகல உறவுகளையும்.

மற்றவர்களை மகிழ்விக்க தானே நாம் மனிதராய் பிறந்தோம்...உங்கள் எண்ணங்களால் வாழ்த்துக்கள் இந்த புதிய வரவை.

49 - O வை பயன் படுத்துங்கள்.

2009-01-06T12:47:00.003+05:30

நமது இந்திய அரசியல் நிர்ணயசட்டத்தின் 1969 ஆம் ஆண்டு சட்டத்தின் 49 -O பிரிவின் படி,ஒருவர் வாக்கு சாவடிக்கு சென்று தங்களுடைய அடையாளத்தை உறுதிப் படுத்திய பின்னர் "தான் யாருக்கும் ஓட்டளிக்க விரும்பவில்லை" என்பதை அங்குள்ள அதிகாரியிடம் தெரிவித்து விட்டு விரல் அடையாள மை பெற்றுக்கொண்டு வரலாம்.

ஆம் இந்த விடயத்தை பற்றி கூடுதல் விவரம் அறிந்தவர்கள் மக்களுக்கு எடுத்து செ/சொல்லுங்கள்.இந்த வாய்ப்பை அரசியல் வா(வியா)திகள் மூடி மறைப்பதாக தெரிகிறது.

"யாருக்கும் ஓட்டளிக்க விருப்பம் இல்லை" என்று தெரிவிப்பதால் என்ன பயன்? ஒரு தொகுதியில் ஒருவர் 500 வாக்குகளில் வெற்றிபெறுகிறார் என கொள்வோம்.அதே தொகுதியில் இந்த 49 -O 500 விழுந்து இருந்தால் அத்தொகுதியின் தேர்தல் செல்லாது என அறிவிக்கபட்டு மறு தேர்தல் நடத்த படவேண்டுமாம்.அது மட்டும் அல்லாது அப்போது தேர்தலில் நின்றவர்கள் மறுபடியும் தேர்தலில் நிற்க முடியாது.ஏனெனில் மக்கள் அவர்களுக்கு எதிராக தங்கள் விருப்பமின்மையை அறிவித்து விட்டனர்.

இதன் மூலம் அழுகிய அரசியல் கட்சிகளை அப்புறபடுத்த முடியும்.ஓட்டளிக்காமல் இருப்பதுவும் ஓட்டளிப்பதை விட நல்ல நன்மைகளை நாட்டுக்கு செய்திடும்.எனவே உங்கள் வாய்ப்பை நழுவ விடாதீர்கள்.49 -O வை பயன்படுத்துங்கள்.

49-O வை பற்றி கூடுதலாக அறிந்தவர்கள் சொல்லுங்கள்.இதன் சாதக பாதகங்களை மேலும் அலசுவோம்.

பின் குறிப்பு :
இது மினஞ்சல் மூலமாக வந்த தகவல்.தகவல் அனுப்பிய அருண் பாண்டியன்,ஷ்யாம் அவர்களுக்கு எனது நன்றி.

தகவலின் மூலம் கீழே
http://yankandpaste.blogspot.com/2007/10/article-49-0-of-indian-constitution.html

49 'O' எனக்கு புரியவில்லை..

2009-01-05T13:35:00.006+05:30

நான் முன்னரே கூறி இருப்பது போல "இது எனக்கான..இல்லை இல்லை .நமக்கான,நாம் கற்பதற்கான வெளி.பகிர்தல்..பகிர்வதன் மூலம் புரிதல்,புரியவைத்தல்".எனக்கு கடந்த வெகு சில நாட்களாக வந்த சந்தேகங்களை சில கேள்விகளாக உங்கள் முன்னர் வைக்கிறேன்.

முதலில் நானும் 49 'O' விற்கு வாக்களிப்பதாக முடிவு செய்தேன்.இது நேற்று தற்செயலாக எனது நண்படன் பேசி கொண்டு இருக்கையில் தோன்றியது.

கேள்விகளுக்கு முன்னர் எனக்கு என்ன புரிதல் 49 'O' குறித்து என்பதை சொல்லி விடுகிறேன்.

அதாவது 49 'O' எந்த கட்சிக்கும் எனக்கு வாக்களிக்க விருப்பம் இல்லை.நான் ஒட்டு இடாமல், எனது ஓட்டை எவனோ ஒருவன் அபகரிக்க விடாமல் செய்ய ஒரு வழிமுறை.

சரி எனது சந்தேகங்களை கேட்கிறேன்.

1) இதே முறை வேறு எங்கும் புழக்கத்தில் உள்ளதா?
2) ஒரு வேளை அதிக பெரும்பான்யை விட 49 'O' வின் ஒட்டு அதிகம் ஆகிவிட்டால்?
a) அதை ஜானநாயக முறை படி நடப்பதாக சொல்ல படும் இந்த தேர்தல் மேலே எங்களுக்கு நம்பிக்கை இல்லை என எடுத்து கொள்ளலாமா?
3) வெறும் கள்ள ஓட்டுகளை புறக்கணிப்பது தான் இதன் வேலையா?

வெறுமனே பார்க்கும் போது எனக்கும் கூட இந்த கேள்விகள் மேலே எனக்கு லயிப்பு இல்லை.ஒரு வேளை 49 '0' அதிகமாக இருக்கும் பொருட்டு..

1) எத்தனை நாள் தான் நாம எரிகிற கொள்ளியில் எந்த கொள்ளி நல்ல கொள்ளி என தேர்ந்து எடுத்து கொண்டு இருப்பது?
2 ) ஆள் பலம் பணபலம் கொண்டு செய்வது தான் ஆரசியல் என முத்திரை குத்த பட்டபிறகு ..வெறுமனே சண்டை வைத்து தேர்ந்து எடுத்து விடலாமே?இன்னும் ஏன் இப்படி நம்மை நாமே ஏமாற்றி கனவு காணும் வேலை?
3 ) இப்படியே தான் இருக்கும்.அவன் நமக்கு செயுரதே கொஞ்சம் செய்து கொண்டு ..அவனுக்கு வேண்டிய பணத்தை மட்டும் சுருட்டி கொள்வான் என எத்துணை காலத்திற்கு நம்புவது?

மீண்டும் சொல்கிறேன் இந்த கேள்வி ரொம்ப கேவலமா தெரியலாம் ..ஆனாலும் எனக்கு வாக்கு உரிமை வாக்கு உரிமை அப்படி ஒன்னு இருக்குன்னு சொல்லுறாங்களே அது என்ன *** என தெரிந்து கொள்ள ஒரு ஆசை அவ்வளவே.

மேலும் வாசிக்க .." 49 - O வை பயன் படுத்துங்கள் "

http://karuvarayilirunthu.blogspot.com/2009/01/49-o_06.html

ஒதுக்கப்படும் மனித இனம்..

2009-01-02T12:06:00.005+05:30

திருநங்கைகள் குறித்து எழுத வேண்டும் என்ற எண்ணம் வந்தபோது கூடவே எழுதவேண்டுமா என்ற சந்தேகமும் ஒட்டிகொண்டது.ஆனாலும் எழுதிவிடுவது என்று முடிவு செய்து விட்டேன்.திருநங்கைகளுடன் ஒருபோதும் பேசியது இல்லை.அவர்கள் குறித்த ஒரு தெளிவும் என்னிடம் இல்லை.ஏதோ ஒருவகையான எண்ணம் எப்பொழும் அவர்களிடம் இருந்து என்னை விலக்கியே வைத்து இருக்கிறது.

இந்த எண்ணம் எங்கு இருந்து வந்தது?ஏழாம் வகுப்புவரை அப்படி ஒரு பாலிடம் குறித்த எந்த ஒரு விடயமும் தெரிந்தது இல்லை எனக்கு.சரியாக எட்டாம் வகுப்புதான் என்று நினைகிறேன்.அறிவியல் ஆசிரியர் முதன் முதலில் "அலி","ஒம்போது" என்ற பெயரில் எனக்கு அந்த பாலினத்தை அறிமுகம் செய்து வைத்தார்.

அதன் பிறகு அலியும்,ஒம்பதுவும் எங்களுள் ஒரு சகஜமான கெட்ட வார்த்தை ஆகி போகின.அதிகமாக எங்கள் ஊரில் நான் அவர்களை பார்த்தது இல்லை(பார்த்ததே இல்லை).பத்தாம் வகுப்பின் போது மேலும் திருநங்கைகள் குறித்த பேச்சு சகஜமாகி போனது.அவர்களின் உடலமைப்பு குறித்து பலரும் பேசிக்கொண்டு இருப்பர்.

கல்லூரி நாட்களில் தான் திருநங்கைகளின் பிழைப்பு குறித்து கொஞ்சம் நண்பர்கள் கூற கேட்டு இருகிறேன்.ஒருவித போக பொருளாக அவர்கள் பயன் படுவதாகவும்,தானும் பயன்படுத்தி இருப்பதாகவும் ஒரு நண்பன் கூறினான்.திருநங்கைகள் குறித்த வெறுப்பு சற்றே அதிகமானது.

சென்னைக்கு வந்த பிறகுதான் அதிகமாக திருநங்கைகளை பார்க்க நேர்ந்தது.முதல் முறையாக 47A பேருந்தில் அருகில்(எனக்கு முன் இருக்கையில்) திருநங்கையை பார்த்தேன்.இடை பட்ட காலங்களில்..சில வாசிப்புகளால் திருநங்கைகள் மீதான பார்வை சற்றே மாறி இருந்தது.

கடைகளில் காசுகேட்க வரும் போதும்,ரயிலில் காசு கேட்கும் போதும் பெரும்பாலும் கோவங்கள் எனக்கு வருவது உண்டு.கூடவே எந்த ஒரு அங்கீகாரமும் கொடுக்காத நாமும் தானே காரணம் என்ற எண்ணமும்.

இப்பொழுது அவர்கள் நிலைமை முன்னர் இருந்ததை காட்டிலும் பிறவாஇல்லை என்னும் நிலை.இப்படிக்கு ரோஸ் நிகழ்ச்சியின் எண்ணிலடங்கா ரசிகருள் நானும் ஒருவன்.காரைக்குடி(சரியாக நினைவில் இல்லை) பல்கலைகழகத்தில் அவர்களின் பாலினமும் சேர்க்கப்பட்டு உள்ளது.

ஆனாலும் "அதை" போய் எவன் பார்ப்பான் என இப்படிக்கு ரோஸ் நிகச்சியை புறக்கணிப்பவர்களையும் பார்த்து இருகிறேன் .இப்பொழுதும் கடைகளில் திருநங்கைகளை பார்க்கையில் என் கால்கள் விலகியே உள்ளன.இப்பொழுதெல்லாம் திருநங்கைகள் மனிதருள் ஒருவராய் தான் தெரிகிறார்கள்.திருநங்கைகளின் மனநிலையில் நான் எப்படி தெரிவேனோ..

எட்டாம் வகுப்பில் விதைக்க பட்ட விதை இன்று "விருட்சமாய் பாதி பட்டுப்போய்".அதே எட்டாம் வகுப்பில் இன்றும் ,அலிகளும்,ஒம்பதுவும் காற்றில் கலந்து கொண்டுதான் இருக்கின்றன .அவர்கள் மனதிலும்...

மரங்களுக்கும் மனதிருக்கும்...

2009-01-02T09:47:00.004+05:30

மரங்களுக்கும் மனது இருக்கும் என்பது எனது சிறுவயது அபிப்பிராயம்.இன்றுவரை அந்த எண்ணம் மாறவே இல்லை.அப்பொழுது எனக்கு ஐந்து வயது இருக்கும்(சரியாக நினைவில் இல்லை) எங்கள் வீட்டின் பின்புறம் ஒரு சப்போட்டா வகை மா மரம் ஒன்று மொட்டுவைத்து சிறிய காய் ஒன்றை பூத்து இருந்தது.அதன் முதல் கரு...எனது அம்மாவை கூப்பிட்டு அதை காட்டும் பொருட்டு அழைத்து கொண்டே இருந்தேன்.எனது அம்மா வரவே இல்லை ....சிறிய காயை வெடுக்கென பறித்து விட்டேன் .கலைந்தது அதன் முதல் கரு.பின்னர் அந்த மரத்தை வெட்டும் வரை அது கருத்தரிக்கவே இல்லை.மரங்களுக்கும் மனதிருக்கும்.

அருகருகே இருக்கும் மரங்கள் காற்றில் ஆடும் பொழுது அவைகள் பேசிக் கொள்வதாகவே தோன்றும்.மரங்களும் நடப்பு பாராட்டும்.கிராம புறங்களிலும்,காடுகளிலும் எப்பொழுதும் மரங்கள் பேசிக்கொண்டு தான் இருக்கின்றன.குழந்தைகள் தான் பெரும்பாலும் மரங்களை உணர்ந்து கொள்கின்றன.

குழந்தைகளுக்கும் மரங்களுக்குமான நட்பு அலாதியானது.குழந்தைகள் மரங்களை தன் பிஞ்சு கரங்களால் அடித்து விட்டு தடவிகொடுக்கும்.சிறுவயதில் நான் செய்ததுண்டு.குழந்தையின் கை படும் மரங்கள் மனமுடைவதே இல்லை.

வளரும் குழந்தையாய் மனிதனுக்கும், மரத்திற்கும் எந்த இடத்தில் உறவுகள் மறைக்கின்றன என தெரியவில்லை.மனிதன் தான் மரத்தின் நலன் மறந்து விடுகிறான்.மரங்கள் பெரும்பாலும் மறப்பது இல்லை.தொழிற்சாலை கழிவு,வாகன புகை என எல்லாவகையிலும் தெரிந்தோ தெரியாமலோ மரங்களுக்கு எதிரியாகி விடுகிறான் மனிதன்.தெரிந்த பிறகும் தொடர்கிறான்.

நகர் புற மரங்களுக்கு, கிராம புற மரங்கள் கொஞ்சம் கொடுத்து வைத்தவை.சக மரங்கள் கொஞ்சமேனும் அருகில் உள்ளன.நடக்க முடியா மரங்கள் தூரத்து தோழனுக்கு செல்ல முடியா தகவல் அனுப்பியே நொத்து போய் விடுகின்றன.

பழம் தரும் மரங்களுடன் பழக மனிதர்கள் தான் இல்லை.கொஞ்சம் தோழமை மரங்களாவது தருவோம்.பாவம் மரங்கள் அவைகளுக்கும் மனம் இருக்கும்.

ஆளுக்கொரு வாகனம் வாங்க ஆரம்பித்து விட்டோம்.குழந்தைக்கு ஒரு மரமாவது வளர்ப்போமே..

அழகான பக்கங்கள்

2009-01-01T12:22:00.016+05:30

"ஊதா டவுசரும்,மை ஊரிய வெள்ளை சட்டையும் போட்டு ஒரு மஞ்சள் பையை தலைக்குமேல் சுமந்து கொண்டு..." பள்ளிக்கு செல்லும் எங்கள் பாதை பெரும்பாலும் இப்படி தான் இருக்கும்.கொஞ்சம் வசதி இருக்குமாயின் சதுர வடிவிலான தோள் பை.சட்டை பையை பெரும்பாலும் 10 பைசாவோ 5 பைசாவோ நிறைத்து இருக்கும்.கூடவே மனசில் சவ்வு மிட்டாய் தரும் தித்திப்பையும்.நடக்கும் போது லாவகமாக காற்றை பின்தள்ள துடுப்பென கைகள்.எந்த காலை பொழுதும் சோர்வாய் இருந்ததாய் நினைவே இல்லை.

பள்ளிகூட காலை விளையாட்டுகளால் எப்போதும் நிரம்பியே இருக்கும்.முடித்ததோ முடிக்காததோ வீட்டு பாடங்கள் எங்களை சஞ்சல படுத்தியதே இல்லை.எங்கள் புத்தக பை எங்கள் ஆசைகளை சுமந்து செல்ல "பெரிதாய் கொஞ்சமேனும்" இடம் வைத்தே இருந்தது.குண்டான க்ரேஸ் டீச்சரும்,ஒல்லியான சிரியபுஷ்பம் டீச்சரும் எப்போதும் பயம் கொடுத்ததே இல்லை.

அது எங்கள் ராஜியமாகவே இருந்தது.எங்களுகென கற்றலுக்கான பாதையும்,சுதந்திரமும் தெளிவாய் வடிவமைக்க பட்டு இருந்தன.நாங்கள் நாங்களாகவே இருந்தோம்.பாடங்கள் மட்டுமே கற்பிக்கபட்டன.உறவுகள் அனுபவிக்கபட்டன.கொய்யாவை காக்கா கடி கடித்து தரும் செந்திலாலும்,மிட்டாய் கொடுக்கும் புஷ்பாக்களாலும் அவைகள் வலு பெற்று இருந்தன.

மொத்தத்தில் அவை அழகிய பக்கங்களாய் இருந்தன.

மாறாக இன்று "கருப்பு நிற சூவும்,கழுத்தை இருக்கும் டையுமாய் ,முதுகை வளைக்கும் பையுடன் அழுத்தி வைக்க பட்ட மூட்டையாய்...." ஆட்டோவில் பள்ளிக்கான பாதை உள்ளது.ரூபாய் நோட்டுகளால் சட்டை பை நிறைந்து உள்ளது .காற்றை தள்ள கைகள் இருப்பது இல்லை மாறாய் தோளுக்கு துணையாய் பையை சுமந்து கொண்டு.

இப்பொழுதும் காலை பொழுது விளையாட்டுகளால் தான் நிரம்பி உள்ளது .ஆனாலும் முடிகபட்டதோ, முடிக்கபடாததோ ,திணிக்கப்பட்ட வீட்டு பாடங்கள் மனதை சஞ்சல படுத்திகொண்டே இருக்கின்றன.புத்தகபை காற்றை கூட அனுமதிக்க இடம் இல்லாமல் தவிக்கிறது.ஆசிரியர்கள் எப்பொழுதும் கனவில் கம்புடனே வருகிறார்கள்.நேரிலும்..

எல்லாம் திணிப்பாகவே உள்ளது.சுதந்திரம் அவர்களுக்கு இருப்பதே இல்லை .பெரும்பாலும் அவர்கள் அவர்களுடைய அப்பாகளாகவோ,அம்மாக்களாகவோ இருகிறார்கள் .அவர்களின் பிஸ்கட்டுகள் பெரும்பாலும் அவர்கள் திண்பதற்காகவே படைக்க பட்டு இருக்கின்றன . உறவுகள் நூல் பாலமாகவே....

அழுக்காக ஆக்கப்பட்ட பக்கங்கள்..